الهلال يفاوض امجد اسماعيل
قطع نادى الهلال شوطا كبيرا فى مفاوضات امجد اسماعيل ( سرارية) مدافع الاهلى شندى بهدف ضمه للكشوفات الزرقاء خلال فترة التسجيلات المقبلة ، وسينتهى عقد اللاعب مع فريقه بنهاية الموسم الرياضى الحالى .
وتفيد متابعات كورة سودانية ان بعض المسئولين فى نادى الهلال قد اجروا اتصالات مع شقيقه الاكبر ( اسامة) بهدف انتقال اللاعب امجد للهلال وبدات المفاوضات واكد اسامة عدم ممانعته لكنه طالب بضرورة تقديم العرض المالى مؤكدا لهم بان امجد قد تقدمت له عدة عروض من اندية المقدمة بالبلاد من ضمنها نادى المريخ ، هذا ويتوقع ان تحسم امر المفاوضات خلال الساعات القادمة.
المعروف ان امجد سرارية هو قائد الاهلى شندى حاليا وسبق له اللعب فى صفوف منتخب الشباب والاولمبى ومنتخبنا الوطنى الاول وقدم من خلالها مستويات مميزة.
هذا فقد اشاد عدد من الخبراء لكورة سودانية باللاعب امجد واعتبروه واحد من النجوم المميزين واصحاب الخبرة الذى يمكن ان يفيد القمة افريقيا ومحليا.
أي لاعب عاوزة المرخرخ جيبوهوا وسجلوهوا ضر وحسادة بس، و الما عاوزنه أرفعوا سعره عشان الجماعة يشربوا و ما يرووا، عشان نرد ليهم عمايلهم القديمة معانا أيام البوفيه المفتوح، وبالمرة نخليهم يغرموا قروش الشعب اللغفوها زمان !!
وذي ما قال أليخماو أيام اللهط واللغف لمالك الشعب، الكاش بقلل النقاش !!
انتو الهلالاب ديل مصدقين كلام الجرايد ده انو رئيسهم ج يعمل وح يعمل هههه وثانيا قروش الكاردينال ولا المريخابي رئيسكم الحالي ما حقت الشعب ولا شنو وبرضو هههه