سوداكال واعلام الضلال
المووج الازرق
معتصم محمود
سوداكال واعلام الضلال
تنتهي اليوم المهله التي زعموا ان الفيفا حددتها لتشكيل لجنة تطبيع للمريخ .
لم تتشكل اللجنه المزعومه ولا شئ في الافق .اين الذين زعموا ان شداد تلقى هزيمه ساحقه وان الفيفا حددت اسبوع لتشكيل التطبيع !!الفيفا استمعت لشداد و برقو لانهما تحدثا بالانجليزيه و توابع الاتحاد السابق تحدثوا بالعربيه وضاع حديثهما في اتون الترجمه .الفيفا لم تعد بالتدخل وقالت (القضيه بسيطه والحل في النظام الاساسي للاتحاد السوداني)الماده (17) من النظام الاساسي للاتحاد السوداني تمنع التدخل في شئون الاعضاء .الادعاء بأن شداد تدخل بالهلال ورفض للمريخ كذب صريح .في الهلال رفض كردنه الاستمرار رغم رجاءات الاتحاد وفي المريخ اكد سوداكال رغبته في الاستمرار لحين عقد جمعيه عموميه .إعلام المريخ يخدع الغلابه والبسطاء .سواقه بالخلا .
سوداكال ابدى مرونه وهو يقبل ترقيع مجلسه ، نعم ترقيع وليس تطبيع .وافق سوداكال بدعم مجلسه بعدد من العناصر وفق معايير التناغم والانسجام .ذلك هو الحل الامثل لازمة المريخ والبديل الاسوأ ما اقترحه قريبي محمد حلفا .حلفا اقترح تعليق عضوية المريخ و تجميد نشاطه وقال (هو هو القانون) !!حلفا لم يقل ذلك في ونسه جانبيه او تصريح صحفي بل في اجتماع رسمي لمجلس الاتحاد والمقترح يمثل احد الخيارات المطروحه .حلفا مريخي وكثير من اهل المريخ يوافقونه الرأي ويقولونها بصراحه (ليذهب المريخ إن كان على رأسه سوداكال) !! المريخ يشتعل والهلال في امن وامان ، فبعثته تغادر مساء اليوم للقاهره .سيد البلد الفريق الوحيد في السودان الذي بدأ بعديد التمارين.هلال مكتمل وجهاز فني مقتدر واجهزه المانيه حديثه لا توجد في القاره الا عند الهلالسيد البلد سيعود من القاهره تأهباً لاستحقاقاته القاريه .بالمقابل فشل المران الاول للمريخ بحضور 6 لاعبين فقط وبلا جهاز فني !!إعلام المريخ شغل الاداره عن اداء مهامها فلا اكملت التسجيلات ولا التفتت للفريق .القنصل الذي زعموا طلع ماسوره والدليل عدم اكتمال إي صفقه الى الان .تمبش المسكين محبوس بغرفة المريخ والمطلوب 2 مليار فقط لاكمال الصفقه !!وضاح الذي فضله الهلال علي تمبش كلف الهلال 11 مليار دفعها سوباط من درج السياره ولم يحتاج لفتح خزانة المكتب .وضاح اقل صفقات الهلال تساوي صفقة تمبش 6 مرات وبرغم ذلك يعجز القنصل التايواني عن اتمام الصفقه .ليس تمبش وحده فعجب ، الرشيد ، بخيت ، كردمان ، كل هؤلاء لم تُحسم امورهم الماليه .كافة الشواهد تقول ان المريخ سيخرج من التمهيدي ومحلياً سيخوض اسوأ موسم .معطيات الراهن تقول إن الهلال سيغرد بعيداً ليكون لوحده في القمه مع بون شاااااااااسع مع اقرب الفرق خلفه .انتصارات الهلال ستكون بالستتات والوحدات عفواً و السبعات ستعود مجدداً .هلال سوباط احلى هلال .
بالله عليك هل انت بتدافع عن سودكال حب في المريخ قوم لف ياخي ولا تتدخل في شئون ماعندك دخل فيه وحكاية اللغة ما صار مشكلة في زمن العولمة وماتحاول تضلل القارئ الناس اذكى منك بكتير
لو الهلال سجل كريستانو رونالدو برضو الصفر ملازمكم بالله عليك ورينى واحد من ال18 لاعب الذين سجلهم الهلال ومعاهم رمضان عجب ومحمد الرشيد عملو حاجة او اى انجاز لناديه السابق كلهم مواسير 4 بوصة ونت شكلك بتغرد خارج السرب ولسه مسمار السمانى راكب فى راسك لحين اشعار اخر يا0000000000000000000000000000000000000000000000000000000000000000000 يا كبير
كلامك كله تناقض . وبعدين شنو الكلام بالانجليزي والعربي ياخي احترم قلمك . كتابتك كلها مكررة وكلها سخرية من الاخرين . ماعندك موضوع غير شداد والمريخ
الحاج مهتصم كدى راجع نفسك دايما اسلزبك كان انت فاهم كل شى وغيرك جاهل تاني اسلوب الطعن والسخريه ده حرام وجات فيه احاديث عدييل
عمود الكاتب دا عبارة عن ونسة … ليس الا
صحفي فاكر نعسو هو الوحيد الفاهم لكن العكس صحيح مرضان بالهلال الله يشفيك الظاهر عليك من حسدك وحقدك علي المريخ ح تموت بصفرك ——–قوموا لصفركم الله يهديكم0000000000000
عمك أبو المستعار المندلاوي الشغلانة كترت عليه يا خوانا، يلقاها من قروش سوبطة الحارقة فشفاشة ومطيره النوم من عيونه ولا من نشافة سدوكل المسك الدركسون وقفل البلف هههههههه
يا حاج شوف ليك مصلاية بعد ده وألزم الجابرة، متابعة الهلال سيد البلد أبزرد وأعمدة كتاب الهلال بتوديك التوج، وإنت أصلك باقي عمر وما بتستحمل وجع أكتر من ده، خليك مع مخدر الكاهن الأعظم أليخماو
كدا قولو بسم الله هي وينه قروش السوباط دي .. بخيت خميس مشى الهلال ورجع ما لقى حاجة وكل نجوم التسجيلات السعرهم من 8 وفوق سجلهم المريخ ..ووضاح سجل للهلال بي 5 فقط وأصلا المريخ لم يطلبه وكذلك بقية مواسير تسجبلات الهلال كل 2 بي خمسة مليار وراجعو العقود .. الوحيد الأخذ كتير ولدنا أبوعشرين ولما الخرطوم الوطني طلب 10 في عزام انسحب الهلال ورفض يدفع أكتر من 6 مليار والأمل طلب 7 في تمبش انسحب الهلال ههههوينه قروش الاعلام والشو دي وكل تسجيلات الهلال خلاف أبو عشرين ما كملت 20 مليار ما تخمونا ساي
ههههههه سوباط.يا مدلقنهم