الهلال في كوبر والمريخ يتعاقد مع مغلق !!
قزاز ورذاذ
محمد الطيب الأمين
الهلال في كوبر والمريخ يتعاقد مع مغلق !!
* تحدي جديد ينتظر الهلال اليوم أمام كوبر البحراوي.
* بحري الجمال.
* وكوبر الهلال.
* قبل الحديث عن المباراة أتوقف مع الجاكومي.
* قالوا الجاكومي تاني كسر ليهو طبلة.
* رجاله كده كسرها.
* لكن كسرها بشاكوش ولا بيدو ما معروف.
* الخبر ما وضح لينا الكسر كان بواسطة اليد ولا بالشاكوش.
* المريخ بقى يستهلك (طِبل) كتيرة.
* بمعدل طبلة كل أسبوع.
* قروش أبو جيبين كلها ح تروح طِبل.
* أنا أقترح إنو المريخ يتعاقد مع مغلق.
* لازم يكون في مغلق يورد ليكم الطِبل.
* ولا أقول ليكم.
* خلوا الإستاد فاتح.
* أنا مستغرب إنتو (بتطبلو) الإستاد ليه؟
* فيهو شنو جوة؟
* مش ياهو (القش) الما قام ده ولا حاجة تانية؟
* المريخ يستهلك طِبل أكتر من اللازم.
* حاجة تكسف والله.
* المهم.
* مباراة الهلال اليوم لن تكن سهلة.
* صعبة بكل المقاييس.
* كوبر فريق طموح يعرف التألق بشكل كبير أمام القمة.
* سيكون كوبر غير اليوم.
* الهلال من جانبه لا يملك خيارات بخلاف تحقيق الفوز.
* خسر الأزرق مباراته الأخيرة أمام الأهلي الخرطوم بعد سلسلة إنتصارات.
* 11 فوز على التوالي توقفت بأمر أهلي الخرطوم.
* خسارة جرحت كبرياء الكبير.
* والحمدلله تجاوز الفريق كل تبعات تلك الخسارة المؤلمة.
* تقبلنا ما حدث أمام اهلي الخرطوم بكل رحابة صدر.
* وننظر الآن لما هو قادم.
* نحترم فريق كوبر ونقدر طموحه.
* من حقهم أن يعملوا على الفوز.
* الهلال مطالب بإحترام كوبر.
* ومطالبون كذلك بأن نكون أكثر جدية من أجل تحقيق الفوز.
* شهدت مباريات الهلال السابقة إهدار للفرص بطريقة مزعجة فعلاً.
* إهدار الفرص السهلة أمام المرمى إما بسبب التسرع أو ضعف التركيز.
* نجوم الهلال يجب أن يكونوا أكثر تركيزاً أمام المرمى.
* قد لا تكرر الفرصة الضائعة.
* وقد تندم عليها.
* في مباراة الأهلي الماضية الفرص التي وجدها الهلال في الشوط الأول كانت كفيلة بحسم اللقاء مبكراً.
* الحاسة التهديفية لابد أن تكون عالية.
* نتمنى أن نشاهد مباراة جميلة تليق بالفريقين.
* ثم لا ننتظر من الهلال إلا الفوز ولا شيء دونه.
* و.. و..
* والله في.
.. التلاته
يا حلاته يا خلاته.. ويوم 29
امسكوا الخشب..
ههههههههههههههههههه ..ابو طرحة هاااااك النزيف دا يا صفرااااااااابي
تم اعتقالك في كوبر انسي المغلق
كاتب سطحي
لا يفقه العبارات التي يكتبها!
تحدث عن فريقك مالك ومال الزعيم.
اها كوبر كيف؟
سجن بس تلاتة سنين.
ههه
و الإعدام يوم ٢٩
ركز مع فريقك