روح المريخ مقالات كورة في فبراير 9, 2020 16 مشاركة المقال في السلك بابكر سلكروح المريخ بسم الله الرحمن الرحيم*بالامس كانت اللمة عند تيري*كرامة وسلامة*ضمت لاعبين وادارة كرة وجهاز فني*اقطاب ومحبين*اصدقاء واهل*رؤساء روابط تشجيعية*وشخصي الضعيف*لانه المريخ*التقت القلوب صافية*ولانه المريخ*لم يكن الوجع وجع تيري وحده*لذا كان الفرح فرح الجميع*حتي ريشموند غير المقيم*كان حضورا انيقا*ايها الناس*المريخ يحتاج لمتنا*كفاية فرقة وشتات*والكيمان*تسقط تسقط تسقط بس*وبمناسبة تسقط بس*لعل شعارنا حينما كان تسقط بس*كان الطموح كذلك*تسقط وبس*بعد تسقط يحصل شنو مامهم*لانو الحاصل بقول كده*نفس المعاناة بل اكثر*ولا خطط ملموسة*تخبط وتناقض في المواقف*شعارات والنتيجة هلال اقصد النتيجة صفر*والثورة تحتاج لمن يحميها*وقرار الحماية بطلع من صينية الاكل*ولازال المواطن يبحث عن تلك المرحومة التي تدعي صينية الاكل*عزيزي الحبيب وحبيبي العزيز حمدوك*ليست كل الحلول بالخارج*هناك حلول داخلية مفيدة*واللجوء اليها ضرورة ملحة*نتمني الالتفات اليها لانو المواطن اضحي اقرب للموت من الحياة*وفي كل الاحوال لانحب ان نغير تعبيرنا شكرا حمدوك*ولكن نخاف ان يصبح*شكرا حمدوك الفيك اتعرفت*المهم*ايدينا يا ولد ايدينا للبلد*شعار يهمنا ويلمنا ويزيح همنا*الجلباب الحزبي ده ما وقتو*سودانويتنا وحدها هي مايجمعنا ويميزنا وينقذنا مما نحن فيه*واذا كان العرب اهل الفراش غفروا*مافي داعي لينا نشيل وش القباحة ويقولوا علينا كفروا*الزمن زمن مصالح وبس*ومصلحة العباد مقدمة*والعباد ديل هم المواطنين السودانيين*عباد وليس عبيد يا الفلسطيني بتاع الفيس القلتها كده*مصلحتنا وبس طالما يجيز لنا ديننا التعامل والتصاهر مع اهل الكتاب*جالكم كلامي؟؟؟؟؟*ايها الناس*ان تنصروا الله ينصركم*اها*نجي لي شمارات والي الخرتوم*كان شفت يا والينا*جيوبنا بقت زي الجيوب الانفية*طواالي محرجانا وجايبة الحمي ليناسلك كهرباننساك كيف والكلب قال جيوبكم باني فيها العنكبوت وانتوا بانين عليها الآمال….سجم الآمال الحاياكلها العنكبوتوالي لقاءسلك بابكر سلكروح المريخفي السلك 16 مشاركة المقال
