• الايام دي حال الوصيف لا يُسر عدو ولا حبيب.
• الحالة صعبة خالص.
• (الزومة مضايقي).
• يطلع من خسارة ويدخل في تعادل.
• المعارضة لقت فرصتها في المجلس.
• شغالة سلخ سااااااااي.
• المجلس زاتو غلطان.
• معقولة جايب مدرب كمال أجسام.
• (كمال كيلا كييييييكا).
• بالطريقة دي الواحد تاني ح يتعب جدا عشان يتابع ترتيب الوصيف.
• سؤال بمليون جنيه.
• بالقديم طبعاً.
• السؤال .. ترتيب الوصيف كم في الجدول.
• دي قوقول زاتو ما بقدر يجاوب عليها.
• انا بحاول زاتي ابحث معاكم.
• نحن خايفين أولادنا في الوصيف يتأثروا من الحالة المتدهورة دي.
• يا شداد حاول قدم التسجيلات شوية.
• حاول أسمع كلامنا مرة يا بروف.
• مستمتع جدا الايام دي بكتابات المعارضة.
• المعارضة الحمراء.
• شغالة هجوم في جميع الاتجاهات.
• مجلس الوصيف والاتحاد العام.
• يا جماعة ركزوا في حتة واحدة.
• انتو ما عندكم زخيرة قدر دا.
• زخيرتكم انتهت في الدفاع عن جيمي.
• ايام لكن.
• سبحان مغير الاحوال.
• اقلام المعارضة الحالية.
• كانت زمان بتدافع عن المجلس.
• دفاع كمان ما عادي.
• دفاع شرس.
• بتشربوا حاليا من نفس الكأس.
• فعلا الدنيا يوم ليك ويوم عليك.
• لكن زمن جيمي هل كان في معارضة في الوصيف.
• ما أظن.
• الامور كلها كانت تمام.
• ما علينا.
• حالة تسد النفس من الصباح.
• الليلة سيدالبلد عنده كورة مع الفرسان.
• الفوز ضروري لاستعادة الصدارة.
• مباراة اليوم مهمة ولا مجال للاستهتار.
• الممتاز دا اصبح ما مضمووووون.
• عشان كدا يا الثعلب عليك الله احسموا الاهلي من بدري.
• لمن نتكلم عن الهلال .. حاجة تشرح النفس.
• جوهرة زرقاء وقناة فضائية .. والامور مستقرة.
• فرق يا وصيف.
