*قبل كم يوم قامت الشرطة بتخريج ضباط جدد
*فدار برأسي حوار كنت اهرب منه كثيرا
*فالملاحظ ان هناك عداء شديد للشرطة التي تم اختصارها في درقة وعصا وبعض بمبان ودفار ساكي الناس
*للشرطة اوجه اخري تنجز فيها وحيدة دون غيرها من المسميات الاخري
*السجل المدني عمل شرطي بحت
*الدفاع المدني عمل شرطي تحت مظلة الشرطة الموحدة
*قوات السجون قوات شرطة
*الجمارك شرطة
*وما ادراك ما الجمارك
*ومكافحة المخدرات شرطة
*ومن يكافح سرقة السيارات غير الشرطة
*وكل مسميات المباحث شرطة
*وكل رجالات منع الجريمة شرطة
*والسواري الذي يجوب الليالي والناس نيام شرطة
*ومن ينظم حركة المرور شرطة
*ومن يحقق لنا الامان بقدر الامكان شرطة
*ولك ان تعلم اخي الكريم
*ان شرطة جوهانسبيرج تعجز عن توفير جزء من الامان الذي توفره شرطة السودان
*وانك في نيروبي لاتستطع التجول بعد المغرب ولو بدبابة
*ومع مقارنة ذلك بالحال بولاية الخرطوم
*نجد ان جهود الشرطة بائنة
*علي الاقل بمناطق العمران
*اذن لماذا العداء؟؟؟
*ولماذا اختصار كل اشكال الشرطة في تلك الشخصية التي تختفي خلف درقة وتحمل العصا باليد الاخري؟..
*ايها الناس
*الشرطة زي الالفه في الفصل
*موكل اليها حصر المهرجلين وتقديمهم للعقاب ومنع الهرجلة
*والالفه لايكرهه الا المهرجلون
*ومن اوجب واجبات شرطة مكافحة الشغب ان تكون له لو حدث
*يبقي الاعيب السياسة يجب ان لا تقودنا لعداء مع مكون هام من مكونات المجتمع المدني الآمن
*وعلي الشباب ان يدركوا جيدا ان المدنية تعني دولة القانون
*ومسيرة القانون تبدا بالشرطة
*جميعنا يعلم ان يد الفساد قد طالت جميع القطاعات بمافيها الشرطة
*فزجوا بمعاول الهدم وبعض القتلة بين صفوفها
*والبسوا قناصيهم ازياء الشرطة وهم ليسو منها
*لذا ولكل ذلك
*ادعو شبابنا لتقييم موقفه من الشرطة من جديد
*وادعو اهل الشرطة المخلصين لتنظيف هذا الجهاز الجميل من المفسدين والفاسدين والمنتمين غير المنتمين
*لنبدا معا اولي خطوات سيادة القانون
*فالشرطة لم تعد بالمفهوم القديم وبذلك التعريف الذي يقول بانهم رجال امير المؤمنين الذين يحملون الهراوات لينهالوا بها علي ظهور من ينتقد السلطان
*المهم
*اعادة التأهيل تجري علي قدم وساق
*امسكوا الخشب
*وعبدالرؤوف لعاب يا هلالاب
*لكن صحي عندو اخو اقصد اسم غير عبدالرؤوف؟؟؟
*ده موضوع بودي كاس عديل كده
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*امس الجاز قطع علينا
*قلنا نشوف من الناس الجمب الطلمبة واحد بالمعقول يدينا
*تخيل باغة الجاز ابو اربعة جوالين بكم قال لينا؟؟؟
*بتسعمية قال لينا
*قلت ليهو دي خيانة للثورة ونوعك ده مفروض يتكتل قبل ان يتكاثر
*قال لي ثورة شنو ويتكاثر منو
*انت مفلس اظنك يا عمك
*الغريبة جا واحد من لاندكروزروا ما نزل كبه ليهو الباغتين بمليون وتمنمية
*انتوا في جزء من ناس كوبر لسة بره ولا شنو ياوالينا؟؟؟
سلك كهربا
ننساك كيف والكلب قال زي ديل ممكن من عربيتهم ماينزلوا ويشتروا باغتين روح كاااااش طالما حايمين بنفس لاندكروزرات
والي لقاء
سلك
