*لعل الصمت والتجرد والاخلاص
*هي مرتكزات العمل بقطاع المراحل السنية بالمريخ
*ولعل المعسكر الاعدادي ببورتسودان جاء في صمت
*وتسجيل تسعة لاعبين مهرة بالاشبال ومثلهم بالفئة العمرية الاخري جاء ايضا صامتا
*وحتي انتظام التمارين وتقوية الصلاة وحسن التربية يتم ايضا في صمت رهيب
*ولعل النجاحات الباهرة كانت تعبر عن القطاع بقولها
*ان في الصمت كلاما
*الشفوت الصامدون الصامتون
*بعيدون عن الاعلام والشوفونية
*لان الهدف عندهم غير
*ولكن التاريخ يحفظ لهم حسن الصنيع في صمت مهيب
*وحقهم علينا ان نرفع لهم القبعات
*ونرفع عنهم الستار
*لنثبت لهم الحق الادبي
*انهم فتية صدقوا ماعاهدوا عليه انفسهم
*انهم
مكتب تنفيذي قطاع المراحل السنيه
1/جعفر سناده احمد سند/ رئيسا
2/أنور حمد دياب/ نائب رئيس
3/عوض الأمين الكباشي/ مساعد رئيس
4/نصر الدين عمر الشريفي/ أمين المال
5/هشام عبد الوهاب/ رئيس القطاع رياضي
6/ عمار المغربي / منسق إعلامي
7/احمد جميل/ مدير الكره
8/سامي عبد الله / مقررا”
9/محمد سالم /مدير إداري
*فلهم الانحناءة والتجلة والتقدير
*ولهم الاحترام ودعوات التوفيق والسير للامام
*شكرا مكتب تنفيذي قطاع المراحل السنية
*المهم
*اتحلت ضبيبينة اقصد مشكلة ريشموند
*وماعارف الضبيبينة الجديدة شنو
*ولكني ارشح المحترف الماجانا حنان الريد غشانا ليكون ضبيبينة الحوار المريخي في المرحلة الجديدة
*وانا ماعارف مجلس المريخ ده بحب ام ضبيبينات ليه
*حاجات صغيرة وحلولها بسيطة
*يتماطل فيها لما تبقي ضبيبينات والغام تدفن له
*بل بعضها مشكلات بخلقها المجلس براهو
*حيرتونا
*المهم
*ضبيبينة المدرب شغالة والشتل كتر شديد
*ولاتستغرب ان وجدت الراحل منصور رمضان من ضمن المرشحين لتولي الدفة الفنية خلفا لابي عنجة
*نحيا ونشوف
*ايها الناس
*الاهلة لسة بضيعوا في زمنهم ومعتصمين
*حركات زي دي مابتجيب حقها في المدنية دي
*قانون كهيه ياروشا
*كردنة بالكل تفنيش
*قانون تم كهية
*كردنة رئيس راميش لي قيامة بالكل تبريكات
*المهم
*سمعنا لينا ببنزين تجاري وبالسعر الجاري
*موش كان احسن نسمع كلام البدوي و نرفع الدعم؟؟؟
*اسي فتحتوا مية باب للخراب
*باب تدخل به الشركات المستوردة للمحروقات لسوق الدولار فيزداد السوق الاسود ظلاما
*باب تهرب منه الكميات المدعومة لتدخل ضمن التجارية
*باب تلج منه المحروقات للسوق الاسود
*وباب يخرج به المواطن من الحياة الدنيا ويدخل للاخرة مباشرة
*وباب البند السادس
*زي باب بارات الخواجات في افلام الكاوبوي
*تدفرو جوة يفتح
*تدفرو بره يفتح
*وفي الحالتين يتطوطح
*ليلج منه اخيرا اب كسكتة
*شايل مسدسو ولابس بوتو
*ومفلفل شعرو زي موبوتو
*يشرب مريسة البار كلها
*ويفك ليهو طلقة في الهواء
*تعيد الجميع لعمال في حقول كانوا يملكوها
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*الناس في رحلة البحث عن بنزينا
*طلع ننو عينا
*وقفنا في صف الطلمبة التي تلينا
*وقفنا في شارع الوادي والطلمبة في شارع الشنقيطي ياوالينا
*لما الوقفه طالت علينا
*قلنا نصل الطلمبة نشوف الحاصل بينا
*من محل عربيتنا ركبنا ركشة حلف الا تلتمية عشان للطلمبة يودينا
*وصلنا لقيناها شغالة اطمأنينا ودعينا ليكم ياوالينا
*ورجعنا لي محلنا في الصف بتلتمية وخمسين عشان بتاع الركشة بالتلتمية رفض يودينا
*كده خمسمية وخمسين فضل لينا من مليون اتديناهوا للبنزين من الجنيهات اربعمية وخمسين
*مامشكلة بتكب لينا
*وتاني بي ميتين فطرنا واتغدينا
*وكان اتعشينا
*يانا الما كبينا
*الناس دي خلااااص الصفوف زادت دينها
مديونين شديد ياوالينا
و طلعت عينا
سلك كهربا ننساك كيف والكلب قال بكرة يجيكم التجاري تبيعوا العربية عشان تكبوا للعربية…هي مالها معانا العربية؟؟؟ تقوم بينا كب..تقع بينا رب
والي لقاء
سلك
