عاجل.. المريخ يقيل النابي وطاقمه المعاون
قرر مجلس إدارة نادي المريخ بالتمرير برئاسة السيد آدم سوداكال إقالة الجهاز الفني بقيادة المدرب التونسي البلجيكي نصر الدين النابي إضافة لمساعده المغربي حمادي صغير، مع الإحتفاظ بالشرط الجزائي للنادي،
واضاف النادي في بيان على الموقع الرسمي بان قرار الاقالة جاء لمخالفتهم البند التاسع والعاشر من بنود العقد كما قرر المجلس إقالة المدرب العام الضو قدم الخير إضافة لمدرب الحراس هيثم الطيب مالك متمنيا لهم بالتوفيق والسداد.
وتعادل المريخ اليوم السبت امام ضيفه سيمبا التنزاني ووضع اول نقطة في رصيده عقب خسارتين في مجموعات ابطال افريقيا لتتعقد مهمته في بلوغ الدور ربع النهائي.
الجايه من مريخ سودكال يتحملها النابى … سبحاااان الله
😆😆😆 قلنا ليك يا نبنب جهز شنيطتك من أول يوم جيت فيهو، وقلنا ليك ما حا تتم أربعين يوم مع المرخرخين ديل !!
المشكلة إنك يا نبنب جبت الكفوة للضو قدم الخير، وأساسا سدوكل خاتيها ليهو من بدري، أسي قنطرت الراجل لسدوكل وركبته معاك الجو 😂😂😂
سؤال من أسي للمرخرخين، المدرب الجايي حا يقعد كم من الزمن ؟ 😝😝😝
موعدنا بكرة إن شاء الله مع عمود عمو أبو دليبة ويوميات المخرب عميل الطاغية 😆😆😆
يا بلوله انا اشك اسمك صلاح… انت مالك والمريخ… ابوعشرين والغربال يبرطعو في الجزائر ورمضان وبخيت والرشيد معطلين يأمر الديناصور الأزرق وتيري تم تحريضه بواسطة اخقد إدارة على وجه الكرة الارضية…كيف يستقر المريخ والهلال ترك البطولة الافريقية وركز على تدمير المريخ والهلال كل يوم يغير مدرب وأرجع شوف عدد المدربين في الهلال وقارن مع المريخ لأربع سنوات مضت ستلقى الرد الشافي يا حاقد ولا تفرح بنساعد مورينو زيو وزي مالوش نفس عفوا مالنوفيتش زوران وان شاء الله يجعل كيدكم في نحركم وينتقم من الديناصور المتفلت عاجلا غير آجل يمهل ولا يهمل.
؟؟؟؟
ليه يا سوداكال اقالة النابي فهو فد قام بتجهيز الفريق لمباراة سيمبا علي أكمل وجه رغم ما يعانيه المريخ من نقصان ومشاكل فهو كان الأنسب لأنه عرف الكثير عن مستوي اللاعبين وسوف يقوم بمعالجتها وسوف يتكرر نفس الموال للمدرب الانجليذي والي متي هذا التخبط مع الأراء الفردية والارتجالية التي ليس من صالح نادي المريخ .