نحنا قبيييل شن قلنا

في السلك

بابكر سلك
نحنا قبيييل شن قلنا

*المريخ لسة جايط
*،وفقهاء التفسير كلو يوم ناطي لينا واحد منهم بتفسير جديد لقرار كاس
*خلونا من التفسير
*ونجتر التاريخ القريب قبل مايتلاشي ويتنسي
*دعوة لمناقشة نظام ٢٠١٩ كمسودة بنادي الشرطة
*ودعوة اخري لمقاطعة مناقشة ذلك النظام كمسودة
*يعني حرب بدت من قبل القراءة الاولي للنظام الاساسي
*لاحظ زول يحارب شي لسة هو ماعارفو شنو ولاشافو ولاسمع بيهو
*بس دين آبائي واجدادي القديم داك
*حاربوا الدين الجديد لا لانه ردئ ولكن تمسكا بدين الآباء والاجداد
*ايام الهي سلفني ايدك(العجوة دي) آكلها وارجعها ليك لي قدام
*ثم كانت جمعية اجازة النظام ٢٠١٩
*قالوا مفروض تكون وفقا لدستور ٢٠٠٨ وباشراف المفوضية
*قلنا ٢٠٠٨ الله معاهو
*الحقبة تحكمها قواعد نظام الاتحاد الساري
*وقد كان
*تمت اجازة ٢٠١٩
*قالوا مامجاز
*قلنا مجاز
* خرج الاتحاد ببدعة تأكيد الاجازة
*قالوا ما ممكن
*قلنا ممكن
*وتم التأكيد وانتخاب بعض اللجان
*واذكر في جمعية اكتوبر موقف مشرف وقوي للاخ بدرالدين وعبدالله النور
*حينما انتصب وسط الجمعية ورفض مقترح ترشيحات سوداكال للجان
*بل واقترح اسماء جديدة
*بل فازت تلك الاسماء غصبا عن سوداكال
*وهذا دليل علي ان مناصري اجازة نظام ٢٠١٩ لم يكونوا انصار سوداكال
*،ولكنهم كانوا انصارا للديمقراطية وسيادة حكم القانون
*وانتصر القانون وازدانت الديمقراطية بموقف بدر الدين وصحبه من الاعضاء الذين شكلوا حضورا انيقا في تلك الجمعية
*قالوا اللجان المنتخبه شمار في مرقة
*قلنا بل هي قمة التسبيك بكامل بهارات النكهه والذوق الرفيع
*ثم جاء اعتراف الفيفا بنظام ٢٠١٩
*وعملت خارطة طريق
*واتفكينا من نقة ٢٠١٩ غير مجاز
*لجنة الانتخابات المنتخبة في جمعية اكتوبر ٢٠٢٠
*وضعت خارطة طريق لإنهاء حكم سوداكال خلال شهور اربع
*فتح العضوية ونشر الكشوفات تقديم الطعون الترشح الطعون كشف المرشحين النهائي
*تاريخ الجمعية
*ثم شعرت لجنة الانتخابات(وانا عضو فيها)شعرت بعدم جدوي استمرار مجلس سوداكال لفترة انتقالية
*،فقمنا وبموجب دستور ٢٠١٩ بانهاء امد مجلس سوداكال والاعلان عن مجلس يقوم بتصريف شؤون النادي لمدة شهرين وبعد خلالها للانتخابات
*لماذا؟
*لان الفرقة والشتات قد بدأت تدبان في جسد المجلس
*وعند اختيار مجلس التصريف
*وسعنا دائرة المشاركة
*(اهل المريخ)وقتها قدموا ستة قوائم للاتحاد للتعيين كلجنة تسيير
*البنلقاهوا في القوائم الستة بنشيلوا
*وفي خمسة
*وفي أربعة
*وهكذا
*واكملناهم بما كان يسمي بالادارة التنفيذية
*وهم من اعضاء مجلس سوداكال
*ليه؟
*حتي نسهل عملية التسليم والتسلم
*لانهم كادارة تنفيذية كانت الامور تحت اياديهم
*المجلس او اللجنة التي اخترناها
*اتصلنا بهم فردا فردا
*ووافقوا علي الفور
*بل ان بعضهم طلب إدخال اسماء بعينها معهم لانهم بيسروا عليه العمل
*ادانا تلفوناتهم
*اتصلنا بهم
*فرحوا قبل ان يقبلوا ويباركوا
*وعند اعلاننا للقرار
*فوجئنا بمن اتصلنا به ووافق
*يعتذر بزعم ما اتصلوا علي
*واصدروا بيانات
*كان المؤلف واحد لغالبية البيانات
*ليه؟
*لانو لو سري قرارنا معناتو نظام ٢٠١٩ صحيح وجمعية عشرين عشرين سارية
*هذه الصحة وهذا السريان يضران بالمكابرين
*وبدأت السواقة بالخلا
*وحدس ماحدس
*يبقي كيف بدرالدين يسقط مقترح سوداكال والنظام مفصل علي سوداكال حزب زعمهم؟؟؟
*يبقي كيف دايرين يشيلوا سوداكال وقرار لجنة الانتخابات شالوا ولكن كبرياء النفس اجبرهم علي الوقوف ضد القرار
*ويبقي كيف نحنا مع سوداكال ونصدر قرار انهاء امد مجلسو؟؟؟
*عرفتوا لما كنت بقول ليكم انا مع سيادة حكم القانون ومع قيمة انسانية سامية اسمها الديمقراطية كنت بعني شنو؟؟؟؟
*اها كاس جابت قرارها
*وكلو زول فينا فسر القرار حسب هواهو
*وهوا كاس وااااااضح
*حتي لجنة انتخابات الموردة بتشوف حسب قرار كاس انها المعنية بتعيين لجنة للتسيير
*اتمني ان تعلنها
*لانها آخر معارك اهل المريخ
*وبعدها سينعم المريخ بديمقراطية مستقرة
*تجيب سوداكال
*تجيب حازم
*تجيب قون
*لايهمنا اطلاقا
*فنحن لانهتم بمن يحكم المريخ
*ولكن نهتم كثيرا بكيف يحكم المريخ
*والارشيف قاااااعد من بداية الالفينات
*ايها الناس
*ان تنصروا الله ينصركم
*اها
*نجي لي شمارات والي الخرتوم
*،كان شفت يا والينا
*مطرة وااحدة لما تجينا
*حاتبلنا يا والينا
سلك كهربا
ننساك كيف والكلب قال طالعين كاس ونازلين كاس وماشلنا الكاس
والي لقاء
سلك