عوكل

عن كثب

ادراك عبدالرحمن

صحيفة الزعيم وبقية الصحف الحمراء اعلنت بالبونطى العريض ان الاتحاد نزع الثلاثة نقاط تحسبا لعقوبة من الفيفا فى مسألة الهولوكست الرياضية الحرقنا فيها المريخ او لاتعلمون ان الهلال قدم خدمة رائعة للاتحاد وهى ان الاهلى سينال النقاط دون ان تأثر مع ترتيب المريخ لبعد المسافة بين الثالث والوصيف الكريم وقد كنا نخاف من التعادل لان شكوى الاكسبريس هى التى كانت ستمنح الهلال الصدارة لكن الهلال قضى على دابر المريخ واكلها حارة عرق جبين وجاب كثافتو بهدفى سمؤال وعزيزوارتاح الاتحاد واصبح المستفيد من نزع النقاط الاهلى عطبره او أدبره وهو حق مكتسب حلال بلالا كيف و واوا يبرطع بدون اى مستندات وسكليثشى قالوا ماشى سمبهار ساكت وماخفى اعظم..هذه ناحية اما احتجاج المريخ على الهولوكوست شئ مضحك هو الهلال فريق رياضى وليس سياسى يعنى الفيفا تفهم مقصود الالتراس الا وهو هزيمة الهلال هزيمة ساحقة وقد كان… وعقوبتها اما غرامة واما لفت نظر خصم نقاط غير شامل لاشكلا ولا مضمونا غالبا غرامة ان وجدت وثبت ان ميلوها سياسى المريخ اقتراف تجاوزات كثيرة واخطرها تسجيل لاعب وهو يحمل الكبد الوبائى والهروب من الشرط الجزائى باثبات المرض وفى كلا الحالتين جنحة..وكم لاعب محلى ودولى فى انتظار تسديد الديون وبالمناسبة لمن يجى تلميذ يشتكى للناظر من عوكل الناظر فى البداية بسكت لكن لمن يجى تلميذ تانى وتالت ورابع يشتكوا من عوكل اكيد الفيفا حايفهم انو عوكل ده افه بتاع كفاوى ورشاوى ومايدور فى المريخ ادارة عشوائية جوطة انكشف المستور وانهدت الراكوبة الكرتونية المهلهلة بهزيمة كادت تكون مأساوية لان الاحمر بنى صدارته على بنلتيات هوائية فاتت بنلتيات ابو تريكة وان ابو تريكة مخضرم لكن كان دائما ماينال ركلات غير مستحقة.فقد المريخ اسامه ومعتصم تخيلوالو كانو موجودين ايييييه كان وكان لكن الفوضى انتهت بحمد الله .المريخ كان بانى على ان يفرح اهله بالباطل حتى يغضوا النظر عن السياحة وهى تسيح الكؤؤس وبالمناسبة حامد بريمة الكاس ده حقو سلك وملك ماهو الصدى البنلتيات ..والاغرب يقوليك الهولوكست ياخى اليهود بحبو الزول البثبتها لانها ذريعة لهم لاحتلال فلسطين وطيب فرضنا هتلر حرقهم فلسطين ذنبها شنوالمهم المريخ احيى ذكرى الهولوكست والحمدلله الامم المتحده صوتت ضد قرار ترامب والا كنا حانرسل مندوب من المريخ يلبس اليارمولكا بعتبار ان فكرة انشاء نادى المريخ جات من اصول يهودية امال شنو..والنجمة دى تشبه نجمة داؤؤد اصل الفكرة ..وبرضك زى نجمة الشريف الكاوبوى العمدة او الشريف ..بحترموه لمن يلبس النجمة دى وباقى شنب هتلر بسيطة نقوليهم السمؤل كان لابس شنب هتلر اب شخيتين ومعاو بشه وكان بقولوا هاى هتلر ….وتحية ناس الهلال بقت هاى هتلر…هاى كاردى …وحقيقة المريخ ورق واتفرك…بقى شتات وبقايا فتات..شكوى هنا وشكوى هناك نحن زاتو تأثرنا..والله اسرتونا جد..اللعيبة ديل ببرطعوا وحقوقهم مهضومة وشئ استلموه وشئ كسور وبواقى وشئ رئيس شرعى ومطعون ..واخرتها المريخ فك ءاخروا السمانى مارشيلوا امرق ماقصرت

كمان ماتبقوا طماعين السمانى كورتوا جاطط مع محمد موسى وراحت ليهو مع الفريق المفكك..ويقوليك هولوكوست …القصة انتو دخلتو المريخ الافران والمحرقة

مع الهلال واهلى شندى والوصافة دى زاته ماحقتكم واحسن تخلوا هلال الابيض للابطال جد..فريق بدلل فى لعيبتو ويدلل من الدلاله..داقين جرسهم وجرسهم بكسر الباء المعجمة وفتحها اخير ليكم الكونفو من البرطشه او البهدله فى الابطال مايدور فى المريخ شفقنا جد لاعب دفع من جيبو ليتعالج وديون متلتله وشحته هناك معقول والسمانى حدية وطارت..تعالوا بورتسودان هاى هتلر…هاى كاردى شلنا هتلر..اها حاتشتكوا كمان.

قصاصات

اتمنى ان يوفق الهلال فى البرازلين لانه فى كل سنة نتحرج .

بشه وبوى خبرات ذهبية تزيد من تأنق الهلال والمعارين نتمنى لهم ان يكتسبو الخبرات ويعودوا بقوة،

بدور ببكى

شمهروش اجمع

نعم مولاى

فك الاستكس من الصاوى بقى حبيبنا ماشى الاتحاد

حاضر مولاى

والمريخ امزو كامزو

مولاى امزو كامزو …لكن..حرقوا موهاهاهاهاهاهاهاهاها موهاهاهاهاههاه…

هعهعهعهعهعهعهعهعهعهعهعهعهعهعه

تحياتى

(مَاكِثِينَ فِيهِ أَبَدًا)

 حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html
3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…
5000+ حملوا التطبيق