لجنة التشليح والتشريح والخياطة من غير بنج والمتألم الجمهور
تغريدة واتساب
بقلم : معاذ ابومؤيد ?
لجنة التشليح والتشريح والخياطة من غير بنج والمتألم الجمهور
بالله الماصفق للتسيير يصفق
والعندو في التسيير لسة أمل يقول لينا…
تاني الباقي شنو
والفضل شنو
منتظرين وفاة المريخ علي ايدي الاطباء المهرة في التشليح والتشريح!!!
وفاة اكتر من كده كيف
فريق من غير مدرب او مساعد مدرب
ونحن منتظرين الانتخابات
فريق من غير مدير كرة
ونحن منتظرين الانتخابات
فريق من غير دكة بدلاء
ونحن منتظرين الانتخابات
جمهور هجر المدرجات
ونحن منتظرين الانتخابات
منتظرين الانتخابات عشان ناس عندهم رغبات في قتلها وتثبيت سياسة التمكين تحت غطاء العضوية المضروبة
منتظرين الانتخابات عشان شهادة الوفاة تكون شهادة صحيحة وغير مضروبة
منتظرين الانتخابات عشان رغبة لوبي ازرق مسيطر علي القرارات للاسف!!!
منتظرين عشان الدمقراطية المزعومة
ديمقراطية بعد وفاة كل المشجعين بسكتة قلبية
تاني شن فايدةانتظار الانتخابات!!!
كتايب الدمقراطية المزعومة والمدافعة عن التسيير تحت بطانية الانتخابات لاذالت تنحت في ادمغة الجماهير المتوفية بسكتة قلبية لحال المريخ الكيان،،،،،
تنحت لتقنعنا انو نصبر علي كوارث التشليح والتدمير!!!
وزعوا علي الجماهير صبر لوك ايمال عشان نصبر علي التدمير الممنهج !!!
تدمير مع سبق الاصرار والترصد ،،
قلناها مسبقا رجعونا مكان سيرتونا
سالناكم بالله ترجعونا لمكان لقيتونا!!!
••••••••••••••••••••••••••
لقيتونا مدرج مليان
وفريق يعجب كل انسان
لقيتونا ابطال
وغالبين رايح جاي
لقيتونا في احسن حال
فريق مرعب في دوري الابطال
رجعونا بالله عليكم ومادايرين منكم اي تسجيلات ولا بطولات
المريخ فريق زعيم كل الفرق تقيف احتراما لم تقابلوا
كسحتونا وشلحتونا ودمرتونا
ابكيتو قلوب شفوت المدرجات
اصبحتم عالة علينا
الناس اصبحت لاترغب في وجودكم
غادروا وسددوا الديون من قروش النفرة
ورجعوا لينا من غادر ديار المريخ علي يديكم
فقط
لانرغب في اكثر من ذلك
ارحلوا غير مأسوف عليكم
••••••••••••••••••••••••••
اي شخص يقول لاعلاقة للتسيير بالحاصل وانو دي مؤامرة معناه التسيير مشاركة فيها
كيف ترضى لنفسها البقاء وهي محاربة !!!
لماذا التمديد
لماذا التسجيلات الفاشلة سابقا
لماذا عدم وجود مساعد مدرب
لماذا لايوجد مدير كرة
لماذا سفر بالقطاعي
لماذا معسكرات مضروبة
لماذا العناد والخلافات مع المجالس السابقة وخلق عداوات!!
عايزين توصلو اينا شنو
دايرين مننا شنو
حتي المتنفس الوحيد عايزين تكرهونا فيه
المشجعين ذنبهم شنو في صراعاتكم علي المناصب !!
ذنب عامل اليومية العاشق الولهان للكيان في كنكشتكم شنو؟؟
ارحلوا والقلب داعيلكم
ارحلوا واعملوا فريق وكنكشوا فيه حتي الممات !!
••••••••••••••••••••••••••
الرحيل هو الحل لايوجد بديل تاني
المريخ لايحتاج منكم غير المغادرة!!
