الفحص الآلي

في السلك

بابكر سلك

* فيكم زول مشي الفحص الآلي ?
* طيب فيكم زول شاف الفحص الآلي ?
* طيب فيكم زول سمع بالفحص الآلي ???
* الفحص الآلي بتاع الترخيص ياخ
* الفحص الآلي البطلع العيوب
* فرامل كعبه بكشفها
* قصة زي زمان تجي جاري شديييد ويصفروا ليك تفرمل
* يشوفوا كم لستك جاره في الواطه دي خلوها
* بقت تجي تقيف في الفحص الآلي يخجك انت وعربيتك ويكتب ليك بالانجليزي
* فرملتك مجلية يا وهم
* كان دي فرمتلك مع الرجال اتطلب الله يا اخوي
* الفحص الآلي ياخ
* البخجك ويقول ليك
* مساعدات يخربك
* يايات التاباني
* مساعد المساعد داير مساعد
* الفحص الآلي ياخ
* البقول ليك حالتك العامه شلش
* الفحص الآلي البقول ليك انوارك زي انوار استاد الهلال
* وكشافاتك دي زاتها بتشبه كشافات الهلال الخاتنها زي القمري في السلك واحده ضاربه فوق وواحده ضاربه تحت زي كشافات بيت البكا
* الفحص الآلي البكشف حقيتك ياخ
* اها الفحص الآلي بتاع العربات عرفتوهوا
* عارفين الفحص الآلي بتاع المدافعين ?
* ده ما التش
* يفحص ليك اي مدافع
* الفيهو خلل ركبة بنشاف
* والفيهو خلل مهارة بقع
* والفيهو خلل تصرف بضحكوا فيهو الناس
* تتجازي يا جحا
* دي جاتك من وين دي ?
* معقولة تشبه التش بالفحص الآلي ???
* غايتو الله يحضرنا يوم تفتيش الدمازين
* موية الدمازين لو جات كلها
* التش يفتشها نقطة نقطة وما يتبلي
* يا ارض احفظي ما عليك
* ايها الناس
* علي البرلمان ان يطالب بقانون حماية المواهب
* ويجيز القانون سريع في جميع مراحل القراءه
* ويسموهوا قانون حماية التش لسنة 2017
* دي ثروة قومية يجب الحفاظ عليها
* وتكون عقوبة اعداء المواهب الاعدام حال محاولتهم الاعتداء علي المواهب
* وبعد الاعدام القطع من خلاف ويعلقوهم في الشوارع اسبوع
* غايتو التش ده لو مسك ملف العقوبات الامريكية وقبل علي الامريكان ديل
* بعدمهم الدولار
* وترامب حايطالب بالتغيير مدعيا الاصابة
* يا ارض احفظي ما عليك
* ايها الناس
* بيت البكا اليومين دي عامر
* جنس دميعات وجنس تنهف جنس فيييييط
* اسكت بس
* الواحد يجعر وفيييييط ويقشها في طرفو
* من بيت البكا
* واحد شاف التش قال دي مصيبة شنو دي الوقعنا فيها دي
* وشوفوا الحوار ده من بيت البكا
* زنطور : والله التش كبييير… مكسب عديل كده
* صفرابي : ضيعوهوا مننا ناس عماد الطيب وكردنه ماجايب خبر
* زنطور : بشبهنا
* صفرابي : وريني وجه الشبه وين ? اسي عليك الله العلاقه بين التش وشلش شنو ?
* مهارة التش و عدم مهارة الدمازين العلاقه بينهم شنو ?
*الزول ده ما بشبهنا
* الزول ده بشبه ناسو
* بشبه السماني والتكت وميدو ومحمد آدم وعاطف خالد ومامادو
* ويستمر الجعري في بيت البكا
* الناس في التش ونحنا في القناة وبرنامج عن الحب
* جعري شديد
* لكن يا روشا تبكوا بس
* وسننقل للشفوت من بيت البكا
* قلت لي اوتارا ماشي برشلونه ?
* ميسي لوشاف التش بجينا برااااهو
* واتتشتشي
* غايتو يا روشا
* في التسجيلات الجاية سجلوا رادار المرور السريع مدافع
* عشان يعرف التش وين وماشي بسرعة كم
* ياخ قوقل ايرث ما قدر يحدد مكان التش
* وسمح التش كعب الغش
* ايها الناس
* كشف المريخ الآن يضم بذورا جيده
* وارض المريخ خصبة
* فقط نحتاج لري يا مجلسنا الجديد
* اي عطش بضيع البذور دي علينا
* ووقتها بنطقطق ليكم وبنطقطقكم لما تعرفوا حاجه
* ايها الناس
* انها ضربة البداية لعودة مريخ زمان
* قوة وفتوة
* عزيمة و اصرار
* ولاء للشعار
* وقبل كل ذلك مهارات وفنيات
* ربنا يحفظ
* المهم
* اتوقع ان يعود التكت لمستواه المبهر في الكورة الجاية
* الولد لعااااب وحوااااام
* ولن ننسي له انه كان بطل الريمونتادا
* فقط لا نقبل منه تقاعس ولاقصور
* لان العندو اكتر بكتير من الادانا ليهو
* ايها الناس
* ان تنصروا الله ينصركم
* ويحفظ ليكم تشكم
* اها
* نجي لي شمارات والي الخرتوم
* كان شفت يا والينا
* عربية النفايات ما عندها ميعادا لينا
* نكورك ليهم مايجوا
* نجيهم يكوركوا
سلك كهربا
ننساك كيف والكلب قال لو كلو زول مات بي نفاياتو النفايات ما بتكتلكم… موتوا وارتاحوا
والي لقاء
سلك

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق