من خلا عادتو

في السلك

بابكر سلك

من خلا عادتو

*طبعا من خلا عادتو قلت سعادتو
*ونحن بالفينا ده ما ممكن سعادتنا تقل
*فتمسكنا بعادتنا
*ومن عصرا بدري أعلن الهلال بطولته الثالثة عشر
*وقابلناها كالعادة بالورد حقنا
*نهواه في كل الظروف
*ويسدل الستار علي أضعف ممتاز
*ونحن للأسف كالعادة خرجنا بنهواه
*إذا فشلنا في نيل أضعف ممتاز
*هل يحق لنا أن نحلم ببطولة جوية؟؟؟؟
*سقف طموحاتنا ارتفع مما وصلنا دور الأربعة في بطولة مانديلا
*يعني طموحاتنا ما كانت مسقوفة بلدي
*كانت مسقوفة خرسانة
*ثم بدأنا في التدهور تارة والتهور تارة أخرى
*يبدأ سقف طموحاتنا في الارتفاع من جديد ليصل (الليفل) القديم بتاع تسعة وتمنين
*ثم يسقط على رؤوسنا ذلك السقف
*لأننا ندير شأننا بعشوائية مكنت كتيرا من أصحاب المصالح من الولوج لمراكز القرار جوه نادينا
*ولكنهم للأمانة كانوا لا يتركونا ننزف حينما يسقط سقف الطموحات على رؤوسنا
*كانوا بدونا أقوى مسكن في العالم
*نهواه في كل الظروف
*فتبرأ الجروح بسرعة
*ثم تعود لتتفتح في ختام الموسم الجديد
*ويسكنوننا أيضا بنفس المسكن
*داخليا طلطاشر سنة ونحن نهواه في كل الظروف
*وإفريقيا من تسعة وتمنين بدينا الهوى
*الآن في مسكن أمريكي ظهر جديد
*ما بغنينا عن مسكن نهواه
*لكن ممكن يشتغل معاه
*مسكن اسمو إنجاز
*المركز الثاني بدون هزيمة
*تفرد
*وبسكن كويس
*اللهم اشفنا عشان نوقف المسكنات دي يا رب العالمين
*استعملناها كتير
*بعد ده بتجيب لينا الفشل الكلوي
*المهم
*مبروك للهلال بطولة لا يستحقها
*ولكننا قدمناها له على طبق من ذهب (ما يقوم حميدتي يسمع ذهب دي)
*فنحن أدمنا تقديم الهدية تلو الهدية بالممتاز للهلال على أطباق الذهب
*كملنا جبل عامر ولا زلنا نهواه في كل الظروف
*عسانا بل لعلنا نستفيد من عثرات الماضي
*لنبني حوائط تستطيع حمل سقف طموحاتنا
*على الأقل داخليا
*أيها الناس
*الغربال لعب كم كورة؟وعندو كم هدف؟وفيها كم بنلتي؟
*وليد الشعلة لعب كم كورة؟ وعندو كم هدف؟ وفيها كم بنلتي؟؟؟
*قلت لي الغرفة رفضتو؟؟؟؟
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*سودانويتنا هي البتلمنا وتعالج المحن الفينا

سلك كهربا

ننساك كيف والكلب قال ما لقيتو مستوى جون قرنق لسه؟
وإلى لقاء.