جون سينا يكون مدرب للفريق !!
نستعين بمدرب الرديف!!
دا المريخ ايها السادة المحترمون،،،
ورونا جمال خطواتكم ،،
معقولة تشليح مع سبق الاصرار والترصد
معقول نصف الموسم مضي وماستمتعنا غير بمباراة واحدة!!!
اصبحنا ندخل مبارياتنا بدكة فاضية!!
اصبحنا ندخل المباريات وقلوبنا خائفة!!
ولسة مكنكشين!!
••••••••••••••••••••••••••
مسك الختام
المدرج اصبح لايرغب في سماع اسم لجنتكم!!
المدرج ضاق صدروا بحضراتكم
ارحلوا من الباب الضيق
ضيقتوا علينا متنفسنا
كتمتوا عن جسد المدرج الاوكسجين
وجلستوا علي نفس المريخ!!!
••••••••••••••••••••••••••
ونحن علي المدرج ندعم ونشجع ونتفرج
لكن طردتونا من مدرجنا
ودعمنا عشان الكيان
لكن الكيان يعاني من تصرفات لجنتكم!!
الكيان يضيع بتعنتكم
الفرجه راحت من استلمتوا
لامتعة اداء ولا نتيجة تشفع لكم في البقاء!!!
رحيلكم غاية امنياتنا
المدرج مابنتظر تااااااني،،،،
سنعود بالتفصيل لكل الاحداث ونمني النفس بترجلكم ورحيلكم قبل العودة،،،
••••••••••••••••••••••••••
همسة اخيرة
الاخوة مشجعي نادي المريخ لقد اتضحت الرؤية تماما والمابشوف من الغربال يكون عميان!!
الاعمام وكبارنا في مجلس الشورى هل تنتظرون الصلاة علي الجثمان ودفنة!!
هل الجميع ينتظر سقوط المحبوب؟؟
سقوط ورقة التوت سيعقبها سقوط التوت نفسة!!
الان ورق التوت يملأ ملعب المريخ والمدرجات حتي كل الطرقات!!
الرحيل مطلب حتى لو نضحى بالتسجيلات !!
لاتنتظروا شئ من اتي بكريم الحسن وفرط مسبقا في اهم التسجيلات!!
لجنة التشليح والتدمير لن تقدم جديد للمريخ لانو مقاس بدلة المريخ اكبر من جسد التيسراب !!
••••••••••••••••••••••••••
خارج النص
اي اخبار تصل عن تسجيلات لجنة التسيير اعتبرها مجرد شتلات محسنة للبقاء اكبر وقت ممكن حتي يتم التشييع علي ايديهم الكتايب الالكترونية مستميتة للدفاع عن لجنة ولدت ميتة ومصرة علي قتل الجميع والجلوس الي جوار جثمانها!!
الايام دي حيكونوا غرفة تسجيلات في القروبات ويشغلونا عن الحاصل لكن الكلام دا يلاقوه عند الغافل !!
تسجيلاتكم شفناها في الشتويه عز البرد،،،
الخوف نكمل الموسم بثمانيه عشر لاعب ودا الاقرب في حالة مواصلة الكنكشة !!!
المريخ يعاني يااحباب،،،
والانتظار سيجعل المريخ خراب
لاتغركم الدعوات للانتخابات
ولاييخدعوكم بشتل الاخبار
المريخ الان تحت ايادي لاتمت للجراحه والادارة باي صلة!!
لن ننتظر حتي يضيع المريخ،،،،
رسالتنا لكم ارحلوا قبل الانهيار التام لمريخ البطولات،،،،،
••••••••••••••••••••••••••
الاخوة قائدي المركبات
اتصالك مهم لكن حياتك اهم
لاتجعل اتصالك يفقدك حياتك
لحظة منك في القروبات ممكن بعدها يفقدوك الاحباب
ممكن لحظة كتابة تكون اخر ماكتبه المرحوم،،،،،
فتناكم عافية……
