كبسولة لكل كبسور
في السلك
بابكر سلك
كبسولة لكل كبسور
*أداء المريخ أمام الأهلي كان غير
*إلى وقت قريب مباريات زي دي كنا بنلعبها بطريقة كبسولة لكل كبسور
*يعني مان تو مان
*يعني كلو زول يموت مع زولو
*ندافع بس
*ما كان عندنا أدنى طموح لرؤية وجه حارس الأهلي
*لأن عدم الثقة في أنفسنا إدارات وأجهزة فنية وإعلام ولاعبين وجماهير
*كان بجبرنا على الخروج بأقل الخسائر ولو على ارضنا
*القصة دي في المباراة الأخيرة كانت غير
*دفاع بطريقة منطقة عسكرية وإن وجدت به بعض الهنات
*ودوريات تمشيط أفلحت في التجوال علي أرض العدو وأصابت شباكه مرتين
*كان يمكن أن تكون أربع مرات
*ولكن تسرع رمضان وعدم تركيزه
*وحظ الصيني في الدوشكا التي أطلقها في الشوط الأول
*حصرت الغنائم في غنيمتين
*مباراة الأهلي السنة الفاتت اللعبناها بإستاد الهلال
*لو خضناها بنصف الثقة التي خضنا بها لقاء أمس الأول
*كان الأهلي اتفرتق
*عموما
*الإيجابيات كتيرة يجب التركيز عليها
*والسلبيات نقصت
*والحقيقة كانت من أجمل مباريات المريخ في السنوات الأخيرة من حيث الانضباط وفهم أي زول لي دورو
*المهم
*الكبسولة لغير الناطقين بها
*هي ذلك الجسم الأسطواني الذي تم توزيعه على الأحياء كمركز للشرطة الشعبية بالحي
*عشان يمنع الجريمة ويكون قريب للأحداث ويحمي الحي
*ناس حلتنا استفادوا من الكبسولة لأنو كانوا ببيتوا جمبها عرباتهم
*أما كبسور
*فهو تلك الشخصية الكوميدية التي لعبها الرائع دكتور فيصل سعد
*وكبسور بدا شكاوي
*قال أهلي الخرطوم مدعوم من مناوي
*وقونو بتاع أهلي مصر الشناوي
*ناس الكبسولة قالوا ليهو شناوي مناوي أهلاوي قاااااااعد الصاوي
*المهم
*عودتنا إلى أرض الترس أضحت ضرورة
*الأهلي ده لو نقابلو في تقاطع التيجاني الماحي ما بنقابلو في القاهرة
*وعلى المجلس أن يصر على نقل المباراة
*لازم يتشفتن عشان ما نتبشتن
*حرام يرافق الأهلي صن داونز
*ونرافق نحن ناس عملوا جمعية النظام الأساسي بالكراسي
*حبة تركيز وشفتنة حا نمشي لي قدام بأمانة وغيرنا يمشي الحتانة
*أيها الناس
*ليه النظام الأساسي المتماشي مع نظام الاتحاد الأساسي المستمد من نظام الفيفا الأساسي المرتكز على الميثاق الأولمبي الدولي
*ليه بعمل مشاكل قدر ده في البلد دي؟؟؟..
*عالم تعشق الفوضي
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*المرة دي الكبسولة دخلونا فيها يا أخينا
سلك كهربا
ننساك كيف والكلب قال قول دخلوكم الكبسولة كبسوركم بخليكم؟؟؟؟
وإلى لقاء.
ههههههه عمك تنقو قام يجقلب وقال الروابط والتوبة لي حبوبة 😝😝😝
لو يا عمك تنقو الشغلانة غلبتكم في تحويل عجين المباراة العجنتوهوا بيدينكم لملعب خارج (بلدكم الثاني)، نقترح عليكم بعد القوون التاني أو التالت لو صبرتوا، إنه أمير كمال يشيل الكورة ويقول ما بنلعب، وأصلا الشغلانة دي ما جديدة وما غريبة عليكم، متعودييييين
تنقو قال واااااااي 😆😆😆
ننساك كيف والكلب قال الجرسة ليكم شنو، بعد أكلتوا أكل الجماعة ونمتوا في سرايرهم وقبضتوا تمن البيع، عاوزين تنططوا وتجقلبوا لشنو؟ وتف ليه تفة بي زعل ومشي على حيطة الحفرة العميقة……!!
مبروك الهزيمة ٣/٢ ياعمنا تنقو اصلكم مامتعودين تلعبوا مع الكبار مع انه سيد بلدكم احرز مركز ثاني افريقيا مرتين ولم نجد منكم غير التريقة وطبعا كله حسدا من عند انفسكم وتتمنوا ان تصلوا ماوصل اليه سيد البلد مع كبار افريقيا. بس اوعك تهلوس بريحة المطار لو تأهلتم لان الغريق قدام وده شعرًا ماعندكم ليهو رقبة. 😁😁😁
واحد مصري قال اخواتنا السودانيين ديل كرمهم حاتمي يعطونا مواردهم وخيراتهم بالمجان لكن ماكنا متوقعين يعطونا قون بالمجان ويقصد هدف ابو كرشوم العكسي. مش كان احسن منو قون القمر بوقبا ؟؟؟😹😹😹🤣🤣🤣🤣
ليه الشكاوي حلال عليكم وحرام علي الهلال؟. كاساتكم الاخيرة كلها كانت من المكاتب وبعضها بالزور مثل كاس جنية. سيد البلد حتي لو اشتكي الشكوي قانونية وليس فيها تزوير ولا فبركة ياعمك.
هو غير الصعلوكين ديل ما فى هلالاب ؟؟؟
ياخى انتو عطالة … امشوا اصلحوا اهلكم دا كان عندكم اهل …
ابلد اتنين فى السودان
هو غير الصعلوكين ديل ما فى هلالاب ؟؟؟
ياخى انتو عطالة … امشوا اصلحوا اهلكم دا كان عندكم اهل …
ابلد اتنين فى السودان
الصعاليك ديل ما كل يوم يكرروا نفس الجمل
هم بردوا علينا نيابة عنكم … ولا هم انتم زاتكم ؟
قلت لي يا عم تنقو دفاع منطقه عسكريه ههههه والثلاثه دي دخلت كيف عارفين كلمة السر باين. وطيب لو كانت بدفاع منطقه مدنيه كان الكلب هز ضنبه وقعد وراء منجد