الفنان الشاب ” محمد الطيب ودو” في دردشة مع كورة سودانية .. كنت العب في نادي الخرطوم الوطني واشجع فريق الهلال والخرطوم 3 

الخرطوم – كورة سودانية

في حديثه مع (كورة سودانية) قال الفنان الشاب محمد الطيب ودو أن سيدخل مضمار شهر رمضان المعظم هذا الموسم من خلال برنامج جديد له يحمل اسم ” اكل عيش ” يحاول فيه تجربة كل الوظائف المتاحة في السوق السوداني لتشجيع الشباب على العملى كسب لقمة العيش الحلال ( و الشغل ما عيب ) .
وعن جديده ذكر ” محمد الطيب” إنه في هذه الايام القادمة يحضر لعمل “مليان تفاؤل” من كلمات و الحان الشاعر / محمود الجيلي .
وعن علاقته بالكرة قال إنه كان يلعب في نادي الخرطوم الوطني ، إنه يشجع فريق الهلال والخرطوم 3 .
وفيما يخص برنامجه “غنية واحدة ” الذي يعرض اسفيريا قال إن برنامج “غنية واحدة ” سيستمر و بلونية مختلفة ترونها قريباً ، وعن رأيه في الإنتقادات التي تقدم للفنانين من قبل الجمهور أو من قبل من هم معه في المجال ، صرح “ودو” (و الله زي ما قلت مسبقاً لكل مجتهدٍ نصيب و الانتقادات لها تشعباتها و انواعها انا في شخصي لا احبذ النقد الهدّام ابداً ، (نحنا ما اتولدنا بي سنونا) و الفن بحر كبير و كل يوم في تطور و تجدد و مواكبة التطور لا تعجب كل الاذواق و اتمنى من المستمع السوداني التكيّف و التأقلم على ذلك ، اما الإنتقادات التي تاتي من الزملاء في المجال ( ما في زول كامل و البقول كلام شين بس سوف نفسه احسن ).
وعن تصريحاته من قبل في أحد البرامج أنه يطمح
ليكون الفنان رقم واحد في السودان قال ” ودو”
(الاحلام حلوة و المجتهد ممكن بعد توفيق الله يقدر يحققها ، انا بتوفيق الله ماشي في طريق حيوصلني للفنان الاكثر انتشار في السودان لكن الطريق لسه طويل و مليان حفر لو فاهماني ) وزاد ( كُنّا وين وبقينا وين ) الحمدلله التوفيق من الله ثم الشكر لكل من يساند و يدعم مسيرة محمد الطيب ودو ، الزول بنجح بالناس مش براهو
يعني فنان رقم واحد دي بالجمهور و الاستماع و انتشار الاغاني و الطلب ، ( البيان بالعمل بس ).