بعد المكالمة المسربة: سيف تيرى يرغب فى الاعتذار لجمهور المريخ

الزول معروف هلالابي وقبل ما يمشي المريخ عندما كان في الخرطوم الوطني قال لن العب لغير الهلال.

المدعوم عامل زي الطفل الطبعو شين كلما يشوف طفل شايل لعبه ما عندو مثلها يتشبك فيها سبحان ظل الهلال وراء التش لغاية اتنكب وجرى وراء عجب والرشيد والنتيجة مستوى المريخ الهزيل في آخر ٣ مباريات والان وراء تيري… الضرر الذي لحق بالمريخ بواسطة الهلال لا يمكن ان يمر مرور الكرام انتظروا مستقبلا يا هجام واقعد قول لي دا هلالابي بالميلاد ودا مستعار ودا مرخرخ والكلام الفاضي بتاع الرجرجة والمهوسين انتظروا الراجيكم خلاص انتهى زمن الشيطنة بتاعة المتعافي وانتظروا الزلزال وتاني كان تلعبوا كورة في السودان دا.. الطاهر يونس أوقد نارا لن تنطفي وكل اول ليهو آخر وان شاء الله نتيجة الفهلوة حاتدفعوها اضعاف والأيام ستثبت لكم وحانشوف ان شاء الله ردة فعل جمهور المريخ وأصلها مطينة وتنقد الرهيفة. وهاكم الاستمتاع بمال ابوناصر واهداف المحترفين والمريخ دمرته ايدي الأشرار.

بطل النفخ الكاذب يابو المستعار وبطل التهديد الاجوف الذي سمعناه منك ومن امثالك من صبيان اليخماو. اشتغلتوا باقصي جهدكم علي تشليع الهلال ايام الرئيس طوالي وفي يوم من الايام صار جميع لاعبيكم الاساسيين من الهلال ولم نصرخ ولم نهددكم كما تفعلون الان ولم ناسف علي لاعب ذهب لضلنا الوقف مازاد. اسلوبك اسلوب بلطجة وتفلت واذا انت تتفاخر ببلطجية الوصيف جمهور سيد البلد ممكن يبتلعكم ويعمل فيكم اسوا من عملة مازيمبي عندما اخد بلطجيتكم علقة ساخنة مع حمام البولينا. بالله عليك هل في رجرجة وتفلت اكثر من تهديدك الاجوف. والدعوي الفوضي والتفلت قال صفوة قال. انتم صفوة الكفوة. منكم لله!!!

الناس زعلانه في شنو تيري احرز 5 اهداف افريقيا ولكن هل هو الاعب الفلته لكي يستاهل تلك الضجه لا اعتقد في الاخر هو لاعب سوداني يعني مستواه مره كويس وعشره مرات كعب واذا كان قايل نفسه بقي كبير فلا كبير علي المريخ واسلوب التهديد والوعيد حطم لاعبين واذا كان مغرور باهدافه وعاوز يحترف فلا امل له بالتواصل خارجيا بحكم انه لاعب سوداني مزاجي وللتاريخ لم يحترف لاعب سوداني حديثا ونجح نهائي من ايام طمبل والسماني والغربال وبكري وعاكف عطا واطهر الطاهر وغيرهم لانه لاعبنا مزاجي والاندية الخارجيه تعتمد علي برنامج قاسي لا يقدر عليه الاعب السوداني الذي يريد الظهور في الشوارع والاحتفالات والهاله تسبقه والهروب من المعسكرات ووووالخ
علي تيري ان يذهب كما ذهب من قبله فمن يسقط من قلوب الجماهير لن يجد مكانا بيننا واقولها لك يا تيري مرة اخري انت مستواك لا يستاهل ربع المبلغ لانك تعلم جيدا انك مزاجي فعيب عليك تسيء لكيان اشهرك وعملك لكن نقول شنو الجشع