الشرطة يقلب الطاولة على الخرطوم ويهزمه بثلاثية مقابل هدفين

يا سلام الشرطة في خدمة الشعب !
“”””””
في حاجة طريفة في الجهاز الفني للمريخ
كل ما يكون عندهم مباراة يطلع الجهاز الفني
للمرخرخ بتصريح يقول :
المريخ سوف يفقد خدمات زيد وعبيد في مباراة
كذا ..
عشان لما يغلبوهم يلقوا مبرر ..
في مباراة 999 قالوا المريخ ح يفقد خدمات العقرب !
يعني العقرب بس هو المشي تركيا ؟
ال 26 الباقين خليتوهم في العرضة ..
في مباراة حي العرب قالوا المريخ ح يفقد خدمات كلتشي .. عشان كان لا قدر الله حصل وحصل يلقوا المبرر ..
“””””
العجائز الواحد كان وقع في المباراة تاني إلا
يودوهو البصير .. دكتور ما بعرف ليهو ..
والبصير ذاتو الا يولع النار ويجيب المنقاش
حتي يقدر يعالجوا ..
عشان معصعص .. ولو بقي كويس من الإصابة
بتكون عنده عاهه مستديمة ..وتاني إلا يشارك
في الموسم الجاي ..
“”””””
بكوري كان مافي في مباراة 999
لكن كان في محمد عبدالرحمن
وكان في مولانا عاشور
وكان في السماني السرقتوه
وكان في 3 أجانب يهزوا ويرزوا
“”””””
أن شاءاللة يوم تطلعوا ب تقرير وتقولوا المرخرخ
سوف يفقد خدمات رئيس مجلس الإدارة
وأمين المال والامين العام والجهاز الإعلامي ..
يمكن الكج يختاكم ..
“”””””
يكون في واحد شطبتوه وما اديتوهو باقي قريشاتو قام دعا عليكم ..