لجنة اللاعبين بالاتحاد العام تعتمد تسجيل عجب والرشيد وخميس للمريخ وتعاقب
قرارات لجنة اوضاع وانتقالات اللاعبين
بناء على مخرجات اجتماع لجنة اوضاع وانتقالات اللاعبين الذي عقد بمقر الاتحاد السوداني لكرة القدمSFA يوم الاثنين 23 نوفمبر 2020، بحضور كل من رئيس اللجنة الدكتور امين الجابري “مشارك اسفيريا”، ونائب رئيس اللجنة الاستاذ معتصم عبدالسلام، والاستاذ ابوبكر محمد أحمد عضو اللجنة، والاستاذ محمد سليمان عبدالنبي عضو اللجنة “مشارك اسفيريا”، وابوبكر مصطفى عضو ومقرر اللجنة، الذي ناقش موضوع عقودات اللاعبين الذين وقعوا عقودات لناديي الهلال والمريخ الخرطوم معاً ولنفس الفترة، اللاعبين رمضان عجب شريف ومحمد الرشيد محمود وبخيت خميس، وقامت اللجنة بفحص المستندات واستمعت الى لافادات من ممثلي نادي الهلال الخرطوم ، والمريخ الخرطوم، ومسئولي الانتقالات في بالناديين، ومسئول الانتقالات بالاتحاد السوداني، واستنادا الى الحيثيات والمرجعيات قررت اللجنة في يوم الخميس 26 نوفمبر 2020 التالي:
1-اعتماد اللاعبين رمضان عجب شريف ومحمد الرشيد محمود وبخيت خميس لنادي المريخ الخرطوم.
2-ارجاع المبالغ التي استلمها اللاعبين المذكورين اعلاه لنادي الهلال الخرطوم.
3-الزام كل لاعب من اللاعبين الثلاثة بغرامة مالية وقدرها 500 الف جنيه سوداني.
4-سداد الشرط الجزائي لصالح نادي الهلال الخرطوم وفقا لما هو موضح في العقد المبري بين الهلال الخرطوم واللاعبين.
5-سداد أية مصروفات اخرى تكبدها نادي الهلال على اللاعبين الثلاثة نظير تسجيلهم شريطة أن تكون مؤيدة بالمستندات.
6-احالة اللاعبين الثلاثة الى لجنة الانضباط وفقا لمقتضيات المادة (36/5) من لائحة اوضاع وانتقالات اللاعبين لعام 2018.
7-منع نادي المريخ الخرطوم من التسجيل لفترة تسجيل واحدة اعتبارا من التسجيلات القادمة.
8-الزام نادي المريخ الخرطوم بغرامة مالية قدرها 8 مليون جنيه سوداني.
9- احالة مسئول الانتقالات الالكترونية بنادي المريخ الخرطو الى لجنة الانضباط وفقا لمقتضيات المادة (36/5) من لائحة اوضاع وانتقالات اللاعبين لعام 2018.
واضح إنو هذه القرارات تمت تحت بند الجودية وتم طبخ الموضوع على نار هادئة، ولإعطاء الموضوع صفة الجدية سيقوم كتاب الإعلام السالب بقيادة الكاهن الأعظم أليخماو بإحداث ضجيج وصخب عالي وإظهار عوامل الإحتجاج في أعمدتهم الصدئة، والمرخرخين عرفوا الشغلانة من بدري والهواء الممكن يجيبه الموضوع لو وصل الفيفا،عشان كدة دقوا السكليبة ورقدوا في الواطه وبقوا يفتشوا في الجودية وبقوا فجأة وطنيين وبخافوا على مصلحة المنتخب الوطني، لكن علي مين يا مرخرخين يا مزوراتية !!
الظاهر إنو السوباط طلع زول الله ساي وما شفاتي والجودابية قدروا يؤثروا عليهو ويقنعوهوا، والجواب كان ظاهر في حديث نائب لجنة التطبيع الطاهر يونس لمن قال الهلال صرف النظر عن اللاعبين !!
قرارت ضعيفه لا تتناسب والمخالفه التي ارتكبها اللاعبين
منع نادي المريخ الخرطوم من التسجيل لفترة تسجيل واحده ..
هههههههههههههاااااااي كع ..
ارجاع المبلغ المدفوع للهلال + الشرط الجزائي + اي مبالغ اخري + 8 مليون الاتحاد + مليار ونص للاتحاد ..
كااااااك ..
سوداكال في فتيل سرتية
ماذا عن النادي الذي قام باغراء لاعبي فريق منافس قبل نهاية المنافسة.اصلا الزرق جاءوا لتكملة ما بدأه الظيناصور من تدمير المريخ بداية بفاروق جبرة مرورا بالعقرب وحتى الاربعة لاعبين يالله عليكم الا تخافون الله ولا عظة في حياتكم من الموت الذي يتخطف الناس كل يوم …اتقوا الله في انفسكم أولا ايها الإتحاد الأزرق النتن.
الإتحاد الأزرق النتن ؟؟؟
وبعد ده كلو كمان ذر رماد في العيون؟
عشان نحن عارفين معدنكم وعارفين كيف تختلقوا المشاكل عشان تكسبو بالباطل ٠٠
بس الدور ده أرجو قدركم
تحلنا الفيفا لو فعلاً عندنا مجلس إدارة لا يفرط في قيم ومبادئ الهلال ٠
قلع بالسكليبه ؟ وبعد ده كمان شتايم وإستهزاء ٠
سوف نرى وترون ٠٠
صبراً جميلاً