عندنا المهم والأهم نقفل يوم السبت ملف النفرة عشان نفتح ملف القمة
تغريدة واتساب
بقلم : معاذ ابومؤيد
عندنا المهم والأهم
نقفل يوم السبت ملف النفرة
عشان نفتح ملف القمة
سؤال كبير موجه للجميع
الدعم ماشي وين ولي منو؟؟
وقروبات الواتس اب الهدف منها شنو؟؟؟؟
الهدف الرئيسي شنو من الدعم والنفرات؟؟
دي كلها اسئلة لو تمت الاجابة عليها سنصل للطريق الصحيح
لكن لم يكون البصر عميان والبصيرة يكسوها السواد
لن تستطيع الاجابة الى بما يتلائم مع نفسك واهواها!!!!
والامر من ذلك كلوا ان تحاول استمالة اصحاب القرار لكفتك!!!
مقولة سمعتها كثيرا لايهزم المريخ الا المريخ نفسة
لذلك اعمل فالمستفيد الاول الكيان
العمل فقط من ينجح المريخ الكيان
لكن ناس قالوا وقلنا ستهدم الكيان!!!
خزينة النادي تنادينا
لو دعمنا في اول الشهر او اخرة الفلوس ماشه لنادينا!!
بس المهم والاهم تمشي بنفس راضية بعيد عن الشو الاعلامي والمكاسب الذاتية!!!
••••••••••••••••••••••••••
لن نشغل الادارة بقضايا القروبات
عندها المهم وعندها الاهم
من حضر في اول النفرة او في اخرها
او من سلم دعمة من سكات
الكل سيستلم ايصال ويكون دعم الكيان!!!
لكن الباحث عن الاعلام والشو لاينبسط الا علي فلاشات الكميرات!!!
لكن الصورة لن تخدم الكيان
المال وحدة من يخدم الكيان
عشاق المايكات
والخطب والكلام
لن يستطيعوا تقديم دعمهم من سكات!!!
النفرة وتجميع القروبات عشان الادارة تحس بقيمة الدعم ويكون دعم معتبر يخدم قضية،،،،
النفرة وتجميع القروبات ماعشان تلبس بدلة وتعمل لشخصك اعلام وتعلن نفسك صاحب القضية!!!
الداعمين من خارج السودان لم يبحثوا عن الشهرة الا وكانت احتفالاتهم في السفارات
يبعثون بدعمهم من خلف الكواليس
وهم من اسباب نجاح النفرات
لكن الباحث عن المناصب والخطب الاعلامية لابد من لفت الانتباه!!
الدعم ماشي للكيان
كان دفعت في الخرطوم اومن خارج السودان
اليوم بعض القروبات سلمت دعمها من سكااااات
وغدا مجموعة اخرى ستسلم من سكات تحت مسمى تجمع القروبات،،
ونتفرغ تماما لمباراة القمة بدل ننشغل بالنفرات
سنبحث عن استقطاب الدعم البشري للمباراة والبحث عن الحناجر بدل المال
دي الخلاصة لتقديم النفرة قبل مباراة القمة
حتى نتفرغ للاهم
لانو في المهم وفي الاهم
المهم دعم الكيان والاهم مناشدة الجمهور للتشجيع والحضور للاستاد،،،
ترتيب الاولويات من نجاح المبادرات،،،،
••••••••••••••••••••••••••
مسك الختام
المريخ مقبل علي مباراة مهمة نبحث فيها عن الثلاثة نقاط لتقليص الفارغ
نسعى لقفل باب النفرة حتى نتفرغ للاهم
دعونا نستفيد من الايام القادمة للقمة
عشان نناشد الجمهور للاهم
نفرة تجمع القروبات يوم السبت ٢٠١٦/٦/١٨
عشان يكون عند الاحد ويوم مباراة النقاط
يعني نستفيد من الايام لحشد الجمهور ولا ننادي بالنفرة
صاحب بالين كضاااااااب
نخلص النفرة ونتفرغ للقمة
••••••••••••••••••••••••••
ونحن علي المدرج ندعم ونشجع ونتفرج
