كونوا كالشعب التركي خلف الادارة تصنيفات الخدمة الالزامية واستديوهات قروباتنا التحليلية،،،،

تغريدة واتساب

بقلم معاذ ابومؤيد

كونوا كالشعب التركي خلف الادارة
تصنيفات الخدمة الالزامية
واستديوهات قروباتنا التحليلية،،،،

قبل ان ندلف لمحاور حديثنا نبارك للمريخ الثلاث نقاط وننتظر المزيد في مقبل المباريات
وقبلها نحن لسنا من دعاة التحليل الفني لاننا لم نحصل بعد علي رخصة التدريب
نكتفي بالتهنئة عند الفوز
والبحث عن حلول عند الخسارة
وفيرالحالتين نكتفي بالدعم والتشجيع والتأييد
ندخل الي تغريدتنا …،،،،،،.
اولا وصيتنا للجمهورالمريخي كن كالشعب التركي خلف الادارة طالما شايف هناك تعمير وبنيان،،،،،،
الخدمة الالزامية عندها فئات
من (أ)وانت طالع…..
الشفناهم الليلة ديل ناس الكشف (أ) ماشاء الله تجاوزوا الكشف الطبي ودخلوا في البيادة وضرب النار
من اول يوم حلقو صلع ودخلوا الميدان
لاتمرد ولاقد سلك ولا غياب
والانضباط سيد المعسكر
والاحترام متبادل بين قائد المعسكر والكتيبة
ديل ناس الفئة (أ)
كمان الكشف شايل في طياته تصنيف الفئة (د) وديل ناس الكونسلت الطبي
ومامعروف خبرهم شنو
ديل يايلحقوا التدريب ياكمان ملحق مع معسكرات الشهادة العربية او كمان يدوهم تأجيل ،،،،
وعندنا فئة الخالفوا الاوامر والقدو سلك وقاعدين في بيوتهم
القادين سلك ديل كمان بتنظر في امرهم القوانين واللوائح والادارة من تصدر التقرير النهائي
والقوانين عندنا انضباط واداء ضريبتك المريخية علي اكمل وجه او كمان تشوف ليك مصدر رزق في مكان تاني،،،،،
الخلاصة ضريبة المريخ حاليا للناس العندها روح وعندها رغبة في العطاء
وكلنا نصبر لحدي مانخرج الدفعة دي من مجندي كتيبة المريخ القتالية ،،،،
نخت في قلبنا الصبر ونعصر علي جرحنا عشان يبطل نزيف
وندعم شبابنا ديل ونرفع من روحهم المعنوية ،،،
••••••••••••••••••••••••••
نقوم نمشي لناس التخازل والتشكيك ومدربين الفيس والواتس بالله نطلب منكم الحكم نهاية الموسم ماتشتغلوا لينا محللين في الbn
ادوهم فرصة
وخلو ليهم المساحة يبدعوا فيها
ومافي شي اخر قافلتنا ومسيرتنا غير الحكم المبكر علي اللاعبين والمدربين ،،،،
١٦ مدرب اجنبي خلال ١٣ عام غادروا بامر الجمهور والاعلام
يعني نحن نفهم وماخدين الرخصة(c) وهم خريجين روابط
ادعموا الشباب ديل بدل تحطيم معنوياتهم
ادعموهم بالقول والفعل
ادعموهم عشان هم الان بدفعوا ضريبة المريخ
الناس تساعدهم بالسكات والموية الباردة ونجني ثمار العلاج بالكي والانضباط الحاصل الان،،،،
••••••••••••••••••••••••••
مسك الختام
نحن مستعلجين علي شنو وعشان شنو
الدوري الممتاز وكاس السودان!!!
المستعجل دا يختف رجلوا لحدي النادي ويشوف بعينوا الكاسات تاني مستعجلين لي شنو
نحن بنغير في جلد الفريق
واي ذول لم يلبس هدوم جديدة بحس بكاروشة او بشعر انها ضيقه عليه
يعني نحن مانقعد نستعجل في الحكم علي الملابس من اول لبسة وماتحكم علي اللاعبين من اول لمسة،،،،
ومانستعجل رزقنا وياريت سقف طموحنا يرتفع من المحلي ،،،،
••••••••••••••••••••••••••
ونحن علي المدرج ندعم ونشجع ونتفرج
وياريت ناس التناظير ماتديهم فرصه والبفتح استديو تحليلي في القروبات ياريت نقلب القناة
يعني نشوف موضوع تاني يتحدث عن النفرة
الاستديو التحليلي دا لو اتفتح بجر لسكة تاني ،،،،،
اقلبوا القناة بكشف النفرة وادعموا الانضباط بالتاكيد علي قرارات الادارة
امس وقبلوا قلنا كشف النفرة بيحارب كتير من الحاجات
طالما كشف النفرة مدورة حنرتاح من كثير من الناس
وحاليا
نفرتنا متبقي ليها ٢٣ يوم
الزمان ٢٠١٦/٨/١٠
المكان نادي المريخ
تحت شعار بنفرتنا نسدد غرامتنا
يحاولون جاهدون علي افشال مشروعنا الحضاري في قروباتنا
مشروع الدعم المالي والسند الجماهيري والتعبؤي،،،،
لاتفتحوا لهم الطريق
••••••••••••••••••••••••••
همسة اخيرة
من راهنوا علي فشل الشباب هم من يسعون غدا الي زرع الشائعات حولهم
دا تمهيدي لشتلات غدا
وهناك من سيزرع فجوة بين اللاعبين والادارة بالشتلات المحسنة
وهناك من سيتكفل بزعزعة الكيان بالقيل والقال
انتبهوا لصفوفنا وغدا لناظرة لقريب سترون من الشتلات الوان ومن الاحادث اشكال
ومن يسعى لتكسير قرارات الادارة الانضباطية
خلونا نعيش تجربة الشعب التركي مع اوردغان
نساند وندعم ونكون خلف الادارة بفهم الشعب التركي ،،،،
الشعب التركي استمع لاوردغان عشان شاف في بناء
ونحن مستمع للادارة عشان شايفين في بناء
ساندوهم لانهم محاربون فقط عشان اختاروا سياسة الانضباط
محاربون عشان ابعدوهم عن مركز القرار
محاربون عشان العمل يتم في صمت
وهم يعشقون العيش في عالم مليان ضوضا وثرثرة ونسنسة
رفعت الجلسة
••••••••••••••••••••••••••
خارج النص
ليس من شارك اليوم فقط هم الشباب
هناك اثنان لم يلعبوا بعد
غير اربعة من الرديف ينتظرون اشارة الجهاز الفني
عاطف واو ومهاجم الجالية السودانية لم يلامسوا المستطيل الاخضر بعد في مباراة رسمية
يعني لو صبرنا سنتغني بالشباب من الحراسة وللهداف
واربعة شباب من الرديف يملو العين بقيادة صبري ورامي
الصبر في كل شي جميل
ساندوهم وادعموهم وازرعوا فيهم روح مانديلا
شبعوهم من روح الشعار
ساندوهم حتى نجني الثمار
خارج النص خالص خالص
(ياناس قناة النيلين علاقتكم بنقل المباريات ذي علاقة حبوبتي بالنت)،،،،،،،،
افهموها براكم دي!!
••••••••••••••••••••••••••
القصة ماقصة بطولة القصة عشق منذ الطفولة
••••••••••••••••••••••••••
# هاشتاق طبي
‏دراسة طبية أثبتت أن النوم على غضب أو حزن أو اكتئاب قد تسبب جلطة دماغية.
‏نام متفائل وارمي حمولك خلف ظهرك
وتزكر دائما السعادة كنز فاغتنمه
وربنا ينعم عليكم بالصحة والعافية
••••••••••••••••••••••••••
# هاشتاق
‏⁧‫#خليك_واعي‬⁩
‏
‏كلما أعطيت بلا مقابل كلما رُزقت بلا توقع ،
‏واعمل الخير بصوت هادئ
‏فـ غدًا يتحدث عملك بصوت مرتفع !
دعوا اعمالكم تتحدث عنكم
ولاتملؤن الدنيا بالصياح
••••••••••••••••••••••••••هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية……..
التغريدة لن تخرج خارج نطاق المجتمع المريخي نهائيا الا ماندر
ونقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطأنا في يوم من الايام ،،،،،،،،
***تغريدتنا ونسة وحكاوي ونقاط بصوت مسموع***
==================

حمل تطبيق كورة سودانية لتصفح اسهل

لزوارنا من السودان  على متجر 1موبايل

http://www.1mobile.com/net.koorasudan.app-2451076.html

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

لزوارنا من الصين الشعبية

http://www.androidappstore.mobi/EN/displayproduct/112531/playstore