تصفير (جواز) احمد بيتر
صابنها
محمد عبد الماجد
تصفير (جواز) احمد بيتر
• مع اني ارى ان لا نجاري المريخ في محاولاته لجر الهلال وشغله بأمور خارجية ، إلّا اني مع ذلك لا اجد غضاضة في (التندر) بالتصرفات الحمراء والسخرية منها – دون ان نشغل الهلال بها.
• ارجو من جماهير الهلال ان لا تعطي للأمر اهتماما اكثر مما يجب.
• المسافة بين الهلال والمريخ اصبحت بعيدة – ربما يبقى التنافس والندية قائمة بين الهلال والمريخ على المستوى (الكروي) فقط ، لكن في الامور الاخرى لا مقارنة بين الهلال والمريخ – لذلك لا تعطوا التصرفات الادارية للمريخ حجما اكثر مما يستحق. هم يحاولون ان يصنعوا لأنفسهم وجودا في الساحة بمنافحة الهلال (اداريا) بعد الفشل في المستطيل الاخضر (كرويا).
• لكن مع كل ذلك دعوني نعرض الحالة المريخية دون ان نجعلها تفقد الهلال تركيزه.
• نتحدث عن ذلك على سبيل التندر.
• مثل هذه المشاغبات مقدور على حسمها وان اصبح الاتحاد العام لكرة القدم في يد المريخ وفي يد مجلسه غير الشرعي.
• مجلس (حديقة الموردة) في المريخ غير معترف به .. مع ذلك يريد ان يسيطر على اتحاد الكرة بسبب قياداته المريخية.
• شكوى مثل شكوى الامل للهلال هي شيئا لا يستحق التعليق عليها ..وهي شيء يصلح كذلك للسخرية والتندر والضحك.
• لا ادري هل (انطس) الامل في رأسه وتقدم بهذه الشكوى فعلا ام ان الامر كله من تدابير وإعلام المريخ الذي ظل يقدم للناس اخبارا مغلوطة ويقوم بتمرير اجندته من خلال مثل تلك الاكاذيب.
• الخطاب الذي ارسله محمد سيد احمد الجاكومي مطالبا من الاتحاد العام سداد (500) الف دولار من الهلال بسبب ما اصاب ملعب المريخ حسب ادعاء الجاكومي من جماهير الهلال في عام 2009 على ما اعتقد امر يدعو للضحك. وهو حدث يمكن ان يصلح (مسرحية) هزلية.
• نطلع فاصل للضحك ونراجع نواصل.
• في زول وقع من عمود كهرباء بعد خمسة ايام قام من (الوقعة) …قال ليهم الكهربة جاءت متين؟
• من مهازل هذا الزمان ان يصين الجاكومي ملعب المريخ من اموال الدولة وعبر قوات الدعم السريع (على عينك يا تاجر) في الوقت الذي يريد فيه من الهلال ان يدفع قيمة الكراسي التى تحطمت في استاد المريخ سنة 2009.
• قابلتكم قوة عين زي دي؟
• الجاكومي الذي كان وقتها عضو لجنة شعبية على ما اعتقد يريد من الهلال ان يسدد له (500) الف دولار .. و(كاس) اوقفت الحقوق المادية للمريخ في البطولة الافريقية التى استلمها مجلس حازم مصطفى بسبب عدم شرعيته بعد الطعن الذي تقدم به سوداكال في شرعية مجلس (حديقة الموردة).
• حديقة الموردة انتجت لنا مجلس (حالم)…مجلس في حقيقة الامر (طاش).
• الجاكومي الذي اتفق حسب قوله مع الاهلي المصري على ان يهزم لهم الفريق المصري الهلال وصن دوانز ذهابا وإيابا ويفوّت لهم مباراة من مباريات الاهلي والمريخ … عاوز الهلال يدفع ليهم (500) الف دولار.
• دي شبكة شنو الوقعنا فيها دي؟
• الزين اخوي ناس المريخ ديل عاوزين (النجيلة) تثمر ليهم (بطاطس).
• الجاكومي الذي خاطب مجلس الهلال مطالبا بـ (500) الف دولار هو نفسه الذي استجدي لجنة تطبيع الهلال من اجل ان يلعب المريخ مباريات البطولة الافريقية في ملعب الهلال دون سداد اجرة الملعب وقد حصل الجاكومي على تصديق من رئيس لجنة تطبيع الهلال الذي تكفل بقيمة اجرة ملعب الهلال من (جيبه) بسبب قرار المجلس الملزم. الجاكومي بهذا (العبط) يطالب من الهلال سداد (500) الف دولار قيمة ما اصاب استاد المريخ سنة 2009م.
• نوع ديل بجيبوهم لينا من وين؟
• بطلعوا لينا من وين ديل؟
• نطلع فاصل؟
• خطابات الجاكومي وتوسلاته من اجل ان يلعب المريخ في استاد الهلال الذي لعب فيه المريخ مبارياته الافريقية (مجانا) في الموسم قبل الماضي موجودة.
• قاعدة ويمكن ان نرجع ليها.
