موردة طويلة
في السلك
بابكر سلك
موردة طويلة
*سكة ضياع
*وجدت حظها في رمضان
*قد يكون الجزء التاني قبل رمضان الجاي كتير
*سكة ضياع
*فالحال ياهو نفس البامية
*والزيت ياهو نفس الزيت
*وكأن البلد دي مافيها ورق ولا حبر
*ليتعاقد معنا مدربنا بالإمارات
*دول المحور يا عمك
*إشارة أولى إلى أني أنا الكل في الكل يا تونسي
*أنا أدفع أنا أتعاقد والناس الفي السودان ديل انسى بس
*لا فيهم زول بدفع
*لا فيهم زول بستقيل ويقنع
*لا فيهم زول بتمنع
*أنا الجامع
*العقد عندي
*بعد داك شوف الحفلة في ياتو صالة
*إن شاء الله تعملوها في روتانا
*ما همانا
*لكن العقد حق الكبار ما لعب عيال
*بهذا المفهوم تعاقد حازم مع التونسي
*وده البخلي التونسي يمسكل ليهو لو أي زول قال بغم
*فهم التونسي إنو القرار بالإمارات
*قرار فريق في السودان في الإمارات
*زي دهب السودان الفي الإمارات
*أين المنهجية التي تصدرت البرنامج الإنتخابي ؟
*أين روح الجماعة الأتعملت ليها رحلة في توتي وحفلة بالصالة؟؟؟
*أين الكرامة؟؟؟
*الكرامة الزمن ده بقت عدسية ممكن أو تميرات
*إنها سكة الضياع الجزء التاني
*وبص حازم ماشي فاضي
*السواق مصر زول يركب مافي
*حدهم أساميهم في المنفستو وبس
*على أيام الوالي
*والوالي بره البلد
*العقد مع غرزة إتوقع داخل المكتب التنفيذي
*يا ربي حازم عارف كده؟؟؟؟
*وقرأنا عن نظام أساسي ما ياهو
*وأخطاء قانونية مصاحبة للجمعية
*إنها سكة الضياع
*بتمر بي موردة طويلة في طريقها للضياع
*يقول التونسي إن عقده سنتان
*لو أكمل ربعها في ظل خلافاتنا دي نكون أنجزنا
*داير يبني فريق بطولات في سنتين
*ياخ حيطة الشارع ستة سنوات ما بتتمها
*الزول ده يكون قصدو داير يبني ليهو شقة في تونس من غشامتنا خلال سنتين
*لكن دقس
*بعد تلاتة شهور حا يقول للمقاول أسقف على كده أنا جاييك راجع
*أيها الناس
*الإدارة هي أهم عناصر الإنتاج والعمل الناجح
*فهل بمتل هيك طريقة إدارة سنبني فريق بطولات؟؟؟
*وهل قرار اختيار المدرب وشروط عقده وراتبه ومخصصاته والتزاماته
*كلها المجلس الفي السودان اتشاور فيها
*ولا المجلس الفي الإمارات براهو الشاور ليها؟؟؟
*طالما أنا أدفع أنا أقرر أنا أبرر موجود كفهم إداري
*يبقى الفول فولي محمدانا في السخانة
*وسرعان ما تظهر بصمات التونسي في أول تمرين بأرض المعسكرات بالإمارات
*مدربنا إن شاء الله يكون مشى البكا
*ما يكون مضى ورجع قبال العزاء
*أيها الناس
*اليوم ستجرى العملية الكبيرة للشفت الشايقي
*فقط ما يحتاجه منا الدعاء
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*المويه من تحت أبت تجينا
*آلله يجيبا من فوق تبرد علينا
سلك كهرباء
ننساك كيف والكلب قال المعسكر في مصر والعقد في الإمارات الله يستر من الطهور الفي تشاد
وإلى لقاء
ههههه البكاء المتأخر ده صعب شديد بالحيل يا عمك تنقو، والواحد فيكم يتنطط من جيب لجيب أقصد من زول لزول ويجي في النهاية يعمل فيها أبو الإصلاح والنصايح السوداني !!
طبلتوا لسودا وعمل منكم حميل، ومشيتوا طبلتوا لحزومي برضو عمل منكم حميل، وأسي عاوزين تقلبوا عليه، لكن سودا دربه قفل خلاص وطريقة رجعة نهي 😝😝😝
قلت لي النظام الأساسي بتاع جمعية الموردة الجاب الريس حزومي مالو؟
ننساك كيف والكلب قال لو التونسي تم تلاتة شهور، هاكم ده ضنبي أقطعوه !!
يا عمنا ابو الاسلاك حزومي ما ممكن يعتمد علي ديك العده وصحفي قونات معقوله ياخي ديل بس يعملو الحفلات وكده ما منهم فايده غير كده حدهم يستقبلو المدرب ويسكنوه وبس وكله علي حساب حزوووومي والفول فولي