*تم توقيف المدير العام لنادي المريخ(المدير التنفيذي) لصالح بلاغ شيك مرتد صادر من نادي المريخ
*وطبعا مؤسسة زي دي النيابة مابتصدر امر قبض ساي الا تتحري شديييد وتعرف منو البدير النادي عشان تقبضو
*عادة اوامر القبض بتطلع في مواجهة الرئيس او من يقوم مقامه في حالة الغياب او الاستقالة
*وذلك حسب النظام الاساسي بتاع ٢٠٠٨ الذي يحدد من يدير النادي
*وممكن يتقبض المدير المالي اذا كان موقعا علي الشيك
*وشيكات النادي لادخل للمدير التنفيذي بها ولا مسؤولية عليه طالما لم يوقع عليها لانه مجرد موظف وغير مسؤول عن مالية النادي وماهيته
*ده كلو وفقا للنظام الاساسي ٢٠٠٨
*في النظام الاساسي الحالي
*نظام الحوكمة الرشيدة اعطي المدير العام(التنفيذي)سلطات واسعة في ادارة النادي وحمله مسؤوليات جسام زهاء مالية النادي ومسك الدفاتر
*يعني ذلك الموظف اصبح احد الاشخاص الذين يديرون النادي
*طيب
*منو القال للنيابة خيري احد الاشخاص البديروا النادي؟
*ان كان الاتحاد
*يبقي ماكضب
*لان النظام الاساسي لنادي المريخ مودع لديه
*وان كان من قال للنيابة ان خيري هو احد الاشخاص الذين يديرون المريخ
*تبقي المفوضية عداها العيب
*وتبقي اعترفت بسريان النظام الاساسي الجديد
*لانه السبيل الوحيد لادراج المدير العام ضمن شخوص العملية الادارية ومراكز المسؤولية بنادي المريخ
*تبقي الحوكمة الرشيدة هي سبب القبض علي المدير العام دكتور خيري في بلاغ ضد المريخ لارتداد الشيك الذي لم يحرره او يظهره او يسلمه دكتور خيري
*شكرا للاجراءات التي اعترفت بالحوكمة الرشيدة
*وللمعلومية
*هذا البلاغ مفتوح منذ زمن قريش والريس ود الشيخ
*وتخارجا من هذا البلاغ بالاستقالة القدموها مسبقا
*وصبر الشاكي حتي استفاد من الحوكمة الرشيدة
*المهم
*قال ليك الكاش مردوم ردم في المكتب التنفيذي
*تدخل توقع تبصم تقبض تتخارج
*الشرط الوحيد ماتقول بسم الله الرحمن الرحيم جوة
*ايها الناس
*عصاية قايمة وعصاية نايمة البعمل فيها المجلس دي مع ميدو مافي ليها داعي
*الزول ده مع احترامنا لموهبتو
*يايجدد ياشتت
*الخانة دي غاااالية ومارخيصة
*واي تمييز ليهو بعود بأثر سالب علي زملائه
*يكفي استئثاره بجائزة هداف البطولة العربية
*حيث نسي وقتها ان زملائه لهم دور في تتويجه بذلك اللقب
*ايها الناس
*بكرة نسمع بالعراقي رجع بلدو عشان الحرب
*الزول ده دولاراتو كتااار
*وكردنه جنو وجن كده
*لو يتصل بترمب يخصمو يضرب العراق
*مابسجل الزول ده
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*وكت بقيتوا تلفحوا
*بعترف يابيه
*عندي قميص جابو لي جارنا مؤتمر وطني
*تجوا تشيلوهوا ولا اجيبوا ليكم ياوالينا؟؟؟
سلك كهربا
ننساك كيف والكلب قال اممممممممك… الخوف يسألونا من العضام الزمان جدعوها لينا نااااشفة
والي لقاء
سلك
