صن داون يقسو على الهلال برباعية فى ابطال افريقيا
خسر الهلال مباراته فى مجموعات ابطال افريقيا امام صن داونز الجنوب افريقي بملعب استاد الهلال بامدرمان باربعة اهداف مقابل هدفين وقد انهى صن داونز الشوط الأول متقدما 2-0 وجاء الهدف الأول فى الدقيقة 2 سجله اللاعب شالوليلي، بينما أحرز موكوينا الهدف الثاني فى الدقيقة 30 من عمر المباراة كما شهدت المباراة حالة طرد وحيدة بريان أونيانجو مدافع الفريق الجنوب أفريقي، في الدقيقة 11 من عمر الشوط الأول.حيث سجل فريق صن داونز الجنوب أفريقي الهدف الثالث ضد الهلال السوداني في الدقيقة 60 عبر لاعبه مولينا،ثم عزز مولينا بالهدف الرابع فى الدقيقة 89 وسجل للهلال الهدف الثاني فى الدقيقه 2 من الزمن الاضافى بعد ضربة جزاء سددها الغربال لترتد من الحارس فاودعها عثمام ميسي هدف ثاني للهلال.
بتلك النتيجة يرتفع رصيد صن داونز إلى 13 نقطة في صدارة المجموعة ويتجمد الهلال عند 4 نقاط في المركز الرابع
ههههه فتحية شالتها الهواء .. وين هجام وصلاح قلنا ليكم الفصاحة ما بتأكل عيش وصن دوان فريق خطير ما سمعتو النصيحة خموا وصروا ؟ احسن الله عزاكم
بعشرة لا عيبة صن داون يبشتن الهلال
هزيمة بدون انبراشة لفريق وماعندنا زول قال بيشجع الاهلي المصري او صن داونز. وكلنا في الهوا سوا. 😹😹😹😹
صنداونز ما قسي على الهلال، قسوا عليه التنابلة الما عندهم دم ولا همة، ولا راعوا لمشاعر الجماهير الصابرة وبتشجعهم وهم ما إجتهدوا إلا في حلاقة روسينهم المربعة وحلاقة لحية كلحية التيس…..
جاتكم فرص كمية، وكل ما تطلعوا من التنافس تجيكم فرصة ذهبية وتضيعوها !!
يالجنة التطبيع هووووي، الجماعة ديل في مباراة الأهلي تودوهم الملعب بطائرة عسكرية، لو ما غلبوا الأهلي وإتأهلوا، من هناك على معسكر الخدمة الوطنية طوالي، حرام والله خريجي جامعات حلوين يتعسكروا والتنابلة ديل حايمين من مطار لمطار وغير الهزائم ما جايبين حاجة !!
المدرب وطاقمه يلحقوا لي كلارك و عقابه طوالي……
دايرين لعيبة رجال، مش شينين وبيتملسوا ويتحكحكوا، أوقفوا التلاعب بإسم السودان حاتكم البلاوي !!
لاعبي حلمبوش تودوهم المعسكر قبل مباراة صنداونز، وبعدها ترجعوهم المعسكر تاني حتي لو فازوا عشرة صفر !!
احلى حاجة فنقلة ابو جا اتقول بيمسك في فأر .. حقيقة شئ يرفع الضغط لاعيبة شماشة لا يستحقون المبالغ الخيالية التي تدفع لهم .. الله يستر فى مباراة الأهلى.
هههههههههههههههههههههههه
مسكين شايفك حزين ومضروب اربعة في المقبره وما قاعد تتسمخر وتتشمشر وتتضاحك
البركة فيكم
كان ده تيمكم الرمااااااااادة في خشمكم
اريتها تبقى ليك عبرة وتخلي حركاتك
شوف يا مستعارخي، نحن كان الهلال سيد البلد أبزرد ينضرب مية برضو حبيبنا، وحلمبوش نادي الفلول تابع أهلي مصر ما حانرحمه، أما إنت فوراك ووري مستعاراتك والزمن طويل 😆😆😆
برضك الطيش يا حلمبوشي 😝😝😝
يا اخى عليكم الله خليكم رجال وخلى عندكم وطنية كل مرة نقول السنة الجاية حتكونوا فى الميعاد ولكن يتكرر السيناريو… لكن ما بلومكم لانه ما فى زووول بحاسبكم أصلا… يا اخى شوف ناس الزمالك وعقوباتهم بالرغم من انهم انجزوا فى السنين الماضية
مع الاعتذار الهزيمه شيء وارد لكن انحن كسودانين انتتمائنا الكروي اكبر من الوطني علشان كده طوالي طايرين لانه كل فريق يحفر للاخر وكل فريق يشمت علي الاخر وعندنا ادارات تستغل الانديه لمصالحها وغسل اموالها وكم وكم تعاقبت ادارات ولا اي ادارة فكرت تعمل من النشء بل تسجيلات فالصو ومحترفيم مواسير ويا جمهور افرح وخلينا نلقط رزقنا وللاسف الصحافه تتبع الافراد واكل عيش نظام بيض صفحتي وشيل حقك وضاع حلم الجماهير
ادوني ادارة واحده جات اهتمت باللعيبه وحاولت خلق اسس صحيحه للامام ..كلهم يجو يدفعو مليون ويرجعوه عشره وهاك يا طشت الغسيل اغسل وافرك والادهي انهم يشغلو الجمهور بتوافه الامور ليكره المريخاب الهلال ويكره الهلال المريخ وكله مسطر ليه ومدروس وانتو يا الطير فرحانين وشمتانين علي بعض
لي متين بلد مافيها اي شي لي متين
كلامك سليم ياجنا الجلابة كل واحد منتظر يشمت في اخيه. المذيع المصري سال ابوجريشة اذا لم يتاهل المريخ مع صنداونز فاي الفرق تتمني ان يتاهل وبدون تردد قال الاهلي. وعندما سأل ابو جريشة المذيع المصري هل انت اهلاوي؟ المذيع قال ليه اهلوزملكاوي. درس في الوطنية ويطبقوا المثل انا واخويا علي ابن عمي وانا وابن عمي علي الغريب. اما نحن ضد بعض في جميع الاحوال وربنا يصلح الحال
ماقلنا ليك يا صلاح الغربال ده ماعندو حاجه انتهى ومزودها عنطزه فارغة يجي ماشي زي الطاؤوس.. الفيوزات بتاعتو عندنا.. بكري ورمضان عجب والتش والتكت وضياء محجوب… عندكم مافي زول فاهم لعبو عشان كده اقنعوا منه ما تنفخو في قربة مقدوده…هارد لك الجاتكم في هلالكم سامحتكم… لكن الهلال فطيس جنازة بحر.. ماشي بالنفخ الاعلامي لكن ماعندو لعيبه.