نحنا كدة
في السلك
بابكر سلك
نحنا كدة
*لاننا سودانيين
*تميزنا
*نحنا كده
*تفتح ملف الكورة
*كلنا مدربين
*تفتح ملف السياسة
*كووولنا سياسيين
*تفتح ملف المرض
*الماقاري فينا طب منو عاد
*تفتح ملف الاقتصاد
*آدم اسميث جد الكل
*تفتح موضوع الهندسة
*اساسا بديناها نحنا
*اخترعنا الهندسة كاول شعب في العالم
*واي زول فينا بفهم في اي شئ
*بل افهم زول في كل المجالات
*اي واحد فينا عالم ومثقف
*علي الرغم من ان العالم يختلف عن المثقف
*الا انو الواحد فينا
*اي واحد فينا عالم ومثقف
*فالعالم هو الذي يعلم اي شئ عن شئ واحد
*يعني ممكن يكون عالم في الذرة بس مامثقف
*لانو بعرف اي شئ عن الذرة
*وخلاف كدة مابعرف تلت التلاته كم في مجالات اخري
*اما المثقف فهو الذي يعلم شئ عن اي شئ
*يعني مامتخصص في شئ ليعلم كل جوانبه
*ولكنه يعرف شئ عن كل الاشياء
*وبالتعريفين اعلاه
*كووولنا
*اي واحد فينا عالم ومثقف
*قالوا من يدير المريخ في هذه المرحلة
*ستين اجتماع واربعين قائمة تطبيع ومية ترشيح
*والقصة دي عندها جهة مختصة بيها
*فيا سادة
*بالذات ناس الاتحاد
*فضوها سيرة وشوفوا ليكم شغلة تانية
*فكروا في تطوير المنتخب الماخد لحدي اسي تلاتة من تونس والشوط الاول ما انتهي
*قصة لجنة تطبيع وما لجنة تطبيع ده شغل لجنة ماعندكم بيها شغلة
*ايها الناس
*الزمن ما زمن مناكفات ومناقشات ومكابرة
*الزمن زمن واقع
*تحفه مطلوبات ويحكمه نظام اساسي مجاز و(مؤكدة) اجازته
*الجمعية العمومية هي الحاكم العام
*وقالت كلمتها
*قصة تمت وما تمت لابتخدم قضية ولا بتخدم اجندة
*تمت ما تمت
*ذكرتني قون شيبوب
*عبرت ماعبرت
*والحكم قال عبرت
*يبقي عبرت ماعبرت عبرت
*حقو مانبقي زي ناس الهلال
*بتكلموا عن هدف ظانين انه صحيح من سبعة وتمنين
*لاراش ما لاراش
*ولازال الحديث في مجالسهم يتحكر
*والصفر يكبر
*مايحمد لمجتمع المريخ انو نقاشو بقي بالقانون واللوائح ويجوز ولا يجوز والفقرة كم من المادة كم
*دي في حد ذاتها محمدة
*المهم
*سمعنا تحت تحت انو الهلال لن يجدد لسالم ويريد الاستغناء عنه
*ماقلتوا حوبة!
*عشرة الف دولار في الشهر؟؟؟؟
*وامي ومراتي وسبعة عيال في الشهر؟؟؟؟
*ماقلنا ليكم وقتها وقلتوا لأ
*بذهاب سالم لا المريخ خسر كاس افريقيا الجابو في عهد سالم
*ولا الهلال فارق صفرو الدولي بفضل جمال
*يبقي نجاوب بصراحة للنفس
*هل ذهاب جمال سالم كان قرارا اداريا صائبا
*ام كان مجرد فشل من مجموعة فشل مجلس الفشل الذي فشل رئيسه في املاء إرادته وفرضها علي الجمعية العمومية ام راس؟؟؟
*المهم
* من كان يريد المريخ
*فالمريخ قااااااعد
*ومن كان يريد غير المريخ
*فاليبحث عن غير المريخ وين
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*المدارس الخاصة الكلو يوم بتزيد الرسوم لينا
*قانون ٢٠١٥ بشملها يا والينا
*ولا مابشملها لذا من حقها تطيح فينا؟؟؟
سلك كهربا
ننساك كيف والكلب قال البلد الفيها وزارة تربية وتعليم مدارسها الخاصة مابتكون اكتر من البقالات
والي لقاء
سلك
هسه ياعمنا تنقو الهضربة دي كلها عشان رمضان عجب ماشي الهلال؟؟؟؟. هههههه هااااااي. ياحليل بلف المؤتمر الوطني الكان مفتوح ٢٤ ساعة زمن الرئيس طوالي. السوباط حالف الا يشلح المرخرخ. شدو حيلكم وابقوا رجال.
نحن يانا نحن وانت ياكا سلك اسم على مسمى مجرد موصل لتيار العصبية الذي اودى بنا الى الخراب وجعل وطننا مسخرة. كيف تتطور الرياضة وننافس من كانوا في مؤخرا الركب وباتوا الآن يتلاعبون بنا. لم نصل لهذا المستوى إلا بسبب كتاب وصحافيين آخر الزمان من شاكلتك. ولن نتقدم مطلقا طالما ظل امثالك يكتبون.