وبدت حسابات اللولوة
في السلك
بابكر سلك
وبدت حسابات اللولوة
*براي سويتها في نفسي
*عبارة تعبر عن حال المريخ بعد الجولة الرابعة
*ولو باييدي كنت طوعت الكورة يوم الأهلي
*وقبلها يوم صن داونز
*خسرنا من الأهلي وكنا الأقرب للنصر
*وتعادلنا أمام صن داونز وكنا الأجدر بالنصر
*ما أضعناه في تلك المباراتين
*هو سبب اللولوة الفيها نحن دي
*ولأول مرة تصب لولوتنا في صالح الهلال
*لو هزمنا الأهلي بإستاد السلام (ارضنا)
*حا نكون خدمنا الهلال إذا انتصر على صن داونز وعدنا نحن من جنوب أفريقيا حفايا
*لانو خفي حنين أخير من مشي الحفا
*ومشي (الحفا) أخير من مشي (العرا)
*لولوة ما كان في ليها داعي
*لكن بقت واقع
*القصة بقت صعبة لكن ما مستحيلة
*ليست مستحيلة إذا خضنا المعركة بقوة إرادة وحسن إدارة
*الحسابات على الورق تؤهل صن والأهلي
*وده إحباطنا البنزرعوا في أنفسنا ليقتل عزيمتنا ويصيبنا بالدونية
*الأهلي الكبير العريق يمر بأسوأ فتراته
*وإذا تأهل يبقى لا خيرا فينا ولا خيرا في ناس محمد عبد الماجد
*إذا عملنا بجد للتأهل وفزنا على الأهلي بأرضنا (مصر) وفزنا على صن على أرضه ببقى عندنا عشر نقاط
*وصن عندو عشر نقاط إذا خسر من الهلال
*وعشرتنا بتاكل عشرة صن بالمواجهات المباشرة
*الهلال يغلب الأهلي يعمل عشرة بعد يغلب صن اتنين صفر
*عشرة الهلال تاكل عشرة صن بأفضلية المواجهات المباشرة
*الأهلي يا الدلعادي بعد يتغلب مننا (على أرضنا) ومن الهلال
*بكون في أربعتو دي ويطير رفقة صن داونز
*شفتوا كونو نتأهل نحن والهلال بعد الحالة دي وارد كيف؟؟؟؟
*إرادة تخلق ثقة وإصرارا وحسن إدارة للمباريات المتبقية ونتأهل
*وإلا
*نقعد في دونيتنا دي ونطير
*أصلو في البلد دي يطير المريخ ويطير الهلال ويطير الدولار وسودانير ما بتطير
*لأننا كده
*كأنو ربنا خلقنا عشان نحطم البلد دي وأحلام أطفالها
*ياخ معقول؟
*ولا سيبك ياخ
*أصلو في البلد دي
*ولا مافي داعي
*لكن الحنة لو طبقوها بتبقى بااااااهته
*وتكون القصة استشهاد محلبية وجرح سرتية وضياع حنه وكسرة ضهر سااااي
*طبقوها
*طبقهم الشنو أقول عليهم
*أيها الناس
*إن تنصروا الله ينصركم
*وينجح ثورتكم
*ويكملكم بعقلكم
*أها
*نجي لي شمارات والي الخرتوم
*والينا المكلف بينا
*الناس المشوا عشان يتفقوا كان لينا أو علينا
*ما سمعوا بي ترباس بغني ما بنمشي لي ناس مابجونا؟؟؟؟
*طيب الخفة شنو؟؟؟؟؟
سلك كهربا
ننساك كيف والكلب قال مشاكل البيت بتتحلحل جوه البيت ماتدخلوا الغربا يشيلوا حالكم بعدما شالوا دهبكم ومالكم
وإلى لقاء
طيب لو نحنا تساوينا في النقاط مع المريخ وعملنا عشرة نقاط وفزنا على صن بهدف واحد
مالك ما ذكرت أنو الأفضلية بتكون لصالح الهلال لأنو سجل هدف في مرماك اللي هي أرضك مصر لما انتهت النتيجة اتنين واحد
والله دي حارة ما بتنبلع
غايتو يا عمك تنقو تاني لا بنشكرك ولا حاجة، ولا بنقول عمودك جميل، لأننا جربناك ولقيناك زول بلباص، لمن تكتم فيك بتكتب كلام عقلاني جدا، ومجرد ما تشم العافية بترجع لضلالك القديم !!
ننساك كيف والكلب قال المثل بيقول الخل داره قل مقداره، والإستجار بالحلب ما بنوله غير المصير الكعب، وقرقش ليه عجورة صفراء ومشي رقد جنب حيطة الحفرة العميقة حزين يا حبة عيني….!!