بسم الله الرحمن الرحيم
في السلك
بابكر سلك
اكلنا نيم وشمينا نيم
*تلتين سنة بناكل نيم
*قررنا نبطل اكل النيم
*شمينا نيم
*لينا تلاتة سنين بنشم في النيم
*لي امس القريبة دي بنشم في النيم
*البمبان جنو وجن شم النيم
*وكان لنا الخيار
*مابين اكل النيم وشم النيم
*فاخترنا شم النيم
*قدرنا كدة
*ياناكل نيم يانشم النيم
*حانشم النيم
*وتاني مابناكل نيم
*تلاتة سنين
*مابين كورونا ومواكب
*والله يجنب المواكب كورونا
*الشعب اتبلبل
*والاتبلبل بعوم
*ياغرق(بعد الشر) ياجا حازمها
*والحل في البل
*كان ذلك من اول شعارات ثورة الشباب
*صنع الشباب الثورة
*ثم ركبت معهم بقية المكونات والمسميات
*يبقي حقو الثورة تحفظ للشباب شرارة الاندلاع
*وحقو المسميات تؤمن بانه زمن الشباب
*لهم لغتهم
*لهم غناهم
*لهم فهمهم
*يبقي من حقهم ان يسوسوا وطنهم طالما الزمن زمنهم والثورة ثورتهم والوطن وطنهم
*ولكن من منا اعترف لهم بذلك؟؟؟
*دعوا الشباب ينمو في ربوع وطن جفت مآقيه بسبب امتصاص شجرة المؤتمر الوطني لكل مخزون الري
*ثم التفت علي المواسير وسكنت جوفها مغلقة مسار الماء لحنفية المواطن البسيط
*نحن لسنا اوصياء علي جيل هذا زمانه
*وهذه ثورته
*دعوهم يحكمون انفسهم بالطريقة التي يرونها
*فتقليدية الفهم السياسي الذي ورثناها لاتناسبهم
*هم لايعرفون حزب ولاينتمون
*ولكنهم يؤمنون بوطن
*فلا تأطروا ايمانهم في جهة او قبيلة او مسمي سياسي *المهم
*استهلالية منتخبنا ضد الجزائر الشقيقة
*اقول الشقيقة لانها فعلا شقيقة
*لان شعبها يحبنا مثلما نحبه
*لان شعبها ساند ثورتنا وايدها بمواكب ومسيرات علي ارض المليون شهيد
*لانهم احترموا السودانيين في البعثات الرياضية
*لدرجة ان المشجع الذي يذهب للجزائر لمساندة فريق سوداني
*يجد الاحتفاليه به والاحتفاء والاحترام من الشارع الجزائري
*موش زي اشقاء تانيين غير مصلحتهم مابعرفونا
*قال سكونا بالتوكتوك وضربونا
*المهم
*نقابل منتخب الجزائر الماساهل
*ولو بطلنا انهزامية ودونية اكيد حانقدم عرض جميل امامهم
*لانريد ان نصبح اضحوكة البطولة
*برغم حاضرنا البائس
*الا اننا اصحاب ماضي مشرف
*لذا الندية في الطموح هي المطلوبة علي اقل تقدير
*تتذكروا باص سامي عز الدين لكدوس للشبكة؟؟؟
*كانت تلك الشبكة هي شبكة نفس الجزائر التي نقابلها بقطر
*وكنا بنغلب تونس
*قاقرين وبشير عباس وباص كمال عبدالوهاب
*هو منو الكنا مابنغلبوا؟؟؟؟
*الله يخرب بيت التلتين سنة الخربت بيتنا وبيت العنكبوت الفي بيتنا
*الموردة تقصي الزمالك افريقيا
*وتلفت الانظار عربيا
*اسألوا بريش ومحمد الخاتم وعبدالنور
*واسألوا الجمهور الكان بغني
*برانا برانا بنغلب غانا
*منعول ابوك تلتين سنة
*وكان الجمهور
*عندما يحرز الرمح الملتهب علي قاقرين هدفا للمنتخب
*علي الطلاق لو عندك جهاز كشف الدهب مابتفرز المريخابي من الهلالابي في المدرجات
*الفرحة للمنتخب
*اما الآن
*منعول ابوك تلتين سنة
*ايها الناس
*العودة للحال الرياضي علي الاقل قبل التلتين سنة تبدأ من الجمهور
*لماتذوب كل الالوان في علم السودان
*لمانخلي قصة منتخب خالد بخيت ومنتخب علان
*لما نترك قصة مدرب المنتخب يجهز لاعبي الفريق الفلاني
*ومدرب المنتخب لعب اولادنا الشوط الاول عشان يرهقهم بالشمس
*ودخل اولاد الجماعة الشوط التاني بعد الواطة بردت
*نبطل الخرف ده
*عشان نقول مشينا اول خطوات العودة لما قبل التلتين سنة
*ومنعول ابوك تلتين سنة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا المكلف علينا
*منعول ابوك تلتين سنة
سلك كهربا
ننساك كيف والكلب قال منعول ابوك تلتين سنة
والي لقاء
سلك
لك التحية أستاذ سلك. من اجمل مقالاتك. نتمنى ان تواصل على نفس المنوال.