لازم ندق السيستم

في السلك

بابكر سلك
لازم ندق السيستم

*العد التنازلي لموقعة صن داونز بدأ
*ومهما كان إعدادنا واستعدادنا
*فلسان حال صن داونز يقول لينا
*إعدادكم لي نفسكم
*لأنهم يعلمون أننا نعاني نقصا أفريقيا كبيرا بسبب السيستم
*طوالي نحن داقين السيستم
*ولو عارفين قدر أنفسنا ما كان دقينا سيستم
*ودقت السيستم علينا ما جديدة
*مرات ندقو عشان قفل
*ومرات ندقو عشان الشبكة في نمرة اتنين كعبه
*ومرات ندقو عشان عمل (اميه) وأبى يطابق
*ومرات ومرات ومرات
*وطوااالي داقين السيستم
*المرة دي لو دايرين ندق السيستم صاح
*نحقق مقولة المريخ بمن حضر
*وندق صن داونز
*ودق صن داونز زي دق العيش
*داير إصرار وقوة تحمل ومقيل في الشمس
*ما ساكت
*والحتة دي يجب أن يلعب عليها الأولاد بإصرار
*ما دايرين نكون حصالة للمجموعة
*وحتى لو فنيا ما قدرنا
*نفسيا مفروض نقدر
*فالإعداد النفسي له دور كبير جدا في تفجير الطاقات والمهارات ولو كانت حبة
*لن تستفيد من الإعداد البدني والتكتيكي حال غياب الإعداد النفسي
*والإعداد النفسي هو الذي يرفع من درجات الاستفادة من الإعداد البدني والفني
*لذا
*خلونا في اليومين ديل نركز على ذلك
*على شاكلة الترجي يشوف كونفدراليتو وين
*وشاكلة شامي لي ريحة مطار التي ساعدت من قبل في بلوغنا دور الأربعة
*نستطيع أن نتقدم
*فقط إذا وثقنا في أنفسنا
*ولم نعط الخصم حجما أكبر
*السنة الفاتت مفروض نغلب الأهلي القاهري ستة
*ولكنهم تعادلوا برغم سوئهم في ذلك اليوم
*لأن إعدادهم النفسي كان صاح
*وكنا نفتقد لذلك الإعداد الهام
*المهم
*الأمنيات مع الزعيم الكيان
*وعلى الأهلة اللعب بطريقة ترس الشمال
*حتى لا تعبر بهم الشاحنات المصرية إلى بلد لا فيها طير لا فيها عجمي
*القصة ما تبقى سماحة استاد سااااااي
*أيها الناس
*رزق الأخ الكريم دكتور جاد الله بحفيد اسماه والده محمود كريم
*تيمنا بجده الكريم
*مبروك يا دكتور جار النبي
*وركز لينا مع كريم يطلع طرف شمال لئيم
*وكان طلع حارس مرمى
*جيد لينا وبختنا
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*ما تكلف نفسك أكتر من وسعها يا أخينا
*وما تكلفنا ما لاطاقة لنا به وكان غلبك خلينا

سلك كهربا

ننساك كيف والكلب قال أول مرة أشوف لي بطيخ دايت….أحماااااار…..ومسييييييخ…. بطيخ ناس السكري أظنو
وإلى لقاء