ركلات الترجيح تبتسم لهلال التبلدي وتقوده لتأهل تاريخي على حساب المريخ

هههههههههه التبلدي التبلدي التبلدي…….!!
الليلة تعالوا شوفوا النواح والبكاء والعويل والسكليبة، عمنا أبوشيبة حاينط لينا ويقول إتنين من ضربات جزاء هلال التبلدي مفروض يعيدوهن، وفي الحالة دي ربما ضاعتا أو قام جمال سالم “الراكوبة” بصدهن، وبالتالي كانت النتيجة ستكون 3\1 لصالح المرخرخ….!! كما أن هنالك ضربتي جزاء تغاضي الحكم عن إحتسابهم، ولو تم احتسابهن لتغيرت النتيجة، وحايفك لينا كضبة كعوايدة ويقول نصحنا الجهاز الفني مرات عديدة بأن يقوم بتجهيز اللاعبين وتمرينهم علي أداء ضربات الجزاء ……..وطبعاً خلاصة المقال كووووولها إنو حكام صلاح بترصدوا المرخرخ، وحايرجع لينا لنهائي كاس السودان سنة 36 و52 و 77 و88 وووووو……ياويلكم ياحكام صلاح الليلة !!
أما عمو سمعة فلو ماعمل الغضروف قايم عليهو وزاغ، حايقول ليكم إنو أعظم اللاعبين في العالم يضيعون ضربات الجزاء وحايقعد يعدد في الأمثلة فلان وفلان وفلان و……..لاحول ولاقوة إلا بالله !!
أما كبكبة فحايقوم صوف وحايختفي ويتواري عن الأنظار ويرجع بعد إسبوع بعمود عن فنانات رفاعة ودورهم في النهضة الأدبية بولاية الجزيرة……!!
باقي الجماعة من بتاع فطيس مروراً بالولد البيقلد الأستاذ المرشدي (قالوا من أب جلفة) وعمنا بتاع وتبقي البتاع في البتاع داك وصولاً إلي أبووائل حايمشوا حسب الموجة، بمعني الكتبوهوا ناس المرشد وعمو أبوشيبة هو حايكون موضوع مقالاتهم…….!!
سلكلك حايواصل في عموده بالعنوان اللقطوهوا من تونس وماحايفكه، لأنو عدم وجود موضوع بيخليهوا يمسك في الشغلانة دي عشان يحلل عموده، إذا كان شايف عمو أبوشيبة عائش علي موضوع الحكام (بتاع الفلاش) وماكل بيهو عيش، فمافي داعي هو يجتهد ويكتب ليهو موضوع من رويسه الكدوية……!!
أجمل شخصية هي أبو المستعار، من أمبارح بالليل بكون مانام والسكري والضغط جننوهوا جن، حايم بشخصية مستعارة (هلالابية) وبيعلق عشان يملأ وقت فراغه بس، نتوقعه يحتجب اليوم ويطلع يوم الخميس ويلقط وينقل خلاصة أعمدة كتاب المرخرخ ويجيبها لينا عبارات درابية غير متماشية مع عنوان المقال كعادته……!!
الليلة الأستاذ المرشدي حايطلع ليهم بجرعة مخدر جديدة، ويقول ليهم عندنا شكوي في اللاعب الفلاني وهي شكوي مضمونة ، ويعشمهم ليك وباقي المخدرين طوالي في ضنبه……!!
البتاع الطوالي طبعاً ما حايضيف جديد، حايقول ليهم نفس كلامه بتاع ال 14 سنة الفاتوا، علي الجميع تناسي خسارة لقبي كأس السودان والدوري الممتاز والعمل من أجل الموسم الجديد، ونحنا لدينا رؤية جديدة للموسم القادم وسنقوم بتسجيل نجوم يصنعون الفارق (كووووولهم عنبلوكات)، حتي يقودوا المرخرخ لمنصات التتويج بالبطولتين العربية والأفريقية (طبعاً دي هي الوهمة والمخدر الكبير، والجماعة في اللحظة دي بكونوا إستمخوا واستسلموا للمخدر) و……..عليهو العوض ومنه العوض…….!!
وصيفي وكتين يتردم الدنيا ياناس تنقسم
لكمة أخيرة: المرخرخ يطالب بتجميد مباراة نهائي الكأس حتي البت في موضوع شكوي شيبوب هارد وقاطع الفشفاش والقلوب…….تلهي ههههههههي هاي هاااي هاااااااااااااااااااااااي