مركز العزل كتوكو

في السلك

بابكر سلك

مركز العزل كتوكو

بسم الله الرحمن الرحيم
*افادت الفحوصات ان عدد مصابي كورونا ببعثة الاشانتي يفوق عددهم بمركز العزل بايطاليا
*كلو شي جايز يامحمد عبد الماجد
*والابتلاء من رب العالمين
*الاجهزة طبعا مابتكضب يا روشا
*طالما قالت بعثة الاشانتي فيها العدد ده من الاصابات
*يبقي كلامها صاح
*مصلحتها شنو الاجهزة تكضب !!!!
*وناس الاشانتي زاتهم كان يتعالجوا حتي يجوا
*يعني عشان دخلناهم من المطار معناها اعترفنا بصحتهم ؟؟؟
*ابدا يا اخوي
*الاجهزة قالت مصابين
*تبقي مصيبتهم مصيبة
نسأل الله لبعثة الاشانتي الشقيق الشفاء ووبدل يسألوا الله رفع البلاء قالوا رفعوا الامر للكاف
*الكاف بالكا ؟؟؟؟
*ولاشنو ياروشا !!!!!
*المهم
*بثبات الزعيم يخطو
*دخل المجموعات من الباب
*لا بركشة لابترحال لابكرونا
*ودي مرحلة يجب ان تتغير فيها الاستراتيجية
*عندنا تسعة نقاط الارض
*نخطط لكسبها كلها
*وعندنا تيري وبكري والسماني وتمبش ورفاقه ومحتاجين لنقطة من برة علي الاقل لنتأهل بدون ادني كورونا للمرحلة اللاحقة
*التركيز مفروض يكون علي الحتة دي
*مانضيع زمننا في التفكير في مرحلة لسة ماجات
*فالتعامل مع البطولة مرحلة مرحلة يختلف عن التعامل مع الكورونا
*المهم
*كلهم كانوا نجوم
*حتي المامشوا كانوا نجوما لانهم نجوم
*ومثل هيك اهتمام والتفاف حول الكيان
*بالتأكيد ينسينا الكيمان ويفيد الكيان ونمضي بثبات نحو غايات حققناها قبل نيف وتلتين سنة
*المهم
*تيري يحلق بخماسيته علي سماء القارة هدافا
*يبحلق فيه الجميع
*ناس ولدنا الغربال من الصنقعة جاتهم قطايع
*ولسسسسة
*فجماهير المريخ التي لقبت تيري بالمناضل وشبهته بايداهور
*تنتظر منه الكثير
*جددوا للمناضل من اسي احسن ليهو وليكم ولينا
*قبل ما (تتير التيارة )

*ايها الناس
*ادعموا مركز العزل كوتوكو ينيبكم ثواب
*المهم
*البلد ضاجة في موضوع رسمة انجلو بتاعت كتاب التاريخ
*حقيقة اذا اختصاصي المناهج عند ممارسة عملو تأثر بايدلوجيته الخاصة
*يبقي افرغ العملية التعليمية من مضمونها ونأي بها عن اهدافها وقربها لايدلوجيته
*وهذا جرم
*وبالمقابل اذا اعترض الناس علي عمل اختصاصي المناهج من منطلق اختلافهم الايدلوجي معه
*تبقي القصة عايرة ولا علاقة لها بالعملية التعليمية والخوف علي النشئ
*هذه المرحلة الانتقالية هي مرحلة لخلع عباءات الايدلوجيات ووضع عباءة الوطن والصالح العام علي اكتاف الجميع
*لذا افتكر انو الموضوع اخد اكبر من حجمو
*وبعدين ثقافة الانسان يستمد معظمها من المنهج الدراسي الذي تلقاه
*فنحن نعرف نابليون ولم نعاصره ونعرف الثورة الفرنسية ولم نولد بباريس
*ونعرف ان اول مطبعة دخلت مصر كانت بالاسكندرية احضرها نابليون بونا بارت
*ونعرف هتلر
*وماشفنا برلين ولكن نعرف سورها
*بنعرف الموناليزا ودافنتشي وجارلس ديكنز
*وبنعرف سقراط وبنعرف عن الفرس والروم والوثنية ونحن بحمد الله نسبح بحمدة ونؤمن بمحمد
*بنعرف الحرب العالمية (الاتنين ) والظاهر بيبرس وداحس والغبراء ونعرف انو الهنود الحمر هم شعب امريكا الاصلي
*وبنعرف بلجيكا وبراغ وصوفيا واثر العثمانيين فيها وبنعرف عهد الاقطاع وصكوك الغفران الكانوا ببيعوها رجال الدين في الكنيسة
*ومتاجرة رجال الدين بقضايا المجتمع عزفناها من الزمن داك ماعرفناها بعد بيانات لجنة التفكيك
*ده كلو عرفناهوا من المدرسة
*يبقي الدرس لما يتعلق بالتعرف علي ثقافة وفنون شعب او حقبة او زمن ببقي ثقافة وليس استلاب
*ايها الناس
*تاني ايها الناس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*الجوطة في المناهج ولا في المدارس الدايرة تفتح لينا ؟؟؟؟
سلك كهربا
ننساك كيف والكلب قال في زول درس في اوروبا رجع كافر ؟؟؟؟؟؟
والي لقاء
سلك