جبل عامر
في السلك
بابكر سلك
جبل عامر
*اخيرا اطلق جهاز كشف الذهب صافرته معلنا عن وجود ذهب صاااااافي تلاتة كيلو
*ماصفر في جبل عامر
*ولا بصحاري ابو حمد
*ولا علي الطائرات الروسية
*ولا في سفرية عبر مطار الخرطوم
*ولا صفر بعمارة الذهب ولابسوق دبي للذهب
*صفر بالبنك الاسلامي المجيد
*نقلت الاخبار الفرح للامة المريخية
*قالوا كأس دبي الذهبي اتلقي
*كاسنا عرق جبين
*فزنا بيهو بعد تخطي الزمالك بكامل نجومه
*عكسية عوض الله انور وهدف عاطف منصور واستبسال بريمة ورفاقه من الجيل الجوي
*وللذكري لعب الهلال ضد الاهلي قبلنا بحوالي شهرين وعلي نفس الارض وكانت النتيجة جوز لايخسر
*وقتها كان الهلال خاسرا من نفس الاهلي برضو جوز
*ودورت مكنة لاراش وما ادراك ما لاراش
*فكانت المواجهة التي اثبتت براءة لاراش
*وجينا
*جينا نحنا وحملنا الذهب
*خمسة وتلتين سنة دهبنا ما لاقنو
*قلنا يمكن في روسيا؟؟؟
*او يكون مرق عبر مطار الخرطوم علي عينك ياتاجر وقد يكون مرق علي متن طائراتنا
*وقد يكون اتلحس
*وقد نكون بعناهو لتغطية منصرفات معسكر
*بنعملها
*ولكن صفر الحبيب حسن ادريس
*صفر جهاز الدهب
*وقال دهبكم هنا
*في الحفظ والصون
*ايها الناس
*رأيكم شنو نبيعو ونأهل استادنا بي حقنا
*برا من برا اذي برا طنقعة برا رفع نخرة
مربخنا جبل عامر ياعمك
*المهم
*ردود الافعال جراء التسجيلات الرئاسية المسربة لسسسة مشعلله
*وحازم قال حايجيب عاليها واطيها اذا في حاجات كدة مرقها
*امرقها ياريس
*هشتكنا وبشتكنا ياريس
*هو نحنا بنعرف اكتر من الحكومة؟؟؟؟
*وانت خايف من حد؟؟؟
*قول ياعمي قول
*زمن الغتغته والدسديس انتهي
*قول ان شاء تمطر حصو
*هشتكنا وبشتكنا ياريس
*قول ان شاء تمطر بدون براق
*قول ياحبيبي قول
*فالشفافية آخر ماتبقي لك من فرص الادارة
*قول ياحبيبي قول
*قول
*يعني اكتر من القلتو في طيفور
*طيفور ود السرور
*زول امو خريجة جامعة الخرطوم
*وعندها دكتوراه
*وماشغاله في امريكا غسيل قروش او في محل بيتزا
*شغاله بشهاداتها وفهمها وفكرها
*اما ابوهو فاسكت بس
*انت تخرس خالص
*قول ياحبيبي قول
*قول تحت شعار عليا وعلي اعدائي
*مسكين المريخ والله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*رسوم النفايات مع الكهربا دايرين يختوها لينا
*كان ماجات العربية وشلنا نفاياتنا علي مكاتب الكهربا عندهم مكان لينا؟؟؟
سلك كهربا
ننساك كيف والكلب قال فكرة النفايات مع الكهربا فكرة متطورة لانو في الدول المتقدمة بطلعوا الكهربا من النفايات….سير سير يا جبريل
والي لقاء
سلك
للاسف يا أبو سلك فاكي والله انته للاسف اذا كان المصريين وبعد عشرين سنه اعترفوا وفي تلفزيونهم الرسمي وعبر الحكم جمال الغندور قال هدف وليد طاشين صحيح 100 % تجي أنته وتقول براءة لاراش يا بتاع العتبه ومبروك للاهلي الخرطوم
