سوداليزابيث
في السلك
بابكر سلك
سوداليزابيث
*المتأمل للمشهد المريخي لاتعوزه المقدرة لادراك الموقف الاداري
*انقسم المريخ انقسامات كثيرة
*كان آخرها الانقسام بين موردة الحديقة وعباسية الشرعية
*واخيرا حدث انقسام كوني جديد وانشطار في موردة الحديقة بين حازم وايمن
*بقت القصة كومين في المجموعة(أ) وكوم في المجموعة(ب)
*والتلاتة ضد بعض
*ويقول انصار حازم أنه استانف قرار لجنة الانتخابات (الودي) حازم الخور وجاب ابي جيبين محلو
*واثقون هم من كسب استئنافهم حسب قولهم
*لان المسألة شابها مايشيب الرأس
*فرئيس لجنة الانتخابات التي اصدرت القرار بانهاء تكليف لجنة حازم وتعيين لجنة ايمن ونائبه اوكتاي
*هو مولانا علي البلولة
*ويقولون ان مولانا البلولة هو محام اوكتاي في بلاغات مابعد الثورة
*وانو الحتة دي فيها(إن)
*ويقول انصار اب جيبين(مافوكا حاجة)
*ونحن ننتظر لنري
*ورانا شنو
*اما الضلع التالت من اضلع الانقسام فهو سوداكال
*ماشغال بي زول الشغلة
*مقتنع تماما بانه الرئيس الشرعي
*وكل الذي يقوم به اصدار بيان مع كل حدث هو ليس طرفا فيه ولا من صناعه
*ايها الناس
*الملوك مالكين الملكة المتحدة من قاموا لجهل الانجليز
*ولما الانجليز دخلهم الوعي تململوا
*وبدأت همهمات الاستهجان تعلو رويدا رويدا من لندن وانت ماشي
*وبدأ التمرد والحرب الضروس
*وصل الانجليز لاتفاق
*تبقي طبقة النبلاء طبقة نبلاء
*ولكن لايديرون الدولة تنفيذيا
*الطبقة المستضعفة تعمل احزاب وبرلمان وتشكل حكومة علي كيفها
*تقرر في البرلمان ماتقرر في شأن الدولة
*ويترفع الامر للملك للمصادقة فقط لا للموافقة
*لانو موافقتو غير مطلوبة
*واستمر الحال لليوم
*والمتأمل لهذا المشهد
*يجد ان سوداكال زي اليزابيث الراحله
*كل ما يفعله اصدار البيانات
*وكل ماتفعله الراحلة اليزابيث هو ان تمهر قرارات الناس بالتوقيعات وبس
*سوداليزابيث
*المريخ لايحتاج لبيانات
*المريخ يحتاج لمواقف واضحة ودولارات جريئة
*يارئيس تخش الميس وتدفع فيز
*يامارئيس تنقطنا بسكاتك
*ايها الناس
*مايدور بين الاخوين ود الشريف ومزمل مابشبه الصفوة ياشفوت
*فضوها سيرة
*ووالله لايجني احدكما الا الندم علي اي اساءة سقطت منه في حق الآخر
*المهم
*لو طلعونا من الماسورة الطلعوا منها القذافي
*مابطلعونا من البطولة ان اردنا تأهلا
*ولو دخلونا في الماسورة الدخلوا فيها القذافي
*نابدخلونا في دوامة الرهبة
*اهلي طرابلس يشوف كونفدراليتو وين
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*تسعة طويلة تاني دورت فينا
*مبرمجة ولاصدفه يا اخينا؟؟؟؟
شمارات الكلب
ننساك كيف والكلب قال الشرطة تقبض موتر والبلد يخشها الف موتر
ياكبرياء المينا
لو غفلنا لاتملت مواتر
والي لقاء
سلك