دكتور محمد سيف يوضح الحقائق عبر (كورة سودانية).. الفنانيين الشباب غير منتظمين في الحضور .. واحمد الصادق ما بجي نهائي.

 طه سليمان ليس عضواً في الإتحاد وهو لم يكمل إجراءات العضوية. •

 انا لم اسمع بحمادة بت وهو ليس عضواً في الإتحاد. •

 اتحدي أي زول يجي وما يلقاني قاعد بعد إتنين

كورة سودانية:ايمن عبدالله

 مقدمة: جالسنا بكل هدوء وترحاب؛ وتكلم بترتيب كنظام مكتبه المرتب الوثير؛ الرجل برغم اننا اثقلنا عليه جداً في اسئلتنا واطلنا الحوار إلا انه صبر علينا ووكان غاية ً في التأدب والإحترام وهو يرد على كل الإتهامات. الدكتور محمد سيف الدين عميد كلية الموسيقى والدراما ورئيس إتحاد المهن الموسيقية باغتناه في مكتبه وفتحنا النار عليه حول ما يدور في الساحة الفنية ودور الإتحاد وغيابه عن الساحة .. فأجاب .. – عدد المنتسبين لإتحاد المن الموسيقية ..؟ : عضوية الاتحاد مابين 400 و500 .. طبعا العضوية الفعلية زي 200 ديل الممارسين أو العضوية الفاعلة لأن غالبيتهمن كبار السن ومنهم من ترك الغناء لكنهم متواصلون مع الإتحاد ويشاركون في المناسبات العامة والخاصة. – المغنين الشباب : هو زاتو مصطلح فيهو الكتير من الاراء هل تقصد الصغار عمراً قاطعته .. نعم الصغار عمراً وتجربة مقارنة بالمكبار .. اعني من هم في جيل أحمد الصادق وطه سليمان واقرانهم .. فواصل حديثه بإبتسامة قائلاً : : ناس أحمد الصادق وشكر الله وحسين وطه ومحمد حسن حاج الخضر .. ديل كلهم معانا في الإتحاد فهيمة كل الناس ديل اعضاء بس عندهم إشكالية. قاطعته للمرة الثانية وبسرعة سألت .. مشكلتهم شنو..؟ هم كلهم فنانين عندهم تجربة وموسيقاهم الخاصة ؛والأهم من دا كلو هم ما مغنيين ساي بل فنانين بمعنى الكلمة لان هسي عدد الناس البغنوا بقى كتير وإذا الزول ما مميز وعندوا المقدرة والصوت ما بقدر يقيف وسط الكم الكبير ده .. – لم تخبرنا بالمشكل حتى الآن ..؟ : هم غالبهم طبعاً يابدوا من منازلهم يا من مركز أو من الجامعة . وبعدين المشوار الواحد يقول ليك ساكن في الخرطوم والتاني يقول ليك انا في الكلاكلة؛ وبالتالي علاقتهم بالإتحاد شوية ضعيفة . – كيف يعني .. قصدك إنهم ما بوفوا بألتزاماتهم تجاه الإتحاد ..؟ : هم بس بجوا عشان يعملوا بروفة اوالبجيك مرة في الاسبوع البتلاقي مرة بالنهار؛وهم لديهم مدير إرتباطات والإتفاقات قعد تحصل بالتلفونات ودي من المحاذيرلانو دي مؤسسة والحماية ونحن شايفين القضايا البتحصل؛ وطبعاً نحن عندنا مدير إرتباطات مسئول عن كل التعاقدات بصورة قانونية وبعقود موثقة.. وعلاقتهم بالإتحاد بجوا لكن في الغالب تقريباً من من المنتظمين بالحضور .. فهيمة .. شكر الله قعد يجي .. لكن أحمد الصادق ده ما قعد يجي نهائي. قاطعته .. طه سليمان .. رد بوضوح حازم: لا لا طه سليمان ما بجينا .. رغم إنو بنلاقيهو وانا إن شاء الله .. وبعمل برفاتو لكن ما جاء كمل الإجراءات .. وكل زول حسب فهموا. – ماهي شروط الحصول على رخصة التغني وأمتهان العناء في السودان لدى مجلس المهن الموسيقية ..؟ : الجانب بتاع الصوت وأختيار الاعمال الغنائية المقنعة وإجازة الصوت وعندك وجمهور .. وهم بطالبوك بالضرورة تنتمي لاحد الجهات .. وعندك ناس الطمبور .. إتحاد فن الغناء الشعبي. – غياب القيود ربما تؤثر على نوعية الغناء كحالة ظهور الغناء الجارح والهابط ..؟ : كدي خلينا نشوف كل الدول من حولنا .. بنجد كل العالم بحتفل في مناسباتو بطريقة جماعية في أوربا والعالم العربي .. وافريقيا كل المكان بكون مشارك في الحفل والحضور كلو.كما في كل الفنون الشعبية .. وها لا يترك مجالاً لغناء هابط أو كلام جارح الشئ الجديد الدخل ويمكن يكون جانا من مصر وده بإعتباروا إجتهاد شخصي .. والإجتهاد لا يمكن باي حال إعتباروا مرجع علمي .. وهو إنو اصبح الناس يجلسون ويستمعون لمغني واحد وهو يتحكم في بما يقدم في الحفل وبالتالي يتحكم في أدواق الناس ويمكنه أن يصدر مجموعة كلمات قد تكون جارحة او خادشة ودلك لان العمل الفني يخرج على دوق وفهم المغني؛ وعادة هدا المغني يكون لديه مستشارون وهدا ما كان يحدث في الحالة المصرية (ام كلثوم وعبد الحليم حافظ) وعادة ما يكون هولاء المستشارون من المقربين للمغني أو اصدقائه ويكون مستواهم الفكري متقارب فيكون المنتوج شبيه بالإستشارات التي تقدم. وهسي انا اديك مثال بسيط في زول إسمو (الجزار) قدم تجربة جميلة وله معجبينو وجمهورو. – في إتهام من المغنين الشباب بأنهم غير مقبولين في ال غتحاد .. وهناك طرد بطرق غير مباشرة ..؟ : لو في زول واحد قال الكلام ده جيبوهو .. واصلو الإتحاد ده قام زول قال ليهم اطلعوا برة .. ده كان زمان قبل عشرة خمستاشر سنة لكن هسي الهواء مفتوح ومافي طريقة للمضايقات. وهسي كل الفنانيين الشباب عندهم علاقة بالإتحاد أو بأعضاء الإتحاد. – هناك إتهام آخر عن عدم دعم الإتحاد لعضويتو .. وندلل على دلك بتجربة العازف إيهاب وامثاله..؟ : هذا الكلام غير صحيح ..( ثم طلب عننا التوقف عن التسجيل لأن الحالات الإنسانية وتبدأ تتناقلوها كصحفيين بكرة وبعد بكرة وتبقى موضوع). – ماذا قولك عن الإتهام أن الإتحاد بعيد عن الساحة الفنية ولا يلعب اي دور رقابي؟ : منو القرر الكلام ده .. المجلس الاعلى للفنون هو المسئول ونحن لا نمثل اي دور رقابي .. قاطعناه .. ألا تشكل مرجع لها .. للمجلس الاعلى ..؟ : لا ليس بالضرورة .. وحتى اللجنة التي تمنح الرخص يتم إختيارها من المختصين والاكاديمين بعيداً عن إتحاد المهن الموسيقية ..وبالتالي نحن لا نملك حق منع اي شخص من الغناء .. وكثير من المراكز والإتحادات تعطيك بطاقة عضوية وهي بالتاكيد تلعب نفس الدور الذي يلعبه الإتحاد في الموسيقى .. لكنا لا نستطيع ان نلزمهم بذات لوائح العمل التي يعمل بها إتحاد المهن الموسيقية. نحن من قدمنا لمجلس الوزراء مطالتنا بضروروة تكوين جسم يعمل على حماية الموسيقى والغناء ومجلس الوزراء طلب مننا ان يكون عندنا مجلس اعلى للفنون التمثيلية والموسيقية ذو صلة برئاسة الجمهورية مباشرة. ونحن ما عندنا دخل كبير عشان يقوم بدور رقابي .. نحن كل البناخدو من العداد 2% فقط .. يعني قرابة الإتنين جنيه من المليون. – لماذا لا يوفر الإتحاد مداخيل أخرى من خلال إقامة حفلات جماهيرية للفنانيين وبالتالي يكون لديه القدرة المالية التي تمكنه من القيام بدجوره الرقابي ..؟ : الكلام ده جميل .. بس هسي بحصل .. ياخ الجهات اصبحت كتيرة .. مثلاً وزارة الثقافة تقيم حفلات وهناك شركات خاصة تنظم حفلات وتجد في مناطق عدد كبير من الحفلات. قاطعته .. طيب ده ما دوركم يادكتور ..؟ فاجاب بحدة .. دورنا لكين الداير يسمعنا منو .. الصحفي عندو راي المستمع عندو راي الفنان الشاب عندو راي .. اي زول يقول براهو .. ونحن الفنانيين الشباب ديل اجتمعنا بيهم كذا مرة واتواثقنا وجماعة منهم بكوا وخلاص اتفقنا .. لكين في ارض الواقع. – انتم مقتنعون بان دوركم رسالي ومن اقدس واجباتكم حماية الفن الغنائي السوداني .. هل يرضيكم أن يكون هناك مغني زي (حمادة بت) ..وكل (الحمادات )النسخ الأخرى منه .. وهل عضو معكم في الإتحاد..؟ : ده منو ده هو أقسم لك بالله إني ما بعرفو.. هو في زول بغني إسمو كده .. والله ما بعرفو ولا سمعت بيهو إلا منك هسي.. بغني بقول شنو ده. قاطعته .. في زول زي ده بمارس وعندو رخصة .. فارتفعت حدة الكلام وقال : لو في زول زي ده بغني يبقى نتاج المجتمع ونتاج الصحافة ونتاج الجهات البتعرف تجيبو .. انا ما بعرفو. – إنتاجه موجود .. من الذي منحه رخصة هو وامثاله للتغني ..؟ : انا عضو في إتحاد المهن الموسيقية ورئيس إتحاد المهن وعضو في مجلس المهن الموسيقية لكن انا شخصياً لست عضو في لجنة الأختيار.. ولا أمنح احد رخصة الغناء. لذلك لست مسئول عمن منحهم رخصة التغني .. وهل يعقل إنو الإتحاد والا المجلس والا الحكومة بى وزراءها كلهم يمنعوا ممارسة موجودة في المجتمع. قاطعته .. – لاعندهم رخصة لمزاولة مهنة الغناء ؟ : لا لا انا ما بعرفهم الناس ديل ..ولا هم أعضاء في الإتحاد. – ماهو موقف الإتحاد من ظاهرة الحمادات ..؟ : لا لم اسمع بهم ولا كل الإتحاد تسمع بهم ولا نريدهم .. يعني انا بقول ليك موافق ما منطقي اني ارفض.. والفنون قعد تدور في رإطار الخير والحب والجمال .. واي حاجة غير كده بتكون ما مقبولة. – هذه الدورة في الإتحاد من أفقر الدورات من ناحية المنجزات ..؟ : أول حاجة نحن ورثنا دورة في وكت شوية صعب .. في زمن المجتمع السوداني كلو .. التطور الحاصل يحدث في مجتمعات أخرى .. نحن عندنا برامج ثقافية تقدم وبرامج موسيقية وغنائية في القنوات والإذاعات والمسارح.عندنا اربعة غرف للبروفان وعندنا بروفات طوااالي شغالة ودورات موسيقية؛ ضف إلى ذلك كل المشاراكات في المناسبات الرسمية التي يقوم بها فنانون. – هناك إتهام يتحدث غياب الرئيس عن كل المناسبات الرسمية .. ولا تظهر إلا في المناسبات التي تخص وزارة الثقافة ..؟ : انا لا اتغيب .. ولكن يصادف ان تكون هناك أربع دعوات في وقت واحد لا تستطيع أن تذهب لا واحدة. – يقال غنك غير موافق على التكريمات الاخيرة ( إبن البادية – ود الأمين – البلابل) لذا لم تكن موجوداً فيها ..؟ : كل التكاريم انا كنت قاعد .. بس ما قعدت قدام مع الوزراء .. لكين تكريم البلابل مافي زول جاب لي دعوة .. ياخ جيب لي دعوة عشان انا أجيك لكن غنت ما تدعوني ما بجيك .. لكن يقولو لي عايزين نكرم زميل ليك انا ما اقبل لا يمكن .. بل افرح له بالتاكيد. – إنت رجل مشغولياتك كثيرة ولا وقت لديك للغتحاد ..؟ : انا بجي هنا الساعة سبعة صباحاً وبقعد هنا لحدي الساعة إتنثن ومن الساعة إتنين لحدي الساعة تمنية ليلاً في مباني الإتحاد .. واتحدا اي زول جاء في الوكت ده وما لقاني قاعد طوال الخمستاشر سنة الاخيرة دي .. اتحدا أي زول. أنا أشكر لكم الحضور لإستبانة الحقائق .. ونتمنى أن يحدو بقية الصحفيين حدوكم في معرفة المعلومة واستقائها من مصادرها الحقيقية.