اخوي اسامة: لاراش اعترف قبل وفاته بالدور القذر اللي لعبه لهزيمة الهلال اما الاهلي دة بخلاف اعتراف المصريين صراحة بعد حوالي ثلاثة عقود باللعبة القذرة اللي حصلت في مباراة نهائي كأس افريقيا في القاهرة واللي بقت معروفة للكافة. لكني اقول لك: اقسم بالله لو ان لاراش طلع من قبره واقسم امام الدنيا كلها بأنه تآمر لهزيمة الهلال وايضا خرج كل اصحاب الشأن من المصريين واقسموا ان الهلال كان هو البطل الحقيقي لبطولة عام 1989م لخرج “عمك تنقو سلك ضارب” وادعى ان كل هؤلاء مجموعة من الكذابين. هذا شأن المريخاب. هل ممكن تتصور انسان محامي – وهذا عمل عملك تنقو – يثم يدعي الصدق. ما عنده غير يبيع الاوانطة للمساكين ناس قريعتي راحت من جمهور مريخ سولارا. سألته في مداخلة لي هنا عن الحصول شنو في موضوع خروج المريخ من كأس السودان؟ ما هو عشان يغطي على خيبة الخروج لازم يتناول موضوع كاس دبي اللي حصلوا عليه امام ريال مدريد. ختاما وباختصار اقول ليك اخوي اسامة: خليهم يعيشوا في الماضي اما نحن فنعيش في الحاضر ونستشرف المستقبل بكل امل ولن نتخلى عن احلامنا ولن يؤثر علينا من يسعى بكل السبل لعرفة مسيرة الهلال العظيم بكل الوسائل القذرة ولكن في النهاية لن يحيق المكر السىء الا بأهله ودونك ما يحدث لمريخ سولارا الان من بلاوي ولك تحياتي اخي الكريم.
لا تفرح كثيرا بالذهب فهو ما طلع الا كي يباع في المزاد العلني بعد بكره
جبل عامر ده ما ياهو الجابوا ليكم منه قلاب التراب و الا أنا غلطان 🤣🤣🤣
لاراش دي مؤامرة لو فتشنا غريق بنلقاكم طرف فيها يا وصيفاب، ما غريبة عليكم ياها اخلاقكم و طريقتكم.
أنّاطين، مؤامرات و شكاوي.
الكاهن بتاعكم جاب ليهو رئيس و أخد العمولة، الرئيس لقى الموضوع صرف بس ما في أرباح قال ليك انا احسن أتلب من المركب المعطوبة دي.
التسريبات الحايمة من أيام مؤامراتكم مع أولاد بمبة لغاية بتاعت تجديد طيفور و التش إلى آخره، ذكرتني اللهم احفظنا بي ملاسنات الوسائط الكانت حايمة بين بعض الغواني قبل كم سنة كده.
صدقت يازياد. هذه اخلاقهم ولا استبعد ان يكونوا مشتركين في مؤامرة لاراش. في تلك الايام والهلال في اقوي حالاته يجندل إبطال إفريقيا الواحد تلو الاخر كان كاهن المريخ يتحول بالعواصم الافريقية لمدهم بالمعلومات ووضع العوائق والمتاريس حتي لا يفوز الهلال بالبطولة الكبري.
يا تنقو منقو: بالله خلينا من الكلام الفارغ دة. قول لينا الحصل شنو في كاس السودان؟ مؤامرة برضو؟
هضربة جد
اما الاناطين فحدث ولاحرج. عندما فازوا بالدوري بدون تعادل او هزيمة كان هناك ساحر في منطقة سنار كان يتلفز الكورة في طشت الماء قبل دخول التلفزيون في سنار وعندما ينفرد قاقرين بالقون يطبزه في راسه فتضيع الكرة من بين قدميه او تذهب للكشافات وعندما اختلفوا مع ذلك الساحر في الدفع اول مباراة الهلال لطشهم اربعة واحد.
اصلهم نجاحهم اما من ساحر او من مكاتب او باستمالة ورشاوي الحكام.
ايضا ساحر الموردة الشهير الذي ذهبوا له بعد وصول الهلال لنهائي الابطال وطلبوا منه فرنكة الهلال وطلب منهم عمل طقوس معينة وفعلوها وبعدها تم الشطب الجماعي للاعبي الهلال وكان ذلك في التمانينات والقصة سمعتها من شاهد عيان مريخابي اقسم بالله.
يفعلون كل اللعبات القذرة لتعطيل الهلال واغلي اهدافهم هو هزيمة وتعطيل الهلال ولا يهمهم نجاح فريقهم الوصيف الضعيف.
لو اسفاد الشعب السوداني من جبل عامر
سيستفيد المريخ من كاس الذهب
ياسلك
العاقل من اتعظ بغيره.
الذهب بي اسيادوا