الموريتاني ساق طيفور ومحمود الخطيب ساق حازم..!!

شارعين وناصية
محمد الطيب الأمين
الموريتاني ساق طيفور ومحمود الخطيب ساق حازم..!!

* تشهد الخرطوم هذه الأيام سخانة شديدة.
* سخانة لو طلعت بالقميص مكرفس بترجع بيهو مكوي.
* يا الله مطرة.
* لم يخفف علينا سخونة هذا الجو إلا الأخ حازم رئیس المريخ.
* حازم الأيام دي شغال (ردم تقيل).
* لم يسلم منه لاعب ولا إداري ولا مشجع.
* كلهم اداهم على رأسهم.
* وكلهم قبلانين وساكتين وصابرين.
* سُكات مخجل من كل أعضاء مجلس الإدارة.
* يهدد فيهم وهم ساكتين.
* يشتم اللاعبين وهم ساكتين.
* يهدد بإيقاف الدعم وهم ساكتين.
* تهدید حازم ما بكتلو بكتلو ساکت المجلس.
* حتى صحافة المريخ لم تسلم من حزومي.
* الزول ده لو ما حذفتو منو الواتساب بعد شوية ح يجيب خارجيات.
* والله صحي.
* قال عمار طيفور (قليل أدب).
* ومتعالي.
* وقال أسرة طيفور ناس هايفين.
* (هايف) خدودك تنجرح من نظرتي.
* (هایف) هو قال مني وأنا حالتي في ايدو.
* (هايف) عليك منك يا الما بتعرف الخوف.
* قال طیفور داير يشتري بيت في واشنطون.
* بحقو.
* إن شاء الله يشتري بيت في سوق العتبة.
* هو حر.
* اظرف حاجة حازم قالها إنو اللاعب الموريتاني ساق طیفور دخل بيهو جوة.
* طيب يا حازم أنت برضو محمود الخطيب ساقك عديل.
* ولا ما ساقك؟
* ساقك وباعك.
* بيعة سوق العتبة الشهيرة والتي نصت على أربعة بنود واضحة وصريحة.
* البند الأول: الأكل والشراب على حساب الأهلي.
* البند الثاني.
* يدوهم لاعبين إعارة.
* البند التالت يغلبوا ليهم الهلال رايح جاي وكذلك صن داونز.
* البند الرابع يدوهم تلاتة نقاط.
* في سواقة أكتر من كده!؟
* دي أصعب من سواقة الموريتاني
* ولا ما أصعب؟
* قلتها مرة واتنين عبر قناة (دقایق) إنو مشكلة المريخ كلها في الواتساب.
* لو بطلوا ينشطوا نت مشاكلهم بتتحل.
* الواتساب سبب البلاوي.
* المريخاب ما عارفين يلقوها من الجاكومي ولا من حزومي؟
* الله يكون عونكم.
* لكن حالتكم صعبة.
* المهم.
* التش دایر ۷۰۰ ألف دولار.
* دولار ينطح دولار.
* يلا ورونا شطارتكم.
* حاجة تكسف.
* وتبكو بس .. عين قطرة وعين مس.
* و.. و..
* و(هایف) تنسي الريد.