الهلال يتأهل للدور الثاني من دوري أبطال أفريقيا على حساب جاموس جنوب السودان

التأهل كان بمثابة ولادة متعثرة يا إدارة الهلال سيد أسياد البلد وزعيمها ، لكن عدت على خير والحمد لله، ومافي كل مرة تسلم الجرة، والكورة الكينية ما ذي كورة جنوب السودان الحبيب.. .!! الكورة في كينيا متطورة، عشان كدة يستلزم الأمر الوقوف على وضعية الفريق والإعداد بصورة خاصة لمباراة البوليس الكيني…!!
لو كنتوا إتجاوزتوا الغربان الجعجاعة أصحاب القلوب السوداء والمنظراتية والمندسين، وخليتوا فلوران يواصل عمله، كان الهلال أحرز بطولة الجعرانية “الإعدادية التعبانة”، وكان أكلنا جاموس جوبا بالشطة الخضراء والدكوة، وكان أخد ليه أربعة ذي حقة الجماعة ديك، لكن حسبي الله ونعم الوكيل في جماعة غااااغ غييييغغ…..!!
نسأل الله التوفيق لسيد أسياد البلد وزعيمها الأوحد الهلال أبزرد في مقبل المشوار، لكن بالجد الفريق عاوز شغل كتير، و الخواجة الجبتوه كبكابة يا عليقي ،و بإختصار هو أقل قامة من سيد البلد، ومناسب لي الفرق الحلمبوشية وما شاكلها….!!
سيد البلد يا حارق جوفهم وهارد فشفاشهم!!