خلاف عبد الصمد مع عنكبة يطيح باللاعب من تشكيلة المريخ أمام الرهيب
تسبب الخلاف الذي نشب بين محمد عبد المنعم عنكبة مهاجم المريخ مع عبد الصمدمحمد عثمان رئيس القطاع الرياضي بالنادي في إبعاد اللاعب عن التشكيلة الرئيسية لمباراة الفريق أمام مريخ كوستي غداً في الجولة الأولى من الدورة الثانية للممتاز، وتفيد متابعات كورة سودانية أن خلافاً نشب بين عبد الصمد وعنكبة الأمر الذي ادى لأن يتحدث عبد الصمد مع اللاعب بحدة وقال له إنه لن يصرف له مرتبه الشهري ليرد عنكبة بقوة على عبد الصمد ويقول له إنه لا يعمل في مدارس الخرطوم العالمية التي يملكها عبد الصمد محمد عثمان، وتفيد متابعات كورة سودانية أن عبد الصمد طلب من برهان تية المديرالفني للأحمر إبعاد اللاعب من التشكيلة الأساسية للفريق في مباراة الغد أمام مريخ كوستي.
عنكبة عندو الف حق هو ما شغال استاذ في مدارس عبد الصمد المفتري هو لاعب في المريخ يقدم مجهودات نظير مرتب
أقعدوا قضوها خلافات ومناقرات كدة لحدي مايفضل ليكم في الفريق 3 لاعبين، وتقوموا تتموا الفريق من لجنة ال 29 ….!!!
عبد الصمد شكلو عاوز يفرتق تيم المرخرخ !!
زيدهم يارب وولعها عندهم زيادة !!
شيبولا بالغ لكين..ههههههههههههههههه
بالمناسبة، عاطف بتاع الغزالة واو حولتوا ليهو ال 20 ألف دولار ولا عاوزين كردنة يببحوا ليكم ويلحقوا أخوهو شيبوب؟
ده شنو اسي الفوضى دي مهما يكون فريق كبير وقمة تحدث فيهو الشخصنة للامور كانو بدفع راتب من جيبو
وحتى لو كان بيدفع من جيبو هو ما طالب منو صدقة
وين كتاب المريخ يلحقوا هذا الوضع المتردي بدل شاغلين نفسهم باوهام التحكيم والكلام الفاضي