ابو النوم

في السلك

بابكر سلك

*بتعرفوا ابو النوم؟؟؟
*جوة الجيب موش بتلقي في باقي خيط كدة؟
*لو كان جيب قميص او جلابية
*ده ياهو ابو النوم
*عشان كدة لما تقول لي زول عندك الف؟
*يقول ليك والله ابو النوم ماعندي
*اها ابو النوم ده انا مابدورو
*،وعمري كلو كنت ساعي بشدة كي لايصبح المريخ ابو النوم
*عشان كدة قمت بقيادة حملة اخراج المريخ من جيوب الرجال
*معقولة نبقي ابو النوم؟؟؟؟
*اذا ماخرجنا بنادينا من جيوب الرجال
*سنجاور ابو النوم في السكن
*حانموت ركن
*ولما كنت بقول نخرج بنادينا من جيوب الرجال
*الناس كان بعضهم بضحك
*ولما كنت بنادي بضرورة الاستثمار
*قالوا سلك مجنون
*والآن نفس الناس الكانت بتضحك وقتها
*زعلت من حازم لما برطم في تلك التسجيلات المسربة
*ماقدروا علي المن وما استحملوا الاذي
*وده شي طبيعي طالما ظل اعتمادنا علي جيوب الرجال
*وطالما بحثنا دائما عن الرئيس المقتدر
*يبقي فالنبقي مع ابو النوم في قعر الجيب
*ايها الناس
*زمااااااان
*الفين وتمنية
*علي صفحات السوبر طيبة الذكر
*قلنا لاتعطني سمكة ولكن علمني كيف اصطاد
*ولكنا اخترنا السمكة ولم نطالب بالسنارة
*فعشنا بسمكتنا مع ابو النوم
*والآن نمارس اللوم
*لنبحث عن رئيس آخر مقتدر وذلة جديدة،وعدم مؤسسية ومنهجية ترجعانا للخلف في قعر الجيب مع ابو النوم
*المهم
*انا لا الوم حازم
*لان كل متطلباتنا في قائد المرحلة كانت القروش
*كنا نبحث عن رئيس عندو قروش
*ده كل المطلوب
*لم نبحث عن مواصفات اخر
*عندو قروش وبس
*ياخ البت البتبحث عن عريس عندو قروش وبس
*سرعان ماتندم بعد ان تعيش ذلة مردها ان صاحب القروش يعتبرها احدي املاكه
*ناهيك عن نادي جماهيري وعريق
*والبحث عن رئيس عندو قروش
*ممكن يصنع من نادينا طشت لغسل الاموال القذرة
*فما اسهل غسيل الاموال القذرة في الاندية
*لان شرط عندو قروش لا يتعلق بعندو اخلاق وعندو فهم وعندو طموح وعندو ولاء وعندو احترام للنادي والجماهير
*وقصة منتظر الحزب والجهاز دي ما لائقة
*فذلك عهد بانجازاتو واخفاقاتو وبصمتو قاعدة
*انت راجي الري؟؟؟؟؟؟؟
ايها الناس
*اخرجونا من جيوب الرجال بالبحث عن رئيس يملك طول البال وعقلية الادارة والايمان بالكيان وتقديس الجماهير ويؤمن باخراج الكيان من جيوب الرجال
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الزول مشي وحقو نحلها قبل مايجينا
*عشان مايحول الحول علينا
سلك كهربا
ننساك كيف والكلب قال لو قفل سنة سنيناتو بقومن وكان قامن بعضينا
والي لقاء
سلك