• وكراسي استاد الهلال التى حطمتها جماهير المريخ موجودة (صورة وصوت).
• استاد المريخ الذي تكفلت بصيانته حكومة الانقاذ التى كان يتكفل جهاز امنها ومخابراته بتسجيلات المريخ في الوقت الذي كانت تسدد فيه حكومة ولاية الخرطوم شهريا 3 مليار جنيه للمريخ عاوز الهلال حسب (فراغات) الرئيس المناوب كما يطلق على نفسه ان يدفع لهم الهلال 500 الف دولار.
• قلع عديل كدا.
• اضبط 9 طويلة.
• حالة تعدي وخطف واضحة.
• دي (عبطة) شنو الوقعنا فيها دي؟
• احسن نطلع فاصل للضحك ونرجع نواصل.
• طبعا ناس المريخ وجدوا الاتحاد العام ..اتحاد معتصم وأسامة وحلفا والشاعر ومتعصب عبدالسلام (لبانة) في ايدهم.
• او (لقيمات) في صينيتهم.
• عاوزين يطلعوا لينا تاني …ونحن نملك القدرة على ارجاعهم الى جحورهم كما حدث سابقا.
• الكيزان رجعوا.
• تساهل الاتحاد مع المريخ ومساعدتهم له …جعلهم يبلغوا مرحلة ان يطلبوا من الهلال سداد 500 الف دولار.
• والله الكلام دا في (عرس الزين) ما قاعد يحصل.
• لكن اتحاد الشاعر وحلفا ومتصعب عبدالسلام ..اتوقعوا منه أي شيء.
• الاتحاد العام سمح للمريخ باللائحة ان يلعب الدورة الاولى كلها بكشف يضم (41) لاعبا دون كل الاندية.
• ويا ريت لو عملوا حاجة بعد كدا.
• بـ (41) لاعبا ..برضو لم يتجاوزوا الوصافة.
• المكر السيئ دائما يحيق بأهله.
• الاتحاد العام قام بتأجيل الدوري الممتاز ثلاث اسابيع ..عشان المريخ عنده عناصر مصابة ..وعشان الفريق تعادل في ثلاث مباريات في الدوري على التوالي ..وعشان مدرب المريخ الجديد عاوز ليه وقت عشان يتعرف على اللاعبين.
• قاموا قالوا نعمل المنتخب الوطني شماعة.
• منتخب البرهان ومحسن سيد تحت الخدمة.
• المنتخب الوطني في فترة البرهان ومحسن سيد اصبح (غرفة تسجيلات) المريخ.
• المنتخب الوطني اصبح في فترة برهان تية ومحسن سيد (محطة) عبور للدخول الى كشوفات فريق المريخ.
• المنتخب الوطني جواز مرور للدخول لكشوفات المريخ.
• أي لاعب عاوز يسجله المريخ يتم اختياره في المنتخب الوطني.
• تتخيلوا حتى مشاكل احمد بيتر وأزماته القانونية عاوزين يحلوها للمريخ عن طريق البرهان ومحسن سيد.
• عاوزين يحلوها بالمنتخب الوطني.
• قاصدين يصفّروا (جواز) احمد بيتر عن طريق المنتخب الوطني.
• احمد بيتر الذي لن يشارك في الـ 6 شهور الاخيرة إلّا في مباراة واحدة .. اختاروه للمنتخب.
• الفضيحة التانية …والتى لم تجد صحيفة (الصدى) حرجا في الاعلان عنها ..هي تحرك الايادي الحمراء في اللجنة المنظمة لحرمان الهلال من ملعبه …ليلعب الهلال مبارياته في الممتاز في جبل اولياء.
• فريق المريخ الذي لعب في القاهرة في ملعب الاهلي المصري ملعب (السلام) بسبب الحوافز والاتفاق غير الاخلاقي الذي تم بين المريخ والأهلي يعمل من اجل ان لا يلعب الهلال في ملعبه.
• تتخيلوا المعيار في ذلك شنو؟
• المعيار في ذلك ان ملعب الهلال جيد ..وان الهلال يمكن ان يحقق انتصارات عريضة اذا لعب في ملعبه لذلك . من اجل عرقلة الهلال يجب ان يلعب الهلال خارج ملعبه.
• الفراخ لا تفكر بهذا المنطق.
• يحرم الاتحاد الدولي والاتحادات القارية وحتى الاتحادات المحلية الاندية من ان تلعب في ملاعبها اذا كانت تلك الملاعب غير جيدة وغير مؤهلة لاستقبال المباريات.
• في السودان الاتحاد العام عاوز يمنع الهلال من ملعبه بإيعاز من المريخ لأن ملعب الهلال (ممتاز).
• الاتحاد السوداني يشجع على الملاعب السيئة ويحفّز على اللعب فيها.
• الجودة سببا للحرمان من ملعبك ..عكس ما يحدث في كل انحاء العالم.
• يعني عشان الهلال يلعب في ملعبه ..لا بد ان يكون ملعب الهلال سيء وأرضيته محفورة وان يكون عشبه عشب (صناعي).
