رئيس الفيفا يزور البلاد الاثنين

الزول دا جيهوهو تمام لانو مقامو زي رئيس جمهورية اي بلد ماعايزين الشغل الكشامشا اتعلمو من غيركم وياريت كان يجينا في زمن مافيهو فرقة شداد وارقو وحسن ابوجبل وبقية الكوامر معقولة ياخي هسي انا عمري فات الخمسين سنة ومن وعيت وليومك شداد قاعد خازوووق
يارب افرجها من اوسع ابوابك زي قلعنا بشة واالمفسدين المعاهو نشيل شداد وجماعتو – احلف صادق انو في عهدكم ما ح تنالو اي بطولة فكونا خلونا نشوف غيركم يمكن يعملو حاجة رغم دمار المؤسسات – يعني الناس الجدد ح يبدو من الصفر ياجمال فرفور – تقول لي شدادنا لازم يستمر ياخي حرااااااام عليكم ارحمونا- على كل مرحب بزيارتك ياريس جياني وليكن في علمك ماعندنا الحبة ما يغشوك اتباع الكيزان ديل رصيدنا صفر دولي كبير لا ملاعب لا لعيبة لا اداريين لا اتحاد كرة لا ناشئين لا براعم لا شباب – كورتنا فتة بس – الله يكون في عونك ياسودان