عقوبة الانسحاب توقع علي المريخ الفاشر و الهلال كادوقلي
الإتحاد السوداني لكرة القدم SFA يُغرم كل من (المريخ الفاشر – الهلال كادوقلي) (10,000) جنيه سوداني ويعتبرهما مهزومين بهدفين نظيفين، إثر إنسحابها من مباراتيهما أمام (المريخ – الهلال)، فيما اعتذر الإتحاد لنادي المريخ بصدد تأجيل مباراة القمة وستقام في مواعيدها يوم الأحد 26 سبتمبر 2021م
تاااااني عاوزين يأجلوا ليكم يا مرخرخين السجم؟ عاوزين يودوها ليكم وين؟ لعيبتكم الحارسنهم رجعوا والدوري إتحسم تاني الجرسة شنو؟
غوروا ياخي كرهتونا الكورة ذاته، الفيفا دي ما تشوف لينا حل لنويدي الفلول ده وتريحنا من مكرهم ومكايدهم…… داهية تاخدكم 😡
الأخ العزيز صلاح.. لاحظت انك دائما ما تعلق بالإساءة للمريخاب وهذا معناه انك أسأت للملايين من الناس فكيف لك ان تستسمحهم لكي لا تسأل امام الله سبحانه وتعالى؛؛؛ ارجو منك أن تتوقف عن الإساءة لأنك لن تستفيد شيئا وسوف تحاسب عليها.
هذه نصيحة لوجه الله ارجو منك أن تتقبلها بصدر رحب ولك تحياتي.
المشكلة في إدارة الصحيفة .الزول ده حارس المواقع على طول يعلق كلام خارم بارم.. شكل الإدارة هلالاب أي مقال حاشر أنفه العطاله مشكله
لعبة مكشوفة يا أبو المستعار، وإدارة الموقع عندها سياسة خاصة بيها، ولو حظرتنا ما عندنا مانع، بس إنت حلك شنو مع مستعاراتك دي ؟
صدقت يا اخي بدر؛؛؛ نطالب إدارة الموقع بعدم نشر التعليقات المسيئة أيا كان مصدرها او لونها.