كتاحة الخرطوم ماتكشح لينا المراكشي،،، وتاتي متاخرا خيرا من لاتاتي
تغريدة واتساب
بقلم : معاذ ابومؤيد
كتاحة الخرطوم ماتكشح لينا المراكشي،،،
وتاتي متاخرا خيرا من لاتاتي
تبقي من التسجيلات يومين فقط
وتبقي من عمر مجلسكم ثماني ايام،،،
والعداد مستمر معاكم
اخيرا دخلنا التسجيلات بنجوم عندهم جضوم ،،
لكن باقي لينا خانات محتاجين ليها شديد!!
الطرف اليمين والهجوم،،
والارتكاز قبل الهجوم
لكن كتر خيركم ماقصرتوا،،،
ان تاتي متاخرا خيرا من ان لاتاتي،،
جيتو متاخرين بعد حرقتوا اعصابنا!!
لكن رفعتو روحنا المعنوية قبل اللقاء اليوم ،،،
عقبال الروح ترتفع في المغرب
نتمنى المضافين يشكلون اضافة للفريق وترجع لينا روح المريخ معاهم !!
عشان الروح دي غائبة من فترة،،
كدي باقي اليومين ديل شوفوا لينا الخانات المزكورة ،،
المحور مطلوب في حالة رحيل عمر بخيت ،،
وحتى لاننسي ممكن اللاعبين التم تسجيلهم اليوم مايقدروا يشاركوا في البطولة الافريقية لمشاركتهم مسبقا مع انديتهم،،،،
••••••••••••••••••••••••••
صلاح نمر وعاطف مصطفي يمثلون اضافة للفريق لكن في حالة الصعود للمجموعات مشارتكهم حتكون غير ممكنة !!
نتمني بعد نتيجه غدا نشوف الحوجات الفعلية عشان نضيفها ،،
تعبنا من التوليف في الخانات!!
لكن برضوا كتر خيركم وماقصرتوا بس حرق الاعصاب مافي داعي ليهو!!!
بس شفتوا الوضوح في الملفات بينعكس ايجابيا عليكم وعلينا
لحدي رحيلكم خليكم واضحين !!
••••••••••••••••••••••••••
كتاحة الخرطوم دي انشاء الله اليوم تقوم في مراكش من ارجل سودانية،،
ولحدي الان شمال افريقيا فيها فريقين عملو حالة طيران!!
العاقبة للمراكشي ،،
اولادنا قالو تمام التمام مافي شي معكر مزاجهم غير الشتلات !!
وعلي جعفر وقع بالليل قدام السفير،،
ضرب العشاء ووقع ،،
يعني النفسية حنكون مية مية
لو وقع من الصباح كنا شفنا صورو مع القرد بتاع عنكبه الاتنين يضحكوا…..
بس يوم التسوق والترفية كان يكون قبل امس او بعد المباراة بساعتين!!
لكن املنا في اخوان امير كمال يفرحوا شفوت المدرجات
عشان المعاناة العشناها في المدرجات مابسيطة
وباذن الله التأهل آت،،،
نقول يارب نصر عزيز وفوز مستحق،،،
المريخ بمن حضر باذن الله
تسعين دقيقة حتعيشنا علي اعصابنا،،
نسأل الله الثبات..
اجسادنا في كل مكان وقلوبنا معلقة في المغرب،،،،
والماعندوا اعصاب ينوم من المغرب!!
••••••••••••••••••••••••••
مسك ختام
نسالكم الدعاء للزعيم
ونرجوا من الجميع توخي الحزر في نقل المعلومة
والناس المجتهدين ابعدوا عن الشتل ونقل الاخبار الملفقه،،،
الناس علي اعصابها بالله ياناس الاشاعات اختونا جاي ولا جاي
••••••••••••••••••••••••••
ونحن علي المدرج ندعم ونشجع ونتفرج
الليله تشجيعنا من علي البعد
وفرجتنا حتكون مختلفة باذن الله
جيبوا لينا النصر عشان دعمنا ينهمر كالرز…
رسالتنا لاخوان امير كمال
عشان خاطر الشعار
وشفوت المدرجات
وصلونا المجموعات،،،،
المدرج محتاج جرعة معنوية
ساعدونا بالدعاء ياشفوت المدرجات ،،
عايزين قروباتنا كلها دعاء ونبعد عن اي نقاش او تناول اي اخبار!!
••••••••••••••••••••••••••
همسة اخيرة
شكرا لجنة التسيير برغم اخفاقاتكم الكثيرة لكن نتمنى تستمر تسجيلاتكم النوعية،،،
علاقتنا معاكم عمل
عملكم من يجيب ليكم الشكر
وتهاونكم من يجيب ليكم السلخ!!
حدنا معاكم العمل فقط،،،
دعوة مجلس الشورى يجب ان لاتهمل مهما كانت نتيجة لقاء اليوم،،
اجتماع مجلس الشورى يوم الخميس ١٩/٥بعد صلاة المغرب
نهيب بجميع الاطياف
الحضور،،،،
بس ياناس الشوري ادخلوا جوه القروبات يوم الليله وباكر وشوفوا نبض الحماهير اقروا الاحداث من قريب ،،،
كلفوا خمسة اشخاص منكم للدخول للقروبات وشاهدوا نبض المدرجات ولخصو الاقتراحات قبل اللقاء
ارسموا خارطة المستقبل من نبض الجماهير ،،
الجماهير دي هي الاستثمار والامان للنادي،،،،
شكرا الفريق فاروق لمبادرتكم
ونتمنى تحققوا مبادرتنا
التحقوا بركب القروبات لمده يوم وعدد ساعات ،،
حتوضح ليكم الرؤية بصورة اوضح،،
جيتكم رغم تاخرها لكن ممكن تجنبنا الكثير من الفشل ،،،،،
••••••••••••••••••••••••••
خارج النص
نسال الله التوفيق للزعيم
وترجعوا لينا بالخبر الجميل
والمطلوب مننا كجماهير الدعاء والابتعاد عن النقاشات الجانبية
نعدي يوم الليلة بالدعاء
وباكر لكل حادث حديث
المريخ عالم جميل
نتمني النصر المبين ،،،
••••••••••••••••••••••••••
نصائح مرورية
الاخوة قائدي المركبات
حزام الامان حماية لنا قبل حماية من الغرامة ،،
والتلفون ممكن يكون اجل زول
اصل مكانك وواصل اتصالك
ونغمة موبايلك لاتشغلك عن سيارتك،،
اتصالك مهم لكن حياتك اهم
••••••••••••••••••••••••••
لتغريدة واتساب نقاط واراء اقبل منها ماتشاء وارفض منها ماشئت،،
••••••••••••••••••••••••••
