مووج
معتصم محمود
بسبب الصيدلاني القمه تعاني
▫️تتجه قلوب اهل السودان نحو قاهرة المعز لمتابعة هلال السودان في مواجهة نادى الكاف المدلل .
▫️ هدف واحد فقط يؤهل ازرق السودان و يقصي المدلل .
▫️الأسياد فعلوها من قبل و تأهلوا على حساب الاهلى و ليس صعباً ان يفعلوها ثانية لاسيما وان أهلى اليوم ليس أهلى زمااااان
▫️أهلى تعبااااااان بدليل ان متذيل المجموعه (المريخ) هز شباكه مرتين .
▫️الهلال يضم مويس هداف البطوله (5 اهداف) كما يضم الغربال هداف السودان الاول .
▫️مجلس سوباط وفر كل عوامل النصر للفريق ، معسكر ناجح ، قيادة إداريه مميزه برئاسة الإداري المحبوب نزار ، لحق به الامين العام المناوب اسماعيل عثمان .
▫️غياب المعلق الكج عن المباراة يعزز أملنا في الفوز .
▫️حين يواجه الهلال أندية شمال افريقيا تخصص القناة الناقله افضل المعلقين العرب اما مباريات الهلال مع الافارقه فتُمنح لسوار و نحو ذلك .
▫️منكم لله ، فرستونا .
▫️ بالأمس خسر المريخ بالثلاثه و عزز موقعه بالذيليه .
▫️صن الذي ضمن التأهل لعب ع الواقف حيث سدد (3) مرات أحرز (3) أهداف !!
▫️كل تسديده قوون !!
▫️المريخ و طوال (96) دقيقه سدد مره واحده فقط !!
▫️عموماً جملة اسباب تسببت في خروج المريخ لكن السبب الأول و الاهم يتحمله إلاتحاد العام .
▫️المريخ و من قبله الهلال واجها الاهلى و الصن بلا استعداد بدني .
▫️الأهلي و الصن واجها القمه السودانيه بعد أن اديا (20) مباراة دوريه بينما الدوري السوداني لم يبدأ بعد !!
▫️نظلم انديتنا ان طلبنا ان تؤدي بذات المستوى الذي تؤدي به انديه جنوب افريقيا و مصر .
▫️لن تنافس انديتنا و لا منتخاباتنا طالما تضرب العشوائيه المنافسه المحليه .
▫️لا تعشموا في دوري إيجابي و عيال عطا المنان يديرون المنافسه .
▫️ود نوباوي وكوبر يسافران من الخرطوم ليلعبا في بورتسودان و هلال بورتسودان و السوكرتا يغادران بورتسودان ليتواجها في جبل أولياء !!
▫️إنها لجنة حلفا .. إنها عبقرية التغيير .
💊 كبسولات .
▫️الهلال التقى الاهلي (9) مرات فاز الاهلي في (3) و انتصر الهلال مرتين فيما كان التعادل حاضراً في (4) مباريات .
▫️الاهلى هز شباك الهلال (7) مرات مقابل (6) أهداف للهلال .
▫️من عاليه نقول الكفتان متعادلتان و الهلال ند حقيقي للنادي المدلل .
▫️ند حقيقي رغم ان الهلال يؤدي داخل الميدان و بس .
▫️إنتصارات بعرق الجبين ، لا فيها حُكام و لا فيها لاراش .
▫️ بالرجوع للمباريات السابقه نقول : نسبة فوز الهلال اليوم (22%) و الاهلي (33%) و التعادل (44%)
▫️اللهم انصر السفير ، سفير الكره السودانيه .
▫️تتساقط أندية السودان و يبقى السفير وحده يحمل لواء السودان .
▫️اللهم انصر السفير بفوز عرييييض .
▫️تمدد الحزن في ارجاء وطنى و بات الهلال وحده من يفرحنا .
▫️اللهم انصر الهلال و الثوار .
▫️الهلال و الثوار وجهان لعمله واحده .
▫️يا ثائر فجر بركانك .
دا مالو ؟؟؟؟
الابن العاق
الابن العاق
ما حصل رسلت بالمعنى دا
وبسبب البروف الكورة السودانية فى الاوف … وبسبب سقوط برقو ناس معتصم محمود حرقو … اى واحد يقدر يعمل الف عنوان زى ده يا