بالحتة الفيها الحديدة

في السلك

بابكر سلك

بالحتة الفيها الحديدة

*الليلة يوم الرجال
*الليلة نقول بسم الله ونبدأ المشوار
*ما شامين ريحة مطار
*لكن دايرين نمشي لي قدام شوية
*إن شاء الله نصل العمارات
*المهم نمشي لي قدام
*لا أظن أن هناك مريخيا يستفيد من خسارة المريخ
*فالتاريخ لا يقول خسرنا في عهد من
*ولكنه يقول خسر المريخ وخرج في عام كذا
*وقد يسجل التاريخ عبارة عهد من في حال تحقيق البطولة
*وها هو قد سطر أن أول فوز سوداني ببطولة أفريقية كان من نصيب المريخ
*وكان في عهد الراحل المقيم فينا بإنجازه عبدالحميد حجوج
*لكن لن نذكر لما طرنا من الأشانتي في عهد من
*ولم نذكر لما طرنا من التمهيدي كتيييير في عهد من ومن ومن
*لأن الأشخاص لا يمجدهم إلا التتويج
*فجيل مانديلا ممجد بإنجازه
*وعلى هذا الجيل من الإداريين واللاعبين أن يعملوا بجد على التتويج إن كانوا يريدون ذكرا لهم على صفحات التاريخ
*وإن فشلوا لا قدر الله فإن لهم أجر المحاولة ولهم منا كامل الإحترام
*لذا
*ولكل ذلك
*علينا الوقوف بقوة مع المجلس ومع اللاعبين
*ومع كل من يعمل لقيادة الكيان للانتصار
*أيها الناس
*إن كانت الجماهير ممنوعة من دخول الإستاد بالخرطوم
*فالأفضل اللعب بمساندة خمسة ألف مشجع بالقاهرة
*ونحن بالقاهره كتااااااااار
*سودانيو الدقي براهم بملوا إستاد السلام
*وحتى في مباراتي الأهلي
*نستطيع أن نقاسمهم المدرجات
*إذن كل المطلوب أن تصفى القلوب وتتجه لهدف واحد مشترك هو نصرة الزعيم وتقدمه بقوة في روليت المجموعة
*الآن روليت المجموعة يقول صن داونز في المركز الأول بثلاث نقاط وهدف وما عليهو هدف من مباراة واحدة
*الأهلي في المركز التاني بنقطة ولا له ولا عليه هدف وكورة في الماسورة من مباراة واحدة
*الهلال في المركز التالت بنقطة من ست نقاط وعليه هدف وكورة في ماسورتو
*الزعيم يستفتح حصالة نقاطه اليوم
*من الليلة بالليل يجب أن يبقي روليت المجموعة كالآتي
*المريخ في الصدارة بثلاث نقاط وثلاثة اهداف ولا عليه شي من مباراة واحدة
*صن داونز في المركز التاني بتلات نقاط وله هدف وعليه تلاتة من مباراتين
*الأهلي في المركز التالت بنقطة ولا له أو عليه هدف وعندو كورة في ماسورة الماسورة
*الماسورة أقصد أبو الهل الرجل المناسب في المكان المناسب
*يسويها الله
*وربنا بسويها لو صفينا النية
*ووحدنا الهدف
*وأصبحت القلوب نقية
*إذن الكورة في ملعب السلام
*سلام أمة المريخ مع بعضها البعض الذي افتقدته سنينا
*ثم بعد ذلك تصبح الكورة في ملعب السلام بالقاهرة
*المهم
*أمس أفشة أدى الهلال بالحتة الفيها الحديدة ولكنها دقت في الحديدة
*ولو ما الحديدة كان طار كيس إدارة الهلال الجديدة
*وكان طار كيس الجهاز الفني وسافر بدون فحص الكورونا
*لكن ربنا قاسم للمدرب شوية رزق بالسودان
*أعتقد الجمعة القادمة رزق الزول ده بنقطع عند الأهلة
*حاسي كده
*أيها الناس
*دعواتكم من قلوبكم العامرة بحب المريخ لنصر المريخ
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*عارف إنو في ولايتك دي في حاجة اسمها باعوضة ما فضلت شي فينا؟؟؟؟؟

سلك كهربا

ننساك كيف والكلب قال الباعوض ذاتو محتج قال الناس دي بقت تقليد ما أصلية … معقولة تفتح الزول جديييد تلقاهو فاضي نقطة دم مافيهو؟؟؟ دي حكومة شنو دي؟؟؟
وإلى لقاء.