* احمد بانقا ده ما اخو حوش بانقا
* اسم علي اسم ساي
* احمد بانقا لابضرب بوري ولا ساكن كافوري
* لكن بكره الدافوري
* اها
* احمد بانقا ده هلالابي كبييييير
* قدرو كده
* هلالابي متعصب
* لكن كتر عليهو
* مكنة القوة المالية الضاربة
* ومكنة الافتتاح يوم حداشر حداشر
* ومكنة سجلنا الاحسن من ميسي
* كل المكنات دي ما قسمت عند احمد بانقا
* ولان احمد بانقا بكره الدافوري
* قرر ترك ناس الدافوري والانتماء لبطل الدوري وسكنة كافوري وضرب البوري
* احمد بانقا رسل لي رسالة يعلن فيها ايمانه التام و الكامل وانتمائه للزعيم
* يقول احمد بانقا في رسالته
* صبرنا علي هلال فطومة الكتير
* وصبرنا فاق صبر ايوب
* انا شخصيا بحب متعة الكرة وبحب الصحه والعافيه
* من الآن اخوتي الهلالاب الاوفياء انا مريخابي ومريخابي متعصب كمان
* مالي ومال وجع الراس
*اخي الهلالابي تعال ومعك آخرين الي حيث المتعه الي حيث الروعة الي الانتعاش
* عجوبة خربت سوبا
* واذا واصلت في تشجيع الهلال حا اكون مريض سكري وعضو في جمعية مرضي الضغط ومؤسس لرابطة الاسهالات المائية السودانية و صديق للصداع النصفي
* اخوكم المهتدي المريخابي المتعصب احمد بانقا
* غايتو جنس غايتو
* بشششششششتنه
* اها
* امس السلاطين حافظوا علي سجلهم خالي من الهزائم علي ارضهم في مواجهة الزنطور
* ولو ابراهيما خت الرحمن في قلبو
* صدقوني كان طارق المعتصم غشي شداد جاب لينا الكاس وجا
* علي الاقل نقفل بيهو سيرة كاس السد وتمنو نازل في الميزانية ولا لأ
* الاندية الكبيرة ممكن تبيع لاعب مهم جدا اذا مرت بضائقه
* خليهو كاس
* ولانها اندية كبيرة بالطبع بظهر تمن البيع في ميزانية النادي كايراد
* وذلك لانها اندية كبيرة
* دي ما المشكله
* المشكلة الحصل امس ده
* كورة صفر
* اخلاق صفر
* نتيجة صفر صفر
* والله الهلال بقي مليار بس
* كلو اصفار
* دي حكاية احمد بانقا
* اما قصة حيدر اب ستة فغريبه جدا
* اب سته هلالابي قدييييم
* عرف الهلال من زمن بجيب الكورة من ورا الشبكة
* لما الهلال سجل اب سته
* اب سته الهلالابي قال لي اصغر اب سته في البلد دي انا
* وعمري الآن تسعه وخمسين سنة
* ده سجلوهوا ليه
* قلت ليهو يمكن كردنه بعد يتم الفرجه علي ركبة جابسون بكون داير يتفرج علي كالسيوم اب سته
* باقي اب سته شدة ما عندو كالسيوم
* اصبعو الصغير فيهو شق تسعه شهور ما جبر
* ايها الناس
* مهما كان الاهله الشرفاء ديل اخواننا
* ولذا تجب علينا نصيحتهم
* العلاج ياروشا ويافطومة وياشجرابي وياقسم خالد ويا خالدونا ويا محمد عبد الماجد ويارمضان ويا صديقي محمد الامين
* العلاااااااج
* وقبلكم وحدكم مرضكم خطير
* العلاج الناجع هو الحل
* والعلاج الناجع هو الكي
* تاخدوا ليكم تشتين تلاته وباذن الله تصبحوا طيبين
* لما تتشوا ماتكوركوا تضحكوا الناس فيكم
* اكلوها غميتي
* ايها الناس
* هتفت جماهير السلاطين بالامس
* الليق الليق يا
* يا شنو ما سمعت كويس
* قلت يمكن يا عواجيز
* اسلام قالت لي ما قالوا يا عواجيز
* عواجيز في الميدان امس غير كاريكا وبشه مافي زول
* قلت ليها طيب قالوا يا شنو ?
* قالت لي قالوا الليق الليق يا خوازيق
* قلت ليها امس غير كابو الخازوق منو ?
* قالت لي امس الماخازوق منو بس وريني ??
* قالت لي الخوف ما يكونوا قالوا الليق الليق يا خوازيق
* قلت ليها يعني حايكونوا قالوا الليق الليق يا لواييق ???
* اها
* نرجع لي حكاية احمد بانقا
* قلت ليهو يا احمد القلب بحدث سيدو كتييير قبل اكتمال الهداية
* بتتذكر لحظة الهدايه يا احمد ?
* قال لي لما كانت ماشه بنمره اربعة ومامادو خته ليها الخلف بدون ماتتكسر التروس
* ده اللحظة بتاعت هدايتي الكاملة
* الحمد لله
* ايها الناس
* واحد قال لي الكورة انتهت والحكم جاطها عشان يعيدوها
* قلت ليهو ما للدرجة دي
* لكن لو عادوها في مصلحة السلاطين
* بضمنوا التلاته نقاط
* ايها الناس
* الجوهرة ماتم افتتاحها يوم حداشر حداشر لكن كان حضورا التعادل رقم حداشر
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* جاتنا موية في الراس ماشكينا
* جاتنا موية في الرئة ما ابينا
* جاتنا موية في العيون سالت علينا
* جاتنا موية في الركب اصطكت كرعينا
* ده كلو ما سألنا يا والينا
* لكن حكاية الموية السطحية الانفقعت فينا دي البتودينا يا والينا
سلك كهربا
ننساك كيف والكلب قال بالموية السطحية ممكن تكون نايم تلقي جمبك سمكة… يجيبوا ليها الزيت من وين دي كمان !!!!
والي لقاء
سلك
ياخ انت مبالغة يا سلكوني هههههههههههههههههههههههههههههههههههههههههههه احييك … بس ركزوا لينا مع اهلي الخرطوم ….عشان نحم الموضوع دة بدري بدري .. بإذن الله تعالى