السودان يقهر غانا بهدف الغربال وينعش أماله في التأهل

ألف مبروووووك للسودان ولا عزاء لمن إنتظر هزيمة السودان من الكيزان وأزيالهم نكاية في الشفيف العفيف القامة بروف شداد، ويا سبحان الله الفقر بتاع الكيزان فارقنا حتي في كرة القدم، وزمان زمن إتحاد اللقيمات ومازدا تلاتات كنا ضايقين المر، وذي الوقت ده كنا بنكون بنحلل في التلاتة جات كيف !!
الزاد الإنتصار حلاوة إنو ميدو دشن عودته لبيته بهدف جميل وإن شاء الله يكون فاتحة خير لمزيد من الإنتصارات للمنتخب، وطبعا الدلاقين بيفضلوا خسارة المنتخب على إنو ميدو يسجل، حقد الكاهن الأعظم أليخماو أعمي عيونهم وسود قلوبهم والعياذ بالله !!
عقبال مسمار ميدو في شباك الدلاقين 😝😝😝
عاااجل: حوادث أمدرمان تستقبل حالات إغماء كثيرة !!

الله يشفيك يا صلاح… سبحان الله اليوم منتخبنا لاعب مع غانا وليس المريخ وايضا ميدو لن ينكر فضل المريخ الذي صنع منه نجما يشار له بالبنان فهو سوداني مع بقية التيم .. اتمنى ان ترتقي وتترك التعصب والتفلت والجاهلية المعشعشة في دماغك وبعدين الفريقين مريخ وهلال يفصل بينهما ميدان اللعب وهي ليست داحس والغبراء والجاهلية الاولى فيجب أن تتعلم وتلك الايام نداولها بين الناس فلا تبالغ في الفرح وتستخدم عبارات الدلاقين والمرخرخين واليخامو والكاهن اتق الله في نفسك أولا فربما كلمة تهوي بك سبعين خريفا في النار والحياة كلها لحظات لن تاخذ معك غربال ولا متعافي ولا سوباط ولا عجب ولا رشيد ..غدا ستكون في عداد الله يرحمه وستسال عن كل ذرة فالرياضة أخلاق وليست دار معارك ولكن سبحان الله هذا ديدنكم ادارة ومشجعي الهلال وترمون الناس باقذع الالفاظ وتدعون المثالية لكن هيهات فاقد الشيء لا يعطيه وحتما الأيام ستجمع المريخ والهلال وسيذهب شداد والسوباط وسوداكال وتبقى الفرق ككيان ولا يصلح غير المناكفة الظريفة مش التفاهات وضحالة العبارات السوقية … اكيد الطبع ما بتغير والقلم ما بزيل بلم دا اصلا كان في قلم.