لعل المانع خير

لعل المانع خير .. محمد جمال قندول ..  *تعجبني الفنانة انصاف مدني في مقدراتها للرد الفني الصريح عبر التركيز علي مسيرتها بانتاج الجديد واحياء الحفلات الجماهيرية فهي ليس لديها وقت لــ (القيل والقال) وتتميز ببساطة جلعتها في فترة وجيزة تتسيد سلم النجومية وتعد واحدة من انجح الفنانات في العقد الاخير بالاضافة الي لونيتها الغنائية المتفردة عبر (الدلوكة ) واستخدامها وتحديثها بما يتناسب الساحة الفنية ومعاصرة

للشباب الحالي .. انصاف تتقدم ولا تتأخر
*تورأت الفنانة الشابة شادن عن الانظار بعد ظهورها بقوة باعمال جديدة وتجربة افسحت لها الاعلام انذاك قبل عامين حيزا كبيرا علي صدر صفحاتها الفنية والاجتماعية بالقدر الذي يوزاي ما ظهرت به من ابداع واعمال منتقاه في الاختيار الصحيح للشاعر والاداء والعمل ولكن شادن غابت عن واجهة الاحداث ولم نعد نشهد لها اي مشاركة فنية او تدشين لخاص من الاعمال رغم تواتر الانباء عن اقامتها بدولة الكميرون ولا جديد هنا او هناك .. لعل المانع خير شادن
*الفنان عبد القادر سالم يعد من الفنانين الذين اثرو الساحة الفنية وتقلد مناصب عدة في سلم الاتحاد ولكنه غاب مؤخرا عن الساحة الاعلامية ولا نعرف اين هو ولماذا لا يظهر واين جديده وهل استنفذ كل ما لديه
اجتماعيا
بالله استعجب جدا من الذين يدرسون الان اعمارهم تتفاوت ما بين مواليد 97 و96 و95 كحد ادني واشكالهم تعبر بوضوح عن افكارهم وتقلعياتهم لاشياء دخيلة علينا واغلبهم لا خلقة ولا اخلاق ، افكار سطحية للغاية ومفردات يتسامرون بها مثل (البت دي شايلة بودي تقيل ) وعلي شاكلة (الزولة دي شايلة ورا وقدام) و (البت دي طرحت لي) و(الزيت شنو) و(يووووووووووووووووخ)
*وبالنسبة لمصطلح (يوووووووووووخ) ما فهمت يووخ دي شنو مثلا شعار لــ ( الترطيبة) والمفارقة انو البقولوها (كراع في اطراف الخرطوم النائية)
*والغريبة البنات ديل كمان قصة بالاخص (الطالبات الحاليات) اغلبهن عبرة يعني ما معقول (بت لابسة ليها بنطلون ضيق وتشيريت خفيف وشايلة ليها دفتر ولابسة نضارة وكمان بالمرة تقويم اسنان) معناها مثقفة ولا واعية وقائمين علي موضة جديدة كمان (الثاء) خلوها هسي بقو يتكلمو بــ(السين) وبعدين اغلبم راسم فاضي وجل اهتماماتم (جلاكسي نضيف واي من عربية داك وصحباتي وما عارف شنو وصحبي وما بتعشي وعاملة رجيم وهي كلها زي الزرافة وكمان بقو يتريضو في الزلط نظام العقل السليم في الجسم السليم)
*عندي واحد صحبي متزوج واحدة صغيرة تاعبهو تعب السنين زي النوعية دي مغشوشة بــ(الحرية والجندرا) وهي زاتا لو سالوها الجندرا معناها شنو ما عارفها وتقول ليها قومي نضفي ولا رتبي تقول ليك جايبني من بيت ابوي حبشية لا جايبك دكتورة
اعان الله البلاد والعباد علي التقويم السليم