قدامنا يوم الليلة وباكر للنفرة
وبعديها نوزع منشورات القمة
عشان كل شي نعطية حقة تماما
نخلص من دعم المدرج
عشان نكون فاضين نشجع ونتفرج
نضمن الخزينة اتعبت بالنفرة
ونجهز الحناجر للملعب
نكون مطمنين علي دعم النادي بالكيان
ونجهز لدعم المدرج بالجماهير
وكلامنا من بعد النفرة يكون كلام توحيد المدرج ودعم الالتراس
من النفرة للتمرين الختامي
يعني تمشي وانت خلصت مهمة الدعم المالي
وتشجع في التمرين ويكون الدعم المعنوي
••••••••••••••••••••••••••
همسة اخيرة
نقاط مباراة الهلال تمثل اهم نقاط
لابد من التركيز عليها
لو انشغلنا بغير المباراة فلنودع النقاط الثلاثة
خلونا نخلص من النفرة وتكون قدامنا اهم مهمة
مباراة القمة
غير كدى لاحنطول عنب الشام ولابلح اليمن
كل قروب يجيب دعموا
عشان كل قروب يحجز مدرجوا في الاستاد
نحن ناس المدرج
عشان القروبات نفسها تكون فاتحة يوم المباراة
تسلم دعمها يوم السبت
عشان مانشوف منشورات الدعم الا بعد القمة
نكون جبنا الثلاثة نقاط ودعمنا الكيان
ادارة المواقف وادارة الملفات يحتاج للفهم والادراك لما حولك
العناد لايخدم قضية
امسكها ملف ملف بدل تشتت المجهود وينفرط العقد
مامكن قبل تبني البيت تعمل صيوان الكرامة!!!!
تعامل خطوة خطوة عشان تصل
ماتنطط ورقبتك تنكسر!!!
•••••••••••••••••••••••••
خارج النص
الدعوة موجهه لكل القروبات المريخة لنفرة تجمع القروبات يوم غدا السبت في دار النادي
نخلص النفرة عشان نشوف الاهم
٢٠١٦/٦/١٨ موعدنا في نادي المريخ،،،،
نخلص عشان نشعل القروبات بالقمة ونلهب الحماس بالاهم
نقدم عربون النجاح للادارة بالمال
ونقدم عربون الفوز للاعبين بالحماس
ننهي ملف النفرة ليلة السبت
وبعديها قروبتنا من نفس الليلة والاحد ماعندنا شغلة غير مباراة القمة ،،
وباذن الله الملفين يحققوا نجاح بااااااهر ونكون مشينها خطوة خطوة
••••••••••••••••••••••••••
# تغريدة طبية
التعجيل بالافطار
في التعجيل بالإفطار آثار صحية ونفسية هامة . فالصائم يكون في ذلك الوقت بحاجة ماسة إلى ما يعوضه عما فقد من ماء وطاقة أثناء النهار والتأخير في الإفطار يزيد من انخفاض سكر الدم ، مما يؤدي إلى شعور بالهبوط والإعياء العام وفي ذلك تعذيب نفسي لا طائل منه
وربنا ينعم علي الجميع بالصحة والعافية
•••••••••••••••••••••••••
# تغريدة مرورية
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع
الصيام يحتاج الي التركيز في الطريق
لاتجعل صيامك يؤثر علي قرارتك اثناء القيادة
قيادتك بامان والتذامك بالتوجيهات المرورية حزام امان لك ولغيرك
لاتسرع فالموت اسرع،،،،،،،،
لاتسجل اسمك في قائمة الوفيات بتهور واستعجال وعدم ثبات
كل السرعة توصلك الي دارك الي السرعة القاتلة،،،،،
••••••••••••••••••••••••••
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية……..
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطاءنا في يوم من الايام،،،،،،،،
====================