قزاز ورذاذ
محمد الطيب الأمين
المريخ بقى زي (اللديتر المقدود) ماشي وينقط !!.
* (القد) في لديتر العربية من الأشياء المزعجة جداً.
* مزعج لدرجة تخليك تكره اللديتر واليوم الصنعو فيهو اللديتر.
* ولو ما لحقت عالجتو سريع ممكن يدخلك في مشاكل كبيرة.
* سخانة.
* وممكن (وش رأس).
* وممكن يدخلك في (مكنة) عديل.
* اللديتر المقدود مشكلة كبيرة.
* تلقى العربية ماشة و(بتنقط) .
* زي المريخ كده.
* المريخ الأيام دي ماشي وبنقط.
* زي اللديتر المقدود.
* تعادلات تقيلة.
* شالوا حازم .. والتعادلات شغالة.
* جابوا أبو جيبين (المعجب بالهلال) .. والتعادلات شغالة.
* أبو جيبين بحب الهلال.
* بحبو من طرف واحد.
* من كلامو واضح إنو الراجل ده هلالابي لكن ما لقى كرسي في الهلال قام عمل فيها مريخابي.
* كتاااار ضاق بهم الهلال طوالي عملوا فيها مريخاب.
* جمال الوالي هلالابي بضارب لكن عمر البشير زرعو في المريخ .
* المؤتمر الوطني لحكمة لا يعلم بها إلا الله شال جمال الوالي الهلالابي وزرعو في المريخ.
* المهم.
* يمشي مدرب ويجي مدرب .. والتعادلات شغالة.
* تتكسر طبلة وتنضرب بالشاكوش .. والتعادلات شغالة.
* نقيط شديد.
* لديتر بس.
* اللهم زد وبارك.
* كأس العالم شغال وهم شغالين تعادلات.
* نزيف تقيل.
* حلكم الوحيد تشيلوا ريكاردو.
* نجاح ريكاردو مع الهلال لا يعني نجاحه مع المريخ.
* ما أي زول نجح مع الهلال معناها بنجح معاكم.
* في فوارق كبيرة بين الهلال ووصيف الوصيف.
* عشان كده اكسبوا زمنكم وشيلوا ريكاردو ده بره.
* الغريبة ابراهومة مساعد ريكاردو الحالي كان مدرب حيدوب قبل شهر.
* يعني يفترض يكون عارف أي حاجة.
* غايتو التعادل ده بالنسبة لحيدوب خسارة.
* خسارة كبيرة.
* حيدوب هو الخسران.
* فوز مضمون أهدره فريق حيدوب.
* عموماً .. الفرصة الآن أمام أندية الممتاز كبيرة.
* أي فريق ما شال نقطة من المريخ يلحق يشيل.
* المريخ قاعد في السهلة.
* وكمان جابت ليها سوء سلوك.
* قالوا صلاح نمر ضرب الحكم.
* وإحتمال يتعاقب بالإيقاف أقل حاجة 6 شهور.
* العنف في المريخ أصبح سيد الموقف.
* عنف لفظي وجسدي.
* مارسوا العنف مع (الطبلة) .
* والطبلة ما عندها ذنب.
* الطبلة غلطانة في شنو عشان تتكسر بتلك الطريقة البشعة؟
* العنف في المريخ متواصل.
* والتصريحات تلخم.
* الجاكومي يصرح.
* وأبو جيبين يصرح.
* وحازم بتاع (بيعة سوق العتبة الشهيرة) يصرح.
* كلو بيصرح والمريخ بنزف.
* وغايتو إحنا السنة دي يا متنا من الضحك ويا كمان الضحك كتلنا.
* أنا أكتر حاجة سعيدة بيها إنو كلامي مشي وجا.
* قبل كده قلت ليكم ما دايرين المريخ يكون وصيف للهلال.
* زهجنا من الحكاية دي.
* دايرين نغير شوية.
* ما دايرين وصيف بلبس أحمر وأصفر.
* لازم نغير ألوان وصيفنا.
* يا المريخ يغير لون شعارو ويا كمان نحن ح نغير المريخ ذاتو وبنجيب حي العرب وصيف لينا.
* والحمدلله الموضوع ماشي بصورة جيدة.
* وتبكَو بس .. عين قطرة وعين مس.
* و… و..
* والله في
عليك الله الدخلك منو الإعلام انت ما غلطان غلطان الدخلك الإعلام وانت ما تفقه٢شيء فيه يعطووووك ديل فلووووس ويقولوليك اكتب وانت زي اكتب يا خساره والف خسااااااره الإعلام الفاشل
اخونا مرتضي ….الواضح ..انو كتابات استاذ،…محمد …معزباااك …لكن ابشرك ما انتا براااك. ..معزبة كل الدلااااقين….ونحنا مبسوطين منها…..وافتكر دة من حقنا….واسلوبو عاجبنا ….يسألك الله مش،احسن من …اوهام كتااار …بكتبو …ودلاقين متعصبين …تحياتي وخلي روحك رياضية …يادلقون
بنتقابل يا فيصل وجاااام غضبنا بنبيلوووو فيكم وازكرك كلامي ده كويس وللزكري كتاااابكم كلهم بمجرد ما تاخدووو مسمار نص الواحد ما بي شوووف كتاااااباااتهم شهر كامل صيااااام من الصدمه ارجو الراجيكم تمسكووو منو وتخلووو منو
اقتباس؛ (أنا أكتر حاجة سعيدة بيها إنو كلامي مشي وجا) .
اول مرة اشوف لي راجل (سعيدة).. انا هلالابي لكن الضحك كتلني. ارجوك راجع المقال قبل النشر.