اب جبين وسع مواعينه !!
لهيب النار
هاشم الطيب
اب جبين وسع مواعينه !!
# الحاج شاخور عاشق الزعيم ربنا يوسع مراقدك ويرفعك لجنات النعيم آمين يارب العالمين …
#ما شفت يا أبا شاخور حبيبك حاله أصبح كييف كل ما يصبح صباح رئيس جديد !!
#رئيس للبيانات مثبت حالف ما يزح آدم مطبوع علي الكرسي كل يوم إعلان ولسان حاله يقول الزارعنا اليجي يقلعنا!!
# وحمل حازم والجاكومي الطواري ليقلعوا سوداكال ومن الحديقه للردكاسل قلاب رمله دعم سريع بندق في بحر !!
# الغريق قدام الزول الما بيعرف العوم قطع شك غرقان يغرق يغرق !!
# ومن حيث لا يدري اهل الزعيم الصابرين علي وجع الإدارات مابين حكومة آدم وحازم الذي قال في الحديقه سينقل الزعيم لمصاف العالميه لاعبين ولا ميسي ويقولوا للظاهره انت شنو تش . رمضان .طيفور . رشيد ووو والمطالبة بالدولار الحار !!!
# اختفي حازم وصمت مزمار الجاكومي النشاز وأبو البيانات جفت الصحف !!!
# لاح في الافق فارس جديد وقدم نفسه بجيبيه الملعب وما ساهل لحُكم السيد الزعيم وصب الدولارات صب قلابات الرمال وضحك النجومي حتي بانت الحواجزهو سعادة القنصل وغني المغني راحت عليك ولو ظننتها بالتصريحات تدوم لدامت للحاج أبو البيانات !!!
# أبا شاخور حبيبك المريخ عايم فوق طرور ربنا يوصله ما يغرق في ساحل البحر الأبيض المتوسط !!!
# يا أبا شاخور قلبنا عليك المواجع ناس مريخ الأبيض رفعوا الراية الحمراء وقالوا لإدارة الأصل اذهبوا قاتلوا لوحدكم لن نذهب معكم !!! # وكفي يا اسماعين ود حسن المواجع تفاقمت عليكم وقولوا يا قليب ألله يصبرك يا العزيز سعد الدين وأنت بين يدي مليك مقتدر النشوف آخرة شيكان شنو .!!!
@ كلمه كلمه ::
نادي الفلاح العائد الممتاز درب الصعود هين لكن التأمل في الثبات ما هو ونسات العتبه الخضرا الممتاز قروش بس وبالعدم السنده العاليه منتظراكم .!!!