• دا فهم شنو دا؟
• الشياطين لا يمكن ان تفكر بهذه الطريقة التى يفكرون بها.
• مع ذلك نقول ان مثل هذه الامور يحب ان لا تفقد الهلال تركيزه ..الهلال قادر على تجاوز كل الصعاب والتغلب عليها.
• عندما ابعدوا الهلال من ملعبه ليلعب عصرا في ملعب كوبر انتصر الهلال بسبعة اهداف وقدمت الفرقة الزرقاء اجمل عروضها. هكذا نريد ان يكون رد الهلال.
• لا تجعلوا الهلال يفقد تركيزه .. مثل هذه الامور المقصود بها تشتيت جهود الهلال.
• الدوري يا هلال.
• في الجوهرة الزرقاء .. في كوبر.. في جبل اولياء ..في الجن الاحمر ..الهلال بغلب سبعة ان شاءالله.
• الدوري يا هلال.
• نطلع فاصل وإلّا نواصل.
• ……………
متاريس
• سوف نكتب عن رزنامة الموسم القادم ..حتى تتضح الرؤية للجميع.
• الهلال يجب ان يجهز للموسم الافريقي القادم منذ الآن.
• التسجيلات .. وفترة الراحة ..والمعسكرات.
• نريد ان يدخل الهلال للموسم القادم وهو اكثر تنظيما.
• الجميل والرائع هو ان تكتمل الجمعية العمومية للهلال.
• رغم انهم ارادوا ان يضروا الهلال لكن فترة توقف الدوري جاءت في مصلحة الهلال .. حيث تجري الجمعية العمومية في فترة توقف الدوري الممتاز.
• كله خير.
• تعاملوا مع كل الاشياء بهدوء وبدون انفعال.
• الدوري يا هلال.
• كلما اتسع الفارق بين الهلال والوصيف ..كان ذلك من دواع السلامة والروعة والإبداع.
• 9 طويلة دخلت الملاعب.
• الجهاز الفني للهلال بعد الضغط والعمل المتواصل كان في حاجة الى هذه الراحة والعودة الى بلادهم.
• كذلك ينتظر ان يرجع محترفو الهلال وهم اكثر اشراقا وعطاء.
• أي حاجة خير.
• فريق لعب بكشف فيه (41) بسبب لائحة (متعصب) عبدالسلام ولم يحقق غير الوصافة.
• فريق الامل عطبرة اشتكى الهلال في المحترف الرابع ..ولم يشتك المريخ في في (41) لاعبا.
• دا منطق شنو؟
• ادارة الامل يبدو انها ادارة تابعة ايضا لـ (حديقة الموردة).
• الامل بهذه الادارة يمكن ان يهبط.
• تذكروا هذا الكلام.
• الله يرحم جمال حسن سعيد.
• افتقد الامل الاداري المحنك محمد السر.
• لا خوف على الهلال.
• مثل هذه الاشياء تزيد الهلال قوة ورفعة ومنعة.
• ………..
• ترس اخير : نحن تاني ان شاءالله ما بنقيف في كوبر او في القصر.
أدرشهم يا ود عبد الماجد درشهم الجن، أدرش الحلامبشة الملاعين ربائب الفلول آكلي مال الشعب….. درشك للحلامبشة بيمتعنا ويحرق فشفاشهم !!
أقل ما يقال عن هذا المقال أنه يصلح أن يدرس لناس لأرباب الشتائم الساعين بين الناس بالفتنة وصبيانهم المغفلين ومن خلفهم جميعا ناس صاج اللقيمات !!
الهلال معاكم يا ود عبد الماجد في أيدي أمينة ولا خوف عليه، ولا يحيق المكر السيئ إلا بأهله، صدق الله العظيم.
أديلهم يا ود عبد الماجد وما تخلي ليهم جنبة ينوموا عليها !!
الله إكبر عليهم….
ههههه دايرين تلعبو كل المبارايات ف ملعبكم وتفوزو صاح مافي تلعبو في كوبر في الجبل زي المريخ وفي الحر وبعدين نشوف ومحمد عبد الماجد دا قصاد مزمل مايقدر يعمل حاجة هو عارف الكلام دا قصاد مزمل تلميذ يادوبك وبعدين كتاباتو كلها عن المريخ مافي حاجة مفيدة للقاري ياخ اتعلم من مزمل اتكلم يوم عن حاجة نفيد فريقك اترك المريخ في حالو المريخ ضاربك ثلاث سنين علي التوالي رغم المشاكل المعلومة لللكل يعني المريخ دا لو استقر اداريا ممكن عشره سنوات نشيل الممتاز ركز في ورقك احسن لك
وعندك وتحد صحن فول وصلحو
اتكلم فى صلب الموضوع بدل اللت والعجن
كسرت استاد المريخ تدفع ان شاء الله بعد 10 سنة – جمهور المريخ كسر استادك تمشى تطالب بى حقك (انتهينا)
قلت 41 لاعب مزمل قاليك 32 لاعب شاركوا – مغالط اثبت العكس وبالاسماء –
الخلاصة – معظم كتاب الهلال ( رغى وردحى فى الفاضي )