معتصم جعفر بِلعب بمجلس الهلال !!
قزاز ورذاذ
محمد الطيب الأمين
معتصم جعفر بِلعب بمجلس الهلال !!
* لا أستغرب مطلقاً في إنحياز الإتحاد العام للمريخ.
* ما مستغرب.
* طالما نائب رئيس المريخ السابق الجاكومي قد أكد من خلال تصريح شهير إن كل لجان الإتحاد العام مريخية.
* الجاكومي قصد أن يطمئن جماهير المريخ بأن الإتحاد معاهم في كل الأحوال.
* بالحق أو بالباطل .. الإتحاد معاهم.
* هكذا فهمنا من تصريحه.
* مجلس الهلال المسكين وكعادته لم يتوقف كثيراً عند هذه النقطة ولم يستغلها كما يجب.
* ما قاله الجاكومي تثبته الأيام الآن.
* السيناريو بدأ بالظلم التحكيمي وترصد الهلال في آخر أربع مباريات في النصف الأول من الدوري.
* إختارت لجنة الحكام أربعة حكام لإدارة مباريات الهلال الأربعة الأخيرة في الدورة الأولى.
* فكان الظلم فاضحاً وواضحاً شهد به كبار الحكام.
* ظلم مُتقن.
* الآن في موضوع عماد الصيني ايضاً واصلت لجان الإتحاد ذات الظلم والكيل بمكيالين.
* لجنة رفعت العقوبة بعد إسترحام اللاعب.
* ولجنة أخرى رفضت رفع العقوبة.
* وهي ذات اللجان العرجاء التي خففت عقوبة صلاح نمر.
* والمؤسف أن صلاح نمر غلط في حق الحكام التابعين للإتحاد نفسه.
* وهذا يؤكد أن الإتحاد يهمه أمر المريخ.
* ينصرون المريخ حتى وإن كان المجني عليه حكم يتبع للإتحاد العام.
* يشجعون سوء السلوك.
* طالما العقوبة 6 مباريات لا بأس أن يتهم نجوم الدوري الحكام بالرشوة.
* ست مباريات ما كتيرة.
* عادي ممكن (تكفت) الحكم وتقيف 7 مباريات.
* ولا حاجة.
* عادي جداً.
* المهم.
* الهلال ينتظر اليوم رد من الإتحاد العام بخصوص الصيني.
* يريد الهلال أن يكمل تفاصيل تسجيل اللاعب اليوم.
* نقفل الباب ده عشان نشوف باقي الأبواب.
* ما زلت أصر ان الهلال بهذه الطيبة يساعد الإتحاد العام على ظلمه.
* حقك ما في زول بجيبو ليك.
* تقلعو بيدك.
* وما تخلوا معتصم جعفر يلعب بيكم.
* إتعلموا الشفتنة والصوت العالي.
* وبعد ده يجيك واحد يقول ليك معتصم جعفر عمل مبادرة.
* مبادرة ب(الما).
* و.. و..
* والله في.
ههههه المرعوب؟ انت لسه ما نمت؟ ابوبرنيطة لو رفعوا الطرحة يلاقو زول مرعوب ومصاب بفوبيا المريخ عديييل كدا كمان والعربي المسيخ بجح ومخفف دمك خليهو المريخ واقرع تيم فلوران اللاعب مع ال play station وفريق القرن طبعا لجان الكاف منحازة للمريخ لأنها تضم معتصم جعفر والشاعر عشان كل سنة تضع الهلال مع صن داونز والاهلي…انتظروا البل وهناك ما في يوسف ابو والمحبوب وعبدالعزيز جعفر ووليد الطيب هههه قال الهلال مظلوم من حكام صلاح صالح والنقاط الحرام مالية كروش الجلافبط.
فعلا اللي اختشوا ماتو وهناك وليعلم الوصيف تبعك انه هناك مافي صبري ولا الطريفي ولا نيالا ولا جعفر زور لينا بل في بل
الهلال سيد البلد
روح بيع نقاط مبارياتك احسن تصلحوا بيها حفرتكم بدل تروح هدر
امشي شوف لك حفرة العب فيها اقصد ادفن فيها