عجب والرشيد ينهيان التكهنات
بعد جهود كبيرة ومتصلة أكمل المريخ عملية إقناع الثنائي الدولي رمضان عجب ومحمد الرشيد بالتوقيع على طلب فسخ عقديهما مع الهلال من طرف واحد، وذلك بعد أن إزدحمت الأسافير بأخبار أفادت بمضاعفة الهلال لعرض المريخ وإستعداده لرفع قيمة التعاقد مع قائد المريخ لثلاثين مليوناً مقابل ٣٣ للرشيد، وهو ما نفاه الثنائي خلال يوم أمس عندما أعلنا عن خروجهما رسمياً من مضمار المزايدات وإختارا المريخ، وأكد رمضان عجب أن هنالك من تحدث بلسانه عن عرض لاحق للهلال وهو يستنكر ذلك وينفي ما ورد جملة وتفصيلاً، وأكد أنه باقٍ بالمريخ لإكمال مسيرته الناجحة مع زملاءه، أما النجم الدولي الشاب محمد الرشيد فقد نفى بدوره أن يكون قد سار في طريق المزايدات والمساومات، وقال أن هذه ليست من أخلاقه.. وأضاف الرشيد: أنا اخترت المريخ عن قناعة وبدون أي تردد وسأواصل مسيرتي مع الفريق حتى أحقق طموحاتي في الإحتراف.
يا سلام
القناعة والاقتناع التام لا يحتاج الى (جهود كبيرة ومتصلة)
وحكاية فسخ العقد من طرف واحد دي فيها قولان
قولوا انه الناس رفعوا السعر معليش نصدق اما عن المزايدات ودي ما من اخلاق اللاعبين دي شتلة حلوة
من حق اللاعبين المزايدة والحصول على انفضل العروض لان عمر لاعب كرة القدم في المتوسط 10 الى 12 سنة هذا اذا لم يتعرض الى الاصابة وبالتالي من حق اللاعب على افضل العروض لتامين مستقبله
وبلاش حكاية القناعة والرغبة ….. الخ
البتعمل فيهو اداره المريخ ده كلو ( حمام ميت) لانو فسخ العقد لا يهفيكم من عقوبه الايقام والتعويض المادى للهلال والمريخ ستطاله عقوبه مغلظه اذا رفعت اداره الهلال الامر الى الفيفا وهذا المتوقع اداره المريخ تحلم ان القضيه ستنتهى بالاجاويد كما فعلوا فى قصه كلتشى وبكرى المدينه ولكن الايام قد ولت الان اداره جديده لاتفرط فى حقوق الهلال … مع السوباط مش حتقدر تغمض عينيك . ههههه قال ده مالو .
اذا كان اخترت المريخ عن قناعه الوداك توقع مع الهلال شنو انت ورمضان سقطو من نظر المريخاب الافضل تذهبو احسن ليكم لانه لا مكان ليكم بينا والمريخ اكبر منكم ومن الجميع
التسوي بي ايدك يغلب اجاويدك. هي الحكاية لعب ولا شنو؟. الحمد لله الكاهن اليخماو والكورال وقعوا في شر اعمالهم. لقد ورطوا هؤلاء المساكين وجعلوا مستقبلهم في كف عفريت.
خليهم يرجعوا وبعد التوقيع عينك ماتشوف الا النار.
هههه جابت ليها نار كمان. استغفر الله العظيم.. ياخي هي رياضة والرياضة كن ضروب اللهو ونهايتها في الدنيا لانك لن يتم تسجيل حسنات مقابل اللعب واللهو… لذلك خلونا من التعصب الجارف وبعدين لو ذهب اللاعبان للهلال المريخ لن يتأثر اطلاقا لأن به نجوم وزنهم ذهب وعمل جماعي ممتاز وايضا لجنة التطبيع بالغت في العوارة المقيتة كان ممكن لاعب واحد لكن ٣ من أعمدة المريخ ؟ دي كبيرة أوي ولها توابع وخيمة مستقبلا والكلام ليك يا المنطط عينيك وباكر تاخد المعلوم حبة من جراب الحاوي تفلق وتداوي وستطول المناحات دهرا والمدعوم حدو قريييييب جدا وحاتشوف ان شاء الله.