الخوف سودا يفتح قبل المطار يفتح
في السلك
بابكر سلك
الخوف سودا يفتح قبل المطار يفتح
*ضجت الاسافير طول الليل بالمسلمي مدرب المريخ في زمن الكورونا
*تسجيل صوتي للمسلمي يلعن فيه ابو خاشنا لي ابو اليوم الجا فيهو السودان
*تضج الاسافير مابين شامت وباحث عن تبرير ومحرج
*ثم تلفح لنا الميديا فيديو للمسلمي يؤكد فيه علاقته الطيبة برئيس النادي ومجلس الادارة
*ولكن جاء فيه ايضا اعتراف ضمني بالتسجيل الصوتي الذي لعن فيه ابو خاشنا
*فاضحي الموقف المخجل مضحك
*لان صورة المسلمي وسودا بعد الفيديو
*بقت زي صورة سلاطين باشا وابا خليفة
*فسلاطين باشا كان يكسر التلج يوماتي لخليفة المهدي
*ويصلي في جماعة
*ولكنه في السجود كان يسجد علي جضمو باحثا عن مخرج بين ارجل الانصار ليشتت به خارج البلاد ويستريح من الخليفة والعباد
*ايها الناس
*انها الفضيحة ال آلله جابا
*بالذات بعدما اطلعنا قبلها باسبوع علي ماجاء بصفحة الالماني عضو الجهاز الفني والذي قال بالحرف الواحد
*اشتغلنا في دول كثيرة لكن جنس ده يعمينا
*ثم خرج علينا اعضاء المجلس منبرين للرد علي الخواجه بقولهم
*انت داير عضو مجلس يمشي يقيف ليك في صف الغاز؟؟؟
*طبعا الخواجة ماداير كدة
*لكن كمان الحوكمة الرشيدة ماكدة
*فهي تعني دولة المؤسسات
*فاذا كان المريخ دولة حوكمة رشيدة حقيقية
*كان علي المدير العام او التنفيذي ان يدير سكن وراحة واعاشة الاجانب بواسطة كادره الاداري ويتابع ذلك بالاشراف المباشر
*والكورونا ليست عذرا بقدرما هي ظرف يجبر النادي علي تكثيف خدمات الاجانب الذين لايعرفون موقع سوق الغاز الاسود ولا سوق بيع النقد الاسود
*والزول لو جاب كلب يا سوداكال مابرميهو جوه البيت ويقفل الباب عليهو لا اكل ولا حرية توفر له الحد الادني للف في الكوش ليسد رمقه
*فضيحة سبقتها فضائح
*والسبب الاساسي يعود لمجلس اتت به الديمقراطية
*بدل يشكرها بممارستها
*ضرب بها عرض الحائط ليعود النادي لادارة الفرد
*يدير ويقرر من يدفع
*حتي ولو كان الدفع بالنقاطة
*نقطة نقطة
*نقطة تجبرنا علي ان نقول للمجلس نقطة سطر جديد
*لانها اضحت ضرورة
*ايها الناس
*واقع المريخ الاداري يخالف شعارات المرحلة التي اجبرتنا علي التمسك بالديمقراطية
*ولسة نتمسك بها
*فان اتت الديمقراطية بمثل هيك مجلس
*يبقي العيب مافيها
*العيب في المجلس الذي يديره شخص واحد حسب هواه
*لانو بدفع براهو
*وهو شن الدفع
*ويتعاقد براهو
*مع المدرب مع كوكو ويتحالف مع الشيطان
*دون ادني حق لبقية المجلس حتي حق العلم
*مجرد العلم لايتوفر لهم
*لانهم لا يدفعون
*يبقي حفاظا علي ماتبقي من ماء الوجه
*وحفاظا علي ديمقراطية نفخر بانها خرجت من نادينا للشارع
*في الوقت الذي كان فيه بعضنا يقول لو دايرين ديمقراطية امشوا الشارع
*وهاهي الشوارع لم تخن اهلها
*حفاظا علي كل ذلك
*امام المجلس وحفاظا علي الديمقراطية امامه الخيار لاختيار احد حلين
*الاستقالة او سحب الثقة
*لانو مجلسنا ده لما كترت عليهو الهموم اتدمدم ونام
*والخوف سودا يفتح قبل المطار يفتح
*ونجلس وقتها القرفصاء علي رصيف الفيفا والكاف ونركب التونسية القديمة ديك
*ايها الناس
*آن اوان فتح الملفات
*فما كل الكمامات تنجي من كورونا
*ابقوا معنا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*فترة المجلس ده اثبتت لينا
*انو اي شئ باقطابنا وجماهيرنا بتعمل لينا
*وانو كتير من الصرف التم علي نادينا
*كان من مصادر النادي يا والينا
*تبقي مافي ضرورة للبحث عن ملياردير يقود نادينا
سلك كهربا
ننساك كيف والكلب قال كان فتح شتتوا بس
والي لقاء